"අපි ආහාර නැතුව පස් කනවා.." - ලොව සිත උණුසුම් කරන වීඩියෝව

ගාසා තීරයේ ජීවත් වන පිරිමි ළමයෙකු තමන් මුහුණ දෙන බරපතළ ආහාර හිඟය පිළිබඳ කතා කරන වීඩියෝවක් සමාජ මාධ්‍ය ජාල ඔස්සේ වේගයෙන් ව්‍යාප්ත වෙමින් පවතී. මෙම වීඩියෝව ගාසා තීරයේ පවතින මානුෂීය අර්බුදයේ බරපතළ බව ලොවට හෙළිදරව් කරන තවත් සාක්ෂියකි.

මට නොබෙල් සාම ත්‍යාගය ඕනේ - ට්‍රම්ප් සටන් වදි

2023 ඔක්තෝබර් මාසයේ සිට වසර එකහමාරකට වැඩි කාලයක් තිස්සේ ඊශ්‍රායලය විසින් පලස්තීනයේ ගාසා තීරයට අඛණ්ඩව ප්‍රහාර එල්ල කරමින් සිටී. මෙම ගැටුම් හේතුවෙන් පලස්තීනුවන් 55,500කට අධික පිරිසක් මියගොස් ඇති අතර, මිලියන ගණනක ජනතාවක් තම නිවාස අහිමි වී, තමන්ගේම භූමිය තුළ සරණාගතයින් බවට පත්ව ඇත.

රත්තරන් බිත්තර මිලියන 2ක් මුහුද යටින්

2025 මාර්තු මාසයේ සිට ඊශ්‍රායලය විසින් ගාසා තීරයට ආහාර, ඖෂධ, හා අනෙකුත් ආධාර ඇතුළු වීම සම්පූර්ණයෙන් වළක්වා ඇත. මෙම තහනම හේතුවෙන් ගාසා තීරයේ බරපතළ සාගත තත්ත්වයක් ඇති වී ඇති අතර, ජනතාව දැඩි කුසගින්නෙන් හා පෝෂණ ඌනතාවයෙන් පෙළෙති.

පසුගිය සති කිහිපය තුළ ඊශ්‍රායල බලධාරීන් ආධාර බෙදා හැරීමේ ක්‍රියාවලිය තම පාලනය යටතට ගෙන ඇත. කෙසේ වුවත්, මෙම ආධාර බෙදා හැරීමේදී බරපතළ ගැටලු මතු වී ඇත. ආහාර හා ආධාර ලබා ගැනීමට පැමිණෙන ජනතාවට ඊශ්‍රායල ආරක්ෂක හමුදා විසින් වෙඩි තබා ඇති අතර, මෑත සතිවලදී මෙලෙස සිය ගණනක් ජනතාව මියගොස් ඇත.

ඊජිප්තුව හරහා එන ලාංකිකයින්ට දැන් ඊශ්‍රායල් වීසා අනිවාර්යයි

ආධාර ලබා ගැනීමට උත්සාහ කරන ජනතාව තම ජීවිත අවදානමට ලක් කළත්, ලබාදෙන ආධාර ප්‍රමාණය ඉතා සුළු බැවින්, ආහාර, ඖෂධ, හා අත්‍යවශ්‍ය භාණ්ඩ හිඟය දිනෙන් දින උත්සන්න වෙමින් පවතී.

මෙම අර්බුදය තුළ, සමාජ මාධ්‍යවල වෛරස් වෙමින් පවතින වීඩියෝවේ ගාසා තීරයේ ජීවත් වන පිරිමි ළමයෙකු තමන් මුහුණ දෙන ආහාර හිඟය පිළිබඳ හඬ නඟයි. ඔහුගේ හද කම්පා කරවන ප්‍රකාශයන් මෙසේය:

"We are eating sand instead of bread."

A Palestinian child in northwestern Gaza cries out in frustration from extreme hunger, having lost hope of obtaining even a bag of flour amid a severe shortage of humanitarian aid pic.twitter.com/sk8byFfZUt

— TRT World (@trtworld) June 20, 2025

"අපට ගාසා තීරයේ කෑමට ආහාර නැහැ. සෑම දිනකම ආහාර සහ අනෙකුත් ද්‍රව්‍ය අඩංගු ට්‍රක් රථ ගාසා තීරයට පැමිණෙනවා. නමුත් අපට එයින් කිසිවක් ලැබෙන්නේ නැහැ. අපි ආහාර නොමැතිව පස් කනවා. අපට ආහාර නැත. කොහේවත් ආහාර නැත. ආහාර පිසීමට අපට පිටි අවශ්‍යයි. අපට අනුකම්පා කරන්න. කරුණාකර අනුකම්පා කරන්න. අපට ආහාර නැත. අපි පාන් වෙනුවට පස් කනවා. අපි ආහාර නොමැතිව පස් කනවා. අනුකම්පා කරන්න."

ළමයා වැඩිදුරටත් පවසන්නේ, ගාසා තීරයේ එක් පාන් ගෙඩියක මිල දැනට එක්සත් ජනපද ඩොලර් 5.30ක් (ශ්‍රී ලංකා රුපියල් 570කට ආසන්න) වන බවයි. එසේ වුවත්, එම පාන් ගෙඩිය ඉතා කුඩා වන අතර, එය ඔවුන්ගේ ආහාර අවශ්‍යතාවය සපුරාලීමට ප්‍රමාණවත් නොවන බව ඔහු අවධාරණය කරයි.

මහජන බැංකුවෙන් සිය පාරිභෝගිකයන්ට විශේෂ දැනුම් දීමක්

මෙම ළමයාගේ වීඩියෝව ගාසා තීරයේ පවතින මානුෂීය අර්බුදයේ බරපතළ බව ලොවට පෙන්වන තවත් ඛේදජනක සාක්ෂියකි. ආහාර හිඟය, ඖෂධ හිඟය, සහ මූලික ජීවන අවශ්‍යතාවන්ගේ හිඟකම හේතුවෙන් ගාසා තීරයේ ජනතාව දැඩි දුෂ්කරතාවන්ට මුහුණ දෙමින් සිටිති.

මෙම තත්ත්වය ජාත්‍යන්තර ප්‍රජාවගේ අවධානයට ලක්ව ඇති අතර, ගාසා තීරයේ ජනතාවට ආධාර ලබාදීමට හා යුධමය තත්ත්වය අවසන් කිරීමට එක්සත් ජාතීන් ඇතුළු ජාත්‍යන්තර ආයතනවලින් ඉල්ලීම් ඉදිරිපත් වී ඇත. කෙසේ වුවත්, ගැටුම් තවදුරටත් උත්සන්න වන බැවින්, මෙම අර්බුදයට ඉක්මන් විසඳුමක් ලබාදීම අභියෝගයක් බවට පත්ව ඇත.