මැදපෙරදිග ගිනි ඇවිළෙද්දී අමෙරිකානු නාවික හමුදා ලේකම් හදිසියේම ඉල්ලා අස්වෙයි

ට්‍රම්ප් පරිපාලනය යටතේ සේවය කළ අමෙරිකානු නාවික හමුදා ලේකම් ජෝන් ෆෙලන් තම ධූරයෙන් ඉල්ලා අස්වීමට තීරණය කර ඇති බව පෙන්ටගනය නිවේදනය කරයි.

පෙන්ටගන මාධ්‍ය ප්‍රකාශක ෂෝන් පාර්නෙල් සමාජ මාධ්‍ය මඟින් ප්‍රකාශ කළේ, මෙම ඉල්ලා අස්වීම වහාම ක්‍රියාත්මක වන බවයි.

ෆෙලන් ධූරයෙන් ඉවත්වීමත් සමඟ නාවික හමුදා උප ලේකම් හන්ග් කාඕ වැඩබලන ලේකම්වරයා ලෙස කටයුතු කිරීමට නියමිතය. පසුගිය මාස කිහිපය තුළ ට්‍රම්ප් පරිපාලනයෙන් ඉවත් වූ ඉහළ පෙළේ හමුදා නිලධාරීන් අතරට ෆෙලන් ද එක් වේ.

පත්වී මාසයක් යන්නත් පෙර ස්වදේශ ඇමති හදිසියේම ඉල්ලා අස්වෙයි

ඔහු 2024 වසරේදී ජනාධිපති ඩොනල්ඩ් ට්‍රම්ප් විසින් නම් කරන ලද අතර, 2025 මාර්තු මාසයේදී නාවික හමුදා ලේකම්වරයා ලෙස දිවුරුම් දුන්නේය.

ඔහුගේ ඉල්ලා අස්වීමට හේතුව මෙතෙක් නිල වශයෙන් හෙළි කර නොමැති අතර, ආරක්ෂක ලේකම් පීට් හෙග්සෙත් මෑතකදී ජ්‍යෙෂ්ඨ හමුදා නිලධාරීන් කිහිප දෙනෙකු ධූරවලින් ඉවත් කර ඇති බව සඳහන් වේ.

ෆෙලන්ගේ ස්ථානයට වැඩබලන ලෙස පත්වන හන්ග් කාඕ වසර 25 කට අධික අත්දැකීම් සහිත නාවික හමුදා ප්‍රවීණයෙකි. ධූරයෙන් සමුගන්නා ෆෙලන්ගේ සේවාවට පෙන්ටගනය කෘතඥතාවය ද පළ කර තිබේ.

බ්‍රිතාන්‍යයෙන් ලොවම හලවන තීන්දුවක් - 2008න් පසු උපන් අයට දුම්පානය සදහටම තහනම්

මෙම නායකත්ව වෙනස සිදුවන්නේ ඉරානය සහ අමෙරිකා-ඊශ්‍රායල සන්ධානය අතර පවතින දැඩි ආතතිමය තත්ත්වයක් සහ හෝර්මුස් සමුද්‍ර සන්ධිය අවහිර වී ඇති පසුබිමකය.ඉරාන වරායන්ට එරෙහිව පනවා ඇති අමෙරිකානු නාවික අවහිරය තවදුරටත් ක්‍රියාත්මක වන බව ජනාධිපති ට්‍රම්ප් ප්‍රකාශ කර ඇත. ඊට ප්‍රතිචාර ලෙස, සටන් විරාම ගිවිසුම් උල්ලංඝනය කරන බවට චෝදනා කරමින් හෝර්මුස් සමුද්‍ර සන්ධිය යළි විවෘත කිරීමට නොහැකි බව ඉරාන ප්‍රධාන සාකච්ඡාකරු මොහොමඩ් බගර් ගලිබාෆ් සඳහන් කර ඇත.

ලෝක තෙල් සැපයුමෙන් වැදගත් කොටසක් ගමන් කරන මෙම සමුද්‍ර මාර්ගයේදී නාවික යාත්‍රා දෙකක් තම භාරයට ගත් බවත් ඉරානය පවසයි.

වෙසක් සතිය මැයි 27 සිට ජූනි 2 දක්වා - අමතර නිවාඩු දිනයක් ගැන විශේෂ නිවේදනයක්