උකස් මධ්‍යස්ථානයේ හිමිකරුට පහර දී ලක්ෂ ගාණක රන් භාණ්ඩ සොරාගත් සැකකරු මාට්ටු

කෑගල්ල පොලිස් වසමේ කෙලින්වීදියේ පිහිටා තිබෙන ප්‍රසිද්ධ ස්වර්ණාභරණ උකස් මධ්‍යස්ථානයකට පසුගිය 23 වැනිදා දහවලේ අතින් හැඳගත් ආයුධ සන්නද්ධව ඇතුළු වූ නාඳුනන පුද්ගලයින් දෙදෙනෙකු විසින් එහි සිටි භාරකරුට දරුණු ලෙස පහරදී තුවාල සිදුකර මරණීය බියගන්වා එහි සුරක්ෂිතව තිබූ රුපියල් ලක්ෂ 213 කට ආසන්න අතිවිශාල වටිනාකමකින් යුතු රන් භාණ්ඩ තොගයක් සාහසික ලෙස කොල්ල කෑමේ මහා පරිමාණ අපරාධය සම්බන්ධයෙන් කෑගල්ල මූලස්ථාන පොලිසිය මඟින් පුළුල් විමර්ශන වහාම ආරම්භ කරන ලදී.

බිහිසුණු ගින්නක් - වැල්ලවාය උක් වගා බිමේ විශාල ගින්නක් - කවුරුන් හෝ ගිනි තැබූ බව සැකයක්

ඒ අනුව ක්‍රියාත්මක වූ විශේෂ විමර්ශන නිලධාරීන් කණ්ඩායමක් විසින් මෙම මහා පරිමාණ අපරාධයට සෘජුවම සම්බන්ධ ප්‍රධාන සැකකරුවෙකු ඊයේ 24 වැනිදා කටුගස්තොට ප්‍රදේශයේදී ඉතාමත් සූක්ෂ්ම ලෙස සිදුකළ වැටලීමකදී අත්අඩංගුවට ගැනීමට සමත්ව තිබේ.

එලෙස අත්අඩංගුවට ගන්නා අවස්ථාවේදී සැකකරු සන්තකයේ තිබී අදාළ ආයතනයෙන් සොරකම් කරන ලද ග්‍රෑම් 38 ක් සහ මිලිග්‍රෑම් 39 ක් බරැති වටිනා රන් භාණ්ඩවලින් විශේෂ කොටසක් ද පොලිස් භාරයට ගැනීමට හැකි විය. පොලිස් ප්‍රශ්න කිරීම්වලදී හෙළි වී ඇත්තේ අත්අඩංගුවට පත් සැකකරු වයස අවුරුදු 42 ක් වන කෑගල්ල මීපිටිය ප්‍රදේශයේ ස්ථීර පදිංචිකරුවෙකු බවයි.

මෙම සාහසික කොල්ලකෑමේ සිද්ධියට සම්බන්ධ අනෙක් සන්නද්ධ සැකකරු සහ ඉතිරි රන් භාණ්ඩ තොගය සොයා කෑගල්ල පොලිසිය මේ වන විට වැඩිදුර විමර්ශන කටයුතු ඉතාමත් දැඩි ලෙස සිදුකරනු ලබයි.

සමගි ජන බලවේගයේ චරිත් අබේසිංහත් අත්අඩංගුවට