21 ට පෙර වැටුප් වැඩිවීම් පිළිබඳ චක්‍රලේඛයක් නිකුත් කරයි.? - "චක්‍රලේඛ නිකුත් කිරීම මැතිවරණ නීති උල්ලංඝනය කිරීමක් නෙවෙයි." - (VIDEO).
Wayomi
ගුරුවරුන්, විදුහල්පතිවරුන් ඇතුළු රජයේ සේවකයන්ගේ යෝජිත වැටුප් වර්ධක ප්‍රකාශ කිරීමේ චක්‍රලේඛයක් සැප්තැම්බර් 21 වැනිදාට පෙර නිකුත් කරන ලෙස ලංකා ගුරු සංගමය රජයට බලකර සිටි බවත්, චක්‍රලේඛ නිකුත් කිරීම මැතිවරණ නීති උල්ලංඝනය කිරීමක් නොවන බවත් ලංකා ගුරු සේවා සංගමයේ ප්‍රධාන ලේකම් ජෝසප් ස්ටාලින් මාධ්‍ය වෙත අදහස් දක්වමින් කියා සිටියා.
එහිදී ඔහු සඳහන් කළේ,ජනාධිපති රනිල් වික්‍රමසිංහ දේශපාලන වේදිකාවල කරන ප්‍රකාශ සත්‍ය නම් මැතිවරණ දිනයට පෙර චක්‍රලේඛයක් නිකුත් කළ යුතු බවයි.
කෙසේ වෙතත් විශ්‍රාමිකයන්ගේ දීමනා වැඩි කිරීමට චක්‍රලේඛයක් නිකුත් කර ඇති බවත් ඔහු සඳහන් කළා.
“සෑම ජනාධිපති අපේක්ෂකයෙක්ම රජයේ සේවකයන්ගේ වැටුප් වර්ධක ඉලක්ක කරගෙන ප්‍රකාශ නිකුත් කරනවා. වැටුප් විෂමතා ප්‍රශ්න ගැන ප්‍රකාශ කිරීමේදී රනිල් වික්‍රමසිංහ ජනාධිපතිතුමා සැලකිය යුතු තැනක් ගන්නවා,” ඔහු පැවසීය.
වැටුප් විෂමතා ඉවත් කරන ලෙස ඉල්ලා ගුරුවරුන් සහ විදුහල්පතිවරුන් පසුගිය ඔක්තෝම්බර් 24 වනදා විරෝධතාවක නිරත වුණා. එදා රජය විසඳුම් දුන්නේ නැහැ කඳුළු ගෑස් සහ ජල ප්‍රහාරවලින් ඔවුන්ට සැලකුවා.
මේ සම්බන්ධයෙන් විවිධ දේශපාලන වේදිකා සාකච්ඡා මේ දිනවල විවිධ අපේක්ෂකයින් විසින් පවත්වනු ලබනවා.
මීට පෙර ජනාධිපතිතුමා කිව්වා අවශ්‍ය වැටුප් වැඩි කිරීම සඳහා වැට් බද්ද වැඩි කළ යුතුයි කියලා. නමුත් දැන් රජය වහාම වැටුප් වර්ධකවලට යන්න සාකච්ඡා ආරම්භ කර තිබෙනවා."
