ළමා පිළිකා ඖෂධ පිළිබද රජයෙන් සුබ පණිවිඩයක්

මෙරට ළමා පිළිකා රෝග සදහා ප්‍රතිකාර කිරීමට වර්ෂ තුනකට සරිලන ගුණාත්මක, තත්ත්වයෙන් උසස් ඖෂධ සැපයුමක් සහතික කිරීමට හැකි වූ බව සෞඛ්‍ය හා ජනමාධ්‍ය අමාත්‍යාංශය සදහන් කර තිබේ.

ඒ අනුව ශ්‍රී ලංකාවේ ළමා පිළිකා ඖෂධවල අඛණ්ඩ සැපයුම සහතික කිරීම සඳහා වන ගෝලීය වේදිකාවට නිල වශයෙන් සම්බන්ධ වීම සනිටුහන් කරමින් සෞඛ්‍ය හා ජනමාධ්‍ය අමාත්‍යාංශය සහ ලෝක සෞඛ්‍ය සංවිධානය අතර ගිවිසුමක් ද අත්සන් කර ඇත.

මෙහි අරමුණ බවට පත්ව තිබෙනුයේ මෙරට ළමා පිළිකා රෝගීන්ගේ ප්‍රතිකාර සේවාවන් තවදුරටත් විධිමත් හා ශක්තිමත් අයුරින් පවත්වාගෙන යාමට මෙරට සෞඛ්‍ය පද්ධතියට වර්ෂ තුනකට සරිලන ගුණාත්මක, තත්ත්වයෙන් උසස් ඖෂධ අඛණ්ඩව ලබා ගැනීමයි .

තවද එම ගිවිසුමට ඖෂධ සැපයුම් ක්‍රියාවලිය ශක්තිමත් කිරීම ඇතුලු‍ සාධනීය කරුණු රැසක් ඇතුළත්ව තිබේ තවද ළමා පිළිකා ඖෂධ සඳහා ප්‍රවේශය සඳහා වන ගෝලීය වේදිකාව 2021 වර්ෂයේ දී ලෝක සෞඛ්‍ය සංවිධානය සහ ශාන්ත ජූඩ් ළමා පර්යේෂණ රෝහල එක්ව ආරම්භ කර ඇත.

බීමත් රියදුරන්ට වැඩ වරදී, 422ක් අත්අඩංගුවට

මෙම ගෝලීය වේදිකාවේ ප්‍රමුඛ අරමුණක් වනුයේ ඉදිරි වසර පහ සිට හත දක්වා කාලය තුළ අඩු සහ මධ්‍යම ආදායම් ලබන රටවල්වල ආසන්න වශයෙන් ළමුන් එක් ලක්ෂ 20,000කට ගුණාත්මක බව සහතික කළ උසස් පිළිකා ඖෂධ අඛණ්ඩව සැපයීමයි.

මේවන විට මෙම ගෝලීය වේදිකාව සමඟ කටයුතු කරනු ලබන්නේ ශ්‍රී ලංකාව, ඉක්වදෝරය, එල් සැල්වදෝරය, ඝානාව, ජෝර්දානය, මෝල්ඩෝවා, මොංගෝලියාව, නේපාලය, පකිස්ථානය, සෙනගල්, උස්බෙකිස්තානය සහ සැම්බියාව ආදී වූ රටවල් 12යි.

ඇමරිකානු ප්‍රවෘත්ති නිවේදිකාවකගේ මව අතුරුදන්, FBI විමර්ශන