තුර්කි හමුදාවේ C-130 ගුවන් යානය ජෝර්ජියාවේදී කඩා වැටෙයි

තුර්කියට අයත් C-130 Hercules හමුදා භාණ්ඩ ප්‍රවාහන ගුවන් යානයක් අද (11) ජෝර්ජියා රාජ්‍යයේදී අනතුරට ලක්වී කඩා වැටී ඇති බව තුර්කි ආරක්ෂක අමාත්‍යාංශය තහවුරු කරයි.

ගුවන් යානය අසර්බයිජානයේ ඉන්කිර්ලික් ගුවන් කඳවුරේ සිට තුර්කියේ කයිසේරි නගරයට ගුවන් ගත වෙමින් සිටියදී, ජෝර්ජියාවේ කავකස් කඳුකරයේදී එය අතුරුදහන් වූ බව මුලින් වාර්තා විය. පසුව එය කඩා වැටුණු බව තහවුරු විය.

ගුවන් යානයේ කාර්ය මණ්ඩල සාමාජිකයින් ඇතුළුව තුර්කි හමුදා නිලධාරීන් 20 දෙනෙකු සිටි බව තුර්කි ජාතික ආරක්ෂක අමාත්‍යාංශය නිල වශයෙන් ප්‍රකාශ කර ඇත.

පාකිස්තානයේ මරාගෙන මැරෙන බෝම්බ ප්‍රහාරයක් - 12ක් මරුට

මේ වන විට ජෝර්ජියානු බලධාරීන්ගේ සහය ඇතිව තුර්කි හමුදාවේ විශේෂ ගලවා ගැනීමේ කණ්ඩායම් දෙකක් අනතුරු ස්ථානයට ළඟා වී ඇති අතර, ගලවා ගැනීමේ මෙහෙයුම් ක්‍රියාත්මක වෙමින් පවතී.

ජීවිත හානි සම්බන්ධයෙන් මෙතෙක් නිල තොරතුරක් නිකුත් වී නොමැති නිසා, බලධාරීන් තවමත් බලාපොරොත්තුවෙන් සිටින බව විදෙස් මාධ්‍ය වාර්තා කරයි.

තුර්කි ජනාධිපති රෙසෙප් ටයිප් එර්දොගාන් මහතාද මේ පිළිබඳව දැනුවත් කර ඇති අතර, අනතුර සම්බන්ධයෙන් ඉහළම මට්ටමින් පරීක්ෂණ ආරම්භ කර ඇත.

9දෙනෙක් මරු කටට යැවූ දිල්ලි පිපිරුමේ මහ මොළකාරයන් වෘත්තියෙන් වෛද්‍යවරු - භයානක රහස් ගොඩක් එළියට

බිහිසුණු අනතුරක් - ලොරියක් ප්‍රපාතයකට පෙරලෙයි