මැයි මාසයට වඩා ජුනි මාසයේදී පෙට්‍රල් මිල ගණන් වෙනස් වුණු හැටි

එක්සත් අරාබි එමීර් රාජ්‍යය 2026 ජුනි මාසය සඳහා ඉන්ධන මිල ගණන් සංශෝධනය කර ඇති අතර, පෙට්‍රල් වර්ග කිහිපයක මිල මැයි මාසයට සාපේක්ෂව ඉහළ ගොස් ඇති බව එරට ඉන්ධන මිල කමිටුව නිවේදනය කර තිබේ.

නව සංශෝධනය අනුව සුපර් 98 පෙට්‍රල් ලීටරයක මිල මැයි මාසයේ ඩිරාම් 3.66 සිට ජුනි මාසයේ ඩිරාම් 3.95 දක්වා ඉහළ ගොස් ඇත. විශේෂ 95 පෙට්‍රල් ලීටරයක මිල ඩිරාම් 3.55 සිට ඩිරාම් 3.83 දක්වාත්, E-Plus 91 පෙට්‍රල් ලීටරයක මිල ඩිරාම් 3.48 සිට ඩිරාම් 3.76 දක්වාත් ඉහළ ගොස් තිබේ.

එමෙන්ම ඩීසල් මිල ලීටරයකට ඩිරාම් 0.36කින් පහළ ගොස් ඇති අතර, මැයි මාසයේ ඩිරාම් 4.69 සිට ජුනි මාසයේ ඩිරාම් 4.33 දක්වා අඩුවී ඇත.

ලෝකයටම තවත් අර්බුධයකට මග කියමින් ලෝක වෙළඳපොළේ බොරතෙල් මිල ඉහළට

මෙම නව මිල ගණන් 2026 ජුනි 1 වැනිදා සිට ක්‍රියාත්මක වන බවද බලධාරීන් සඳහන් කරයි.

2026 පෙබරවාරි මාසයේ සිට සිදු වූ සංශෝධන සැලකිල්ලට ගත් විට, විශේෂයෙන් E-Plus 91 පෙට්‍රල් ලීටරයක මිල ඩිරාම් 2.26 සිට ඩිරාම් 3.76 දක්වා ඉහළ යාමෙන් 66%කට අධික වර්ධනයක් වාර්තා වී ඇත.

ගෝලීය තෙල් වෙළඳපොළවල උච්චාවචනයන්ට අනුව එක්සත් අරාබි එමීර් රාජ්‍යය සිල්ලර ඉන්ධන මිල මාසිකව සමාලෝචනය කර සංශෝධනය කරන බවද වාර්තා වේ. 

ලෝකයම කැළඹූ ලන්ඩන් බන්ධනාගාර නිලධාරිනියගේ රහස් ලිංගික වීඩියෝවේ සුලමුල එළියට