මට නොබෙල් සාම ත්‍යාගය ඕනේ - ට්‍රම්ප් සටන් වදි

ඇමරිකා ජනාධිපති ඩොනල්ඩ් ට්‍රම්ප් නැවත වරක් ප්‍රකාශ කර ඇත්තේ, පසුගිය මාසයේදී ඉන්දියාව සහ පාකිස්තානය අතර ඇතිවූ යුද්ධ භීෂණ තත්ත්වය නවතා දැමූයේ තමන් බවයි.

යුද්ධය මැද ලොවම පුදුම කරපු මනුස්සකම

ඔහු පවසා සිටියේ, මෙවැනි සාමය පිහිටුවීම සඳහා කරන ලද උත්සාහවලට නොබෙල් සාම සම්මානයක් ලබා නොදෙන බවයි.

තුන්වෙනි ලෝක යුද්ධයත් හරි ඉරානයේ පිලට ඔමානය, කටාර්, ඉරාකය එක්වෙද්දී බ්‍රිතාන්‍ය, ඇමරිකා ඊශ්‍රායල පිලට

ඔහුගේ සමාජ මාධ්‍ය වේදිකාව වන Truth Social හරහා සිදු කළ පණිවිඩයකදී ට්‍රම්ප් පවසා සිටියේ, "මම ඉන්දියාව සහ පාකිස්තානය අතර යුද්ධය නවත්වලා, සර්බියාව සහ කොසෝවෝ, ඊජිප්තුව සහ ඉතියෝපියාව, රුසියාව සහ යුක්රේනය, ඉස්රේල් සහ ඉරානය යන රටවල් අතර සාමය සඳහා උත්සාහ කළත්, මට නොබෙල් සම්මානයක් ලැබෙන්නේ නෑ. ඒත් ජනතාව දන්නවා.එයයි මට වැදගත්." 

ඉරානයට අති ප්‍රබල භූමිකම්පාවක් න්‍යෂ්ටික අවි පරීක්ෂාවක්ද ?

එහෙත්, ඉන්දියාව විශේෂයෙන්ම අග්‍රාමාත්‍ය නරේන්ද්‍ර මෝදි පෙන්වා දී ඇත්තේ, මෙම සාම අරමුණට ඇමරිකාව හෝ ඕනෑම තෙවැනි පාර්ශ්වයක් ඇතුළත් වී නොමැති බවයි. "සින්දූර් මෙහෙයුම" ලෙස හැඳින්වූ පාහල්ගම ත්‍රස්ත ප්‍රහාරයට පිළිතුරු ලෙස ඉන්දියාව මෙහෙයුමක් ආරම්භ කළ අතර, ඊට ප්‍රතිචාර ලෙස පාකිස්තානයත් කටයුතු කළේය.

මැයි 10 දා, පාකිස්තාන සෙනාවේ සාමාන්‍යධිපතිවරයා ඉන්දීය විරුද්ධ පාර්ශ්වය සමඟ සෘජු ලෙස සාකච්ඡා කරන ලද අතර එදිනම දෙරට අතර යුධ ව්‍රත නවතා දැමීමට එකඟතාවයක් ඇතිවිය.

මහජන බැංකුවෙන් සිය පාරිභෝගිකයන්ට විශේෂ දැනුම් දීමක්

මෑතකදී ජනාධිපති ට්‍රම්ප් පාකිස්තාන යුද්ධ හමුදාපති අසිම් මුනිර් මහතා නිල වශයෙන් අමෙරිකාවේ සාදයකට ආරාධනා කළ අතර, පාකිස්තාන රජයද 2026 නොබෙල් සාම සම්මානය සඳහා ට්‍රම්ප් මහතාගේ නායකත්වය පිළිබඳව නිලවශයෙන් නිර්දේශ කිරීමක් සිදුකිරීමට තීරණය කර ඇත.