BBCයට එරෙහි ට්‍රම්ප්ගේ බිලියන 10 නඩුව උණුසුම් වෙයි - පවුලේ අයගෙන් රහස් සාක්ෂි ඉල්ලයි

ජනාධිපති ඩොනල්ඩ් ට්‍රම්ප් විසින් BBCයට එරෙහිව පවරා ඇති ඩොලර් බිලියන 10ක අපහාස නඩුවට මුහුණදීම සඳහා, ඔහුගේ පවුලේ සමීප සාමාජිකයන්ගෙන් ලේඛන සහ සාක්ෂි ලබාගැනීමට BBCය උත්සාහ කර තිබේ.

අධිකරණ ලේඛනවලට අනුව, BBC නීතිඥයන් පසුගිය මැයි මාසයේදී ට්‍රම්ප්ගේ පුත් ඩොනල්ඩ් ට්‍රම්ප් ජූනියර්, දියණිය ඉවන්කා ට්‍රම්ප් සහ බෑනා ජැරඩ් කුෂ්නර් වෙත උපනීති නියෝග (subpoenas) ලබාදීමට උත්සාහ කර ඇත.

BBC නීතිඥයන් අධිකරණයට ඉදිරිපත් කළ නවතම ලේඛනයක සඳහන් කර ඇත්තේ, ට්‍රම්ප්ගේ කතාව පැවැත්වීමේදී ඔහුගේ අරමුණු පිළිබඳව මෙම පවුලේ සාමාජිකයන්ට “පෞද්ගලික දැනුමක්” තිබිය හැකි බවයි. එබැවින් ඔවුන් සතු සාක්ෂි සහ ලේඛන අපහාස නඩුවට අදාළ වන බව BBCය තර්ක කරයි.

නඩුවට හේතු වූ BBC සංස්කරණය

මෙම නඩුවට පසුබිම් වී ඇත්තේ 2024 වසරේ BBCයේ Panorama වැඩසටහනකදී 2021 ජනවාරි 6 වැනිදා එක්සත් ජනපද කැපිටල් ගොඩනැගිල්ලට එල්ල වූ ප්‍රහාරයට පෙර ට්‍රම්ප් සිදුකළ කතාවක් සංස්කරණය කර විකාශය කිරීමයි.

එහිදී ට්‍රම්ප්ගේ කතාවේ වෙනස් ස්ථාන දෙකක් එකට සංස්කරණය කිරීම හේතුවෙන්, ඔහු ජනතාව ප්‍රචණ්ඩ ක්‍රියාවලට සෘජුවම පෙළඹවූ බවට වැරදි හැඟීමක් ඇතිවිය හැකි බවට BBCය පසුව පිළිගෙන සමාව ඉල්ලා තිබේ.

කෙසේ වෙතත්, එම සංස්කරණය අපහාසයක් වූ බවට ට්‍රම්ප් කරන චෝදනාව BBCය ප්‍රතික්ෂේප කරයි. BBC නීතිඥයන් පවසන්නේ ට්‍රම්ප්ගේ කතාවේ අරමුණ, එය අසා සිටි ජනතාවට ඇති වූ හැඟීම සහ BBC වැඩසටහන හේතුවෙන් ඔහුගේ කීර්තිනාමයට සිදුවූ බව කියන හානිය සම්බන්ධයෙන් තම ආරක්ෂාව ඉදිරිපත් කිරීමට මෙම පවුලේ සාමාජිකයන්ගෙන් තොරතුරු අවශ්‍ය බවයි.

උසස් පෙළ විභාග අපේක්ෂකයින්ගෙන් ඉල්ලීමක් - ප්‍රශ්ණ පත්‍ර ගැටලුව උණුසුම් වෙයි - පරීක්ෂණය CIDය අතට

රහස් සේවයෙන් බාධා

කෙසේ වෙතත්, ට්‍රම්ප්ගේ පවුලේ සාමාජිකයන්ට පුද්ගලිකව උපනීති නියෝග ලබාදීමට BBC කළ උත්සාහවලට බාධා එල්ල වී තිබේ. ඔවුන්ට ආරක්ෂාව සපයන එක්සත් ජනපද රහස් සේවයේ මැදිහත්වීමද එම ක්‍රියාවලියට බලපා ඇති බව සඳහන් වේ.

ඒ අනුව, වෙනත් ක්‍රමයක් හරහා එම උපනීති නියෝග ලබාදීමට අවසර ලබාදෙන ලෙස BBCය අධිකරණයෙන් ඉල්ලා තිබේ. ට්‍රම්ප් මෙම නඩුවෙන් ඩොලර් බිලියන 10ක වන්දියක් ඉල්ලා සිටින අතර, BBCයේ අදාළ සංස්කරණය හේතුවෙන් තම කීර්තිනාමයට සහ ව්‍යාපාරික වටිනාකමට හානි සිදුවූ බවට ඔහු චෝදනා කරයි.

නඩුව මේ වනවිටත් අධිකරණය හමුවේ විභාග වෙමින් පවතී.

"අම්මා බලන්න මම යන්නේ නැහැ" - බැකෝ සමන් මවගේ මළගෙදර නොයෑමට හේතුව මෙන්න