දෙවන පුහුණු තරගයේදී ලංකාවට ලකුණු 41ක ජයක්..
Piyumika
දෙවන පුහුණු තරගයේදී ලංකාවට ලකුණු 41ක ජයක් පන්දුවාර 20/20 ලෝක කුසලාන තරගාවලියට පෙර ශ්‍රී ලංකා කණ්ඩායම සහභාගි වන දෙවන පුහුණු තරගය අයර්ලන්ත කණ්ඩායමට එරෙහිව ඇමරිකාවේ ලොන්ඩර්හිල් හිදී ඊයේ (31) පැවැත් විය.
එහිදී ශ්‍රී ලංකා කණ්ඩායම ලකුණු 41කින් අයර්ලන්තය පරදා මෙම තරගය ජයක් අත් කර ගැනීමට සමත් වූහ.
තරගය මෙරට වේලාවෙන් ඊයේ රාත්‍රී 8 ට ආරම්භ වූ අතර, කාසියේ වාසිය දිනාගත් අයර්ලන්ත කණ්ඩායම පළමුවෙන් පන්දු රැකීමට තීරණය කළ අතර පන්දුවට පහරදීමට පිටියට පිවිසි ශ්‍රී ලංකා කණ්ඩායම පන්දුවාර 20 අවසානයේ කඩුළු 08ක් දැවී ලකුණු 163ක් ලබා ගැනීමට සමත් වුහ.
පිළිතුරු ඉනිමට ලකුණු 164 ඉලක්කයක් හඹා ගිය අයර්ලන්ත කණ්ඩායමට පන්දුවාර 18යි පන්දු 02ක් අවසානයේ සියලු දෙනා දැවී ලබා ගැනීමට හැකිවුනේ ලකුණු 122ක් පමණය.
නෙදර්ලන්තය සමඟ පසුගියදා පැවති පළමු පුහුණු තරගයේදී ලකුණු 20 කින් ශ්‍රී ලංකා කණ්ඩායම පරාජයට පත්විය.
විස්සයි විස්ස ලෝක කුසලාන තරගාවලිය හෙට ආරම්භවීමට නියමිත අතර, ශ්‍රී ලංකාව ඩී කාණ්ඩය යටතේ තරග වැදීමට නියමිතයි.
