පරිගණක අපරාධ සිදුකරන බවට සැකපිට බන්ධනාගාරගත කර සිටි චීන ජාතිකයින් දෙදෙනෙකුට ඇප

අන්තර්ජාලය සහ පරිගණක තාක්ෂණය ඔස්සේ මහා පරිමාණයෙන් විවිධ මූල්‍ය අපරාධ සිදුකරන බවට සැකපිට අත්අඩංගුවට ගෙන දීර්ඝ කාලයක් රක්ෂිත බන්ධනාගාර ගතකර සිටි චීන ජාතිකයින් දෙදෙනෙකු දැඩි ඇප කොන්දේසි මත වහාම මුදාහැරීමට අධිකරණය නියෝග කර තිබේ.

කොළඹ කොටුව පොලිස් බල ප්‍රදේශයට අයත් ප්‍රසිද්ධ තරු පන්ති හෝටල් සංකීර්ණයක සැකකටයුතු ලෙස රැඳී සිටිමින් මෙම සංවිධානාත්මක පරිගණක අපරාධ සහ මූල්‍ය වංචාවන් සිදුකරන බවට ලද තොරතුරක් මත, චීන ජාතිකයින් දෙදෙනෙකු කොටුව මූලස්ථාන පොලීසියේ නිලධාරීන් කණ්ඩායමක් මඟින් පසුගියදා අත්අඩංගුවට ගෙන තිබුණා.

සාමාන්‍ය පෙළ ප්‍රතිඵල ගැන විශේෂ දැනුම්දීමක්

එලෙස දිගින් දිගටම රක්ෂිත බන්ධනාගාර ගතකර සිටි මෙම විදේශීය සැකකරුවන් දෙදෙනා කොටුව මහේස්ත්‍රාත් අධිකරණය හමුවට අද දින යළි ඉදිරිපත් කිරීමෙන් අනතුරුවයි මෙලෙස දැඩි ඇප මත මුදාහැරීමට ගරු මහේස්ත්‍රාත්වරයා නියෝග කළේ.

ඒ අනුව එක් සැකකරුවෙකු වෙනුවෙන් රුපියල් ලක්ෂ 50 බැගින් වූ ශරීර ඇප 02 ක් බැගින් ඉදිරිපත් කිරීමට නියම වූ අතර, මොවුන් දෙදෙනාටම නැවත දැනුම් දෙන තුරු ලංකාවෙන් පිටවීම සම්පූර්ණයෙන්ම තහනම් කරමින් විදෙස් ගමන් තහනමක් ද පැනවීමට අධිකරණය පියවර ගත්තා.

මෙම නඩු විභාගයේදී කොටුව පොලීසිය අධිකරණයට නිල වශයෙන් දැනුම් දුන්නේ සැකකරුවන් සන්තකයේ තිබී පොලිස් භාරයට ගත් ලැප්ටොප් පරිගණක සහ ජංගම දුරකතන පිළිබඳ රස පරීක්ෂක වාර්තා මෙන්ම දුරකතන විශ්ලේෂණ වාර්තා මෙතෙක් පොලීසිය වෙත ලැබී නොමැති බවයි.

රජයෙන් විශේෂ දැනුම්දීමක් - අධිවේගී මාර්ගයේ යන මේ අයට විශේෂ වට්ටමක්

ඒ අනුව අදාළ සියලුම වැඩිදුර තාක්ෂණික වාර්තා අධිකරණයට ඉදිරිපත් කිරීම සඳහා මෙම විශේෂ නඩුව ලබන ජූලි 13 වනදා නැවත කැඳවීමට මහේස්ත්‍රාත්වරයා නියම කළා.