ධීවර ප්‍රජාවට කාලගුණ අනතුරු ඇඟවීම් - නවතම නිවේදනය මෙන්න

ත්‍රිකුණාමලය සිට මුලතිව්, කන්කසන්තුරය, මන්නාරම, පුත්තලම, කොළඹ, ගාල්ල සහ හම්බන්තොට හරහා පොතුවිල් දක්වා වන මුහුදු ප්‍රදේශ සඳහා අවවාදාත්මක නිවේදනයක් කාලගුණ විද්‍යා දෙපාර්තමේන්තුව විසින් නිකුත් කර ඇත.

 එම නිවේදනය අද (05) පෙරවරු 10.30 සිට හෙට (06) පෙරවරු 10.30 දක්වා වලංගු වනු ඇත. කන්කසන්තුරය සිට මන්නාරම හරහා කල්පිටිය දක්වා වෙරළට ඔබ්බෙන් වන මුහුදු ප්‍රදේශවල සුළගේ වේගය විටින් විට පැයට කිලෝමීටර් (60-70) දක්වා වැඩි වන අතර එම මුහුදු ප්‍රදේශ විටින් විට රළු වේ.

කාලගුණ විද්‍යා දෙපාර්තමේන්තුව නිවේදනය කළේ මන්නාරම සිට කොළඹ, ගාල්ල සහ හම්බන්තොට හරහා පොතුවිල් දක්වා වෙරළට ඔබ්බෙන් වන මුහුදු ප්‍රදේශවල මුහුදු රළ උස මීටර් (2.0 - 2.5)ක් පමණ ඉහළයාමේ හැකියාවක් පවතින බවයි

කුණාටු සුළං සමඟ වැසි තත්ත්වය තවත් දරුණු වෙයි - අද දවසේ කාලගුණ අනාවැකිය මෙන්න

හලාවත සිට කොළඹ සහ ගාල්ල හරහා මාතර දක්වා වෙරළ ආසන්න ප්‍රදේශවල මුහුදු රළ ගොඩබිමට පැමිණීමේ හැකියාවක් ද ඇත ධීවර සහ නාවික ප්‍රජාව මේ පිළිබඳව අවධානයෙන් කටයුතු කරන ලෙස කාලගුණ විද්‍යා දෙපාර්තමේන්තුව වැඩිදුරටත් සඳහන් කර තිබේ . 

Advisory for Strong Winds and Rough Seas at 10 1780637205 by kanchana