ලෝකයම කැළඹූ ලන්ඩන් බන්ධනාගාර නිලධාරිනියගේ රහස් ලිංගික වීඩියෝවේ සුලමුල එළියට

ලන්ඩනයේ HMP වොන්ඩ්ස්වර්ත් බන්ධනාගාරය තුළ සිදුවූ බවට චෝදනා එල්ල වූ සිරකරු සහ කාන්තා බන්ධනාගාර නිලධාරිනියක අතර ඇතිවූ නුසුදුසු සබඳතාවයක් 2024 වසරේදී බ්‍රිතාන්‍යයේ පමණක් නොව ලෝකය පුරාම දැඩි ආන්දෝලනයකට ලක්විය.

එම සිද්ධිය සමාජ මාධ්‍ය ඔස්සේ වීඩියෝවක් ලෙස ප්‍රචාරය වීමත් සමඟ බ්‍රිතාන්‍ය බන්ධනාගාර පද්ධතියේ ආරක්ෂාව සහ විනය පිළිබඳව දැඩි විවාදයක් ඇති වූ අතර, පසුව ඒ සම්බන්ධ ප්‍රධාන චරිත දෙකම සිද්ධිය පිළිබඳව එකිනෙකට පරස්පර ප්‍රකාශ නිකුත් කර තිබේ.

“ආරම්භය කෑම බෙදා දීමෙන්” 

මෙම සිද්ධියේ ප්‍රධාන චරිතය ලෙස සඳහන් වන 38 හැවිරිදි ලින්ටන් වයිරිච් (Linton Weirich) නමැති සිරකරු, මංකොල්ලකෑම් සහ මත්ද්‍රව්‍ය සම්බන්ධ බරපතළ අපරාධ සඳහා වරදකරු වූවෙකි. ඔහුගේ අනුවාදය අනුව, 32 හැවිරිදි ලින්ඩා ඩි සූසා ආබ්‍රේව් (Linda de Sousa Abreu) නම් නිලධාරිනිය සමඟ ඇතිවූ සම්බන්ධතාවය ආරම්භ වී ඇත්තේ බන්ධනාගාරය තුළ විශේෂ සැලකිල්ලක් ලෙස ආහාර ලබාදීම සහ පසුව සමාජ මාධ්‍ය හරහා ඇතිවූ සන්නිවේදනයන් මගිනි.

ඔහු පවසන්නේ, ඇය වෙනත් නිලධාරියෙකු හරහා තම නම ලබාගෙන, පසුව Snapchat හරහා පණිවිඩ යවමින් සම්බන්ධතාවය වර්ධනය කළ බවයි. එම සම්බන්ධතාවය ක්‍රමයෙන් බන්ධනාගාරය තුළද රහසිගතව ලිංගික සබඳතා දක්වා වර්ධනය වූ බව ඔහු ප්‍රකාශ කරයි.

වයිරිච් තවදුරටත් චෝදනා කරන්නේ, ඇය සිරකරුවන්ට ආරක්ෂාව ලබා දීමට සහ අනෙක් රැඳවියන් සමඟ ඇති ගැටුම් විසඳා දීමට තමන්ගෙන් ඉල්ලීම් කළ බවයි. ඔහු පවසන ආකාරයට, වීඩියෝව පටිගත කරන ලද අවස්ථාවට පෙරද සිර මැදිරි තුළ සහ බන්ධනාගාර කාර්යාල තුළ කිහිප වතාවක්ම ලිංගික සම්බන්ධතා පැවැත්වී ඇත.

ඔහුගේ තවත් ආන්දෝලනාත්මක ප්‍රකාශයක් වන්නේ, එම වීඩියෝව පටිගත වන අවස්ථාවේ තමන්ගේ සැබෑ සහකාරිය ගර්භණීව සිටි බවත්, එම සිදුවීම තම පෞද්ගලික ජීවිතයට දැඩි හානියක් සිදු කළ බවත්ය. කෙසේ වෙතත්, ඔහු පසුව පවසන්නේ බන්ධනාගාරය තුළ පවතින විනය අඩුකම සහ තරුණ නිලධාරිනියන්ගේ බඳවා ගැනීම් නිසා මෙවැනි සිදුවීම් ඇතිවන බවයි.

නිලධාරිනියගේ පැත්ත - “බලපෑම් සහ පීඩනය යටතේ පරිසරයක්”

පොදු මහජන සේවයක සිටියදී සිරකරුවෙකු සමඟ මෙවැනි නුසුදුසු සබඳතාවක් පැවැත්වීමේ සහ විෂමාචාරී ලෙස හැසිරීමේ වරදට ලින්ඩා ඩි සූසා ආබ්‍රේව්ට බ්‍රිතාන්‍ය අධිකරණය විසින් මාස 15ක සිරදඬුවමක් නියම කරන ලදී.

2024 වසරේ ජූලි මාසයේදී අධිකරණය හමුවේ ඇය තමන් වැරදිකරු බව නිල වශයෙන් පිළිගත් අතර, ඉන්පසු ඇයව ‘HMP බ්‍රොන්ස්ෆීල්ඩ්’ (HMP Bronzefield) කාන්තා බන්ධනාගාරය වෙත යොමු කෙරිණි. කෙසේ වෙතත්, එංගලන්තයේ පවතින බන්ධනාගාර අධික තදබදය හේතුවෙන්, යහපත් කල්ක්‍රියාව මත ඇයට සිය සමස්ත දඬුවම් කාලයෙන් තුනෙන් එකක් (මාස 5ක්) පමණක් සිරබත් කා, විශේෂ බලපත්‍රයක් (Release on licence) යටතේ නිදහස ලබා ගැනීමට අවස්ථාව ලැබුණි.

විවාහක කාන්තාවක සහ එක්දරු මවක වන ලින්ඩා, බ්‍රසීලයේ උපත ලැබූ අයෙකි. ඇය සතුව ‘OnlyFans’ නමැති වැඩිහිටියන්ට පමණක් සීමා වූ වෙබ් අඩවියක ගිණුමක්ද පවතින අතර, එහි ඇය තමා ‘සරාගී ලතින් ඇමරිකානු කාන්තාවක්’ ලෙස හඳුන්වා දෙමින් මුදලට දර්ශන අලෙවි කර ඇත. බන්ධනාගාරය තුළ සිදු වූ මෙම සිදුවීමෙන් පසු ඇය සිය ධුරයෙන් ඉල්ලා අස්වීමටද කටයුතු කළාය.

නිදහස ලැබීමෙන් පසු, බන්ධනාගාරයෙන් පිටතදී ප්‍රථම වතාවට මාධ්‍ය හමුවේ ප්‍රසිද්ධියේ අදහස් දක්වමින් ලින්ඩා ඩි සූසා තමන් අතින් සිදු වූ එම වරද සහ ඉන්පසු තමන් මුහුණ දුන් සිර දඬුවම පිළිබඳව දීර්ඝ ලෙස කරුණු හෙළි කර තිබේ. එහිදී ඇය පවසා සිටියේ සමාජ මාධ්‍ය ඔස්සේ ලැව්ගින්නක් සේ පැතිර ගිය එම වීඩියෝ දර්ශන පිළිබඳව තමන් අතිශයින්ම ලැජ්ජාවට පත්වන අතර, සියලු ක්‍රියාවන් පිළිබඳව දැඩි ලෙස පසුතැවෙන බවයි.

කෙසේ වෙතත්, සිරකරු වයිරිච් තමන්ට එල්ල කරන අනෙකුත් බරපතළ චෝදනා ඇය සම්පූර්ණයෙන්ම ප්‍රතික්ෂේප කරයි. බන්ධනාගාරය තුළට කෑම වර්ග හෝ වෙනත් තහනම් ද්‍රව්‍ය ජාවාරම් කළ බව ඇය ප්‍රතික්ෂේප කරන අතර, තමා සිරකරු සතුව තිබූ රහසිගත දුරකථනයකින් ඔහු සමඟ සම්බන්ධ වූයේ නැති බවද අවධාරණය කරයි.   

“මම නොකළ යුතු කෙනෙකු සමඟ ලිංගිකව හැසිරුණා. ඒක වැරදි, නුසුදුසු සබඳතාවයක්. මම ඒ සබඳතාවයේ වගකීම සම්පූර්ණයෙන්ම භාර ගන්නවා. නමුත් මම බන්ධනාගාරය ඇතුළට කිසිම දෙයක් හොරෙන් ගෙනාවේ නැහැ”

යැයි ඇය පවසන්නීය.  

ඇය තවදුරටත් පෙන්වා දෙන්නේ තමා සේවය කළ කාලසීමාව තුළ වොන්ඩ්ස්වර්ත් බන්ධනාගාරය දැඩි සේවක හිඟයකින් පීඩා විඳි බවත්, එම නිසාම එය පාලනය කිරීමට අතිශය අපහසු මෙන්ම පීඩනකාරී පරිසරයක් පැවති බවත්ය. 

නීතිමය ප්‍රතිඵල සහ දඬුවම්

මෙම සිද්ධියෙන් පසුව ලින්ඩා ඩි සූසා ආබ්‍රේව් අධිකරණය හමුවේ තම වරද පිළිගෙන ඇති අතර, ඇයට මාස 15ක සිර දඬුවමක් නියම විය. පසුව බන්ධනාගාර තදබදය හේතුවෙන් ඇයට එම දඬුවමේ කොටසක් පමණක් සේවය කර, නිරීක්ෂණය යටතේ නිදහස ලබා දී ඇත.

බ්‍රිතාන්‍ය අධිකරණ අමාත්‍යාංශය පවසන්නේ, මෙම සිද්ධිය බන්ධනාගාර සේවකයන්ගෙන් බහුතරය නියෝජනය නොකරන බවත්, බොහෝ නිලධාරීන් වෘත්තීයව සහ කැපවීමෙන් කටයුතු කරන බවත්ය.

කෙසේ වෙතත්, මෙම සිද්ධිය හරහා බ්‍රිතාන්‍ය බන්ධනාගාර පද්ධතිය තුළ සේවක හිඟය, ආරක්ෂක පාලනය, සහ නිරීක්ෂණ යාන්ත්‍රණ පිළිබඳව නැවතත් දැඩි විවාදයක් ආරම්භ වී තිබේ.

මෙම සිද්ධිය තවදුරටත් අධිකරණ, මාධ්‍ය සහ මහජන අවධානය දිගටම ආකර්ෂණය කරමින් පවතී.