සුරේෂ් සලේ අධිකරණය ඉදිරියට කැඳවයි

ත්‍රස්තවාදය වැළැක්වීමේ පනත යටතේ රඳවාගෙන සිටින රාජ්‍ය බුද්ධි සේවයේ හිටපු ප්‍රධානී සුරේෂ් සලේ මහතා, දැඩි ආරක්ෂක විධිවිධාන මධ්‍යයේ අපරාධ පරීක්ෂණ දෙපාර්තමේන්තුව විසින් අද (22) කොළඹ කොටුව මහෙස්ත්‍රාත් අධිකරණයට රැගෙනවිත් තිබේ.

ඒ මහතා අධිකරණයට ඉදිරිපත් කිරීමට නියෝග කර තිබුණේ කොළඹ කොටුව මහෙස්ත්‍රාත් ඉසුරු නෙත්තිකුමාර මහතා විසින් ඉකුත් නඩු දිනයේදීය. අපරාධ පරීක්ෂණ දෙපාර්තමේන්තුව ශ්‍රී ලංකාව විසින් සිදුකරන පරීක්ෂණයකට අනුව, 2019 පාස්කු ඉරිදා ප්‍රහාර සිද්ධියට අදාළ නඩුකරයේ තුන්වන සැකකරු ලෙස සුරේෂ් සලේ මහතා නම් කර ඇත.

බාල ගල් අගුරු ගෙන්වූ සමාගමටම තවත් ඕඩර් 25ක් දීලා - මරික්කාර්

සැකකරුවකු ලෙස නම් කර ඇති බැවින් ඔහු අධිකරණයට ඉදිරිපත් කළ යුතු බවට නියෝග කිරීමෙන් පසුව, අපරාධ පරීක්ෂණ දෙපාර්තමේන්තුව නිලධාරීන් විසින් ඔහු අද දින අධිකරණය වෙත රැගෙනවිත් ඇත.

මේ අතර, පාස්කු ඉරුදින ත්‍රස්ත ප්‍රහාරය සම්බන්ධ නඩුකරය අද කොළඹ කොටුව මහෙස්ත්‍රාත්වරයා ඉදිරියේ කැඳවීමට නියමිත බවද වාර්තා වේ.

හිටපු පාර්ලිමේන්තු මන්ත්‍රී ප්‍රේමලාල් ජයසේකර අධිකරණය හමුවට