‘ක්ලීන් ශ්‍රී ලංකා’ වෙතින් හදිසි පියවරක්- බස්නාහිර පළාතේ අවදානම් කලාප 23ක ඒකාබද්ධ මෙහෙයුමක් හෙට සිට

බස්නාහිර පළාතේ ඩෙංගු අධි අවදානම් කලාප 23ක් ආවරණය වන පරිදි හෙට (05) සිට විශේෂ ඩෙංගු මර්දන මෙහෙයුමක් ක්‍රියාත්මක කිරීමට තීරණය කර ඇත.

මෙම මෙහෙයුම ක්ලීන් ශ්‍රී ලංකා වැඩසටහනේ සම්බන්ධීකරණයෙන් ක්‍රියාත්මක කරනු ලබයි.

තවද සෞඛ්‍ය අංශ, ත්‍රිවිධ හමුදාව, ශ්‍රී ලංකා පොලිසිය, දිස්ත්‍රික් ලේකම් කාර්යාල, ප්‍රාදේශීය ලේකම් කාර්යාල, පළාත් පාලන ආයතන මෙන්ම ස්වේච්ඡා සංවිධාන ඇතුළු රාජ්‍ය හා ප්‍රජා නියෝජිත පාර්ශ්ව රැසකගේ ඒකාබද්ධ සහභාගිත්වයෙන් මෙම වැඩසටහන ක්‍රියාත්මක කෙරේ.

විශ්වවිද්‍යාල වසා දැමීමේ අවදානමක්- නියෝජ්‍ය අමාත්‍යවරයාගෙන් විශේෂ දැනුම්දීම මෙන්න

ඩෙංගු මර්දනය සඳහා ජනතා සහභාගිත්වය ඉහළ නංවා ගනිමින් බස්නාහිර පළාතේ ඩෙංගු අධි අවදානම් කලාප 23ම ආවරණය වන පරිදි මෙම ඒකාබද්ධ මෙහෙයුම ක්‍රියාත්මක කිරීමට නියමිතය.