ශ්‍රී ලංකාවේ අමෙරිකානු තානාපති කාර්යාලයෙන් විශේෂ නිවේදනයක් - වීසා බලපත්‍රය අහිමි වෙන්න කලින් දැනුවත් වෙන්න

ශ්‍රී ලංකාවේ අමෙරිකානු තානාපති කාර්යාලය විසින් එක්සත් ජනපදයට සංචාරය කිරීමට අපේක්ෂා කරන පුද්ගලයින් සඳහා විශේෂ නිවේදනයක් නිකුත් කර ඇත.

මෙම නිවේදනයේදී ගමන් බාධා හෝ හදිසි වෛද්‍ය අවශ්‍යතා වැනි අනපේක්ෂිත තත්ත්වයන් මඟහරවා ගැනීම සඳහා, සංචාරක වියදම් සම්පූර්ණයෙන්ම දැරීමට තරම් ප්‍රමාණවත් මූල්‍ය ශක්තියක් ඇති බවට වග බලා ගන්නා ලෙස සඳහන් කර ඇත.

ගුරු විභාගය සමතුන්ට නිල කැඳවීම් ලිපි මෙන්න - ලබන 20ට පෙර මෙම ලේඛන අයදුම් කරන්න

වැඩිදුරටත් අදාළ නිවේදනයේ සඳහන් කර ඇත්තේ වීසා සම්මුඛ පරීක්ෂණය සඳහා මනා සූදානමකින් යුතුව සහභාගී වන ලෙසත්, එක්සත් ජනපදයට ඇතුළු වීමෙන් පසු එරට රජයේ මහජන ආධාර මත යැපීමට කිසිදු ඉඩකඩක් නොමැති බවට සැබෑ සාක්ෂි ඉදිරිපත් කිරීමට සූදානම් වන ලෙසත්ය.

එමෙන්ම වීසා ලබා ගැනීමේ අරමුණින් කිසිදු අවස්ථාවක ව්‍යාජ ලේඛන ඉදිරිපත් නොකරන ලෙස එම නිවේදනයේ දැඩිව අවවාද කර තිබේ.

තානාපති කාර්යාලය සඳහන් කරන්නේ ව්‍යාජ ලේඛන ඉදිරිපත් කිරීම බරපතල වංචාවක් වන අතර, එමඟින් වර්තමාන වීසා බලපත්‍රය අහිමි වීමට අමතරව අනාගතයේදී කවරදාකවත් අමෙරිකානු වීසා ලබා ගැනීමට ස්ථිරවම නුසුදුස්සෙකු වීමට ද එය හේතු විය හැකි බවයි.

හදිසියේම කේ.ඩී. ලාල් කාන්තට කරදරයක් - අමාත්‍යවරයා තමන්ගේ කටින්ම හෙළිකළ විස්තරේ මෙන්න