ජය පතාගෙන සිංහයින් පිටියට.. අවු. 27කට පස්සේ අද වෙන්න යන දෙය මෙන්න.. (PHOTOS)
krishani
අද (07) ශ්‍රී ලංකාව සහ ඉන්දියාව අතර තීරණාත්මක තුන්වැනි එක්දින ක්‍රිකට් තරගය පැවැත්වේ.
ඒ කොළඹ ආර් ප්‍රේමදාස ජාත්‍යන්තර ක්‍රිකට් ක්‍රීඩාංගනයේ දී ය.
ඒ අනුව තරගය අද පස්වරු 02.30ට ආරම්භ විය.
එහිදී කාසියේ වාසිය දිනා ගැනීමට ශ්‍රී ලංකාව සමත් වූ අතර එහිදී ඔවුන් තීරණය කළේ පළමුව පන්දුවට පහර දීමටයි.
මෙම තරගය ජයගතහොත් තරගාවලියේ ජය ශ්‍රී ලංකාවට හිමි වනු ඇත.
තරගාවලියේ පළමු එක්දින තරගය ජය පරාජයෙන් තොරව අවසන් වූ අතර දෙවන තරගය ශ්‍රී ලංකාව ලකුණු 32කින් ජය ගනු ලැබීය.
අද යම් හෙයකින් ශ්‍රී ලංකාව තරගය ජය ගතහොත් ශ්‍රී ලංකාව ලබන තෙවැනි තරගාවලි ජය ලෙස ඉතිහාසයට එක් වෙයි.
ඒ අනුව ඉන්දියාවට එරෙහිව එක්දින තරගාවලි ජයක් ලබනු ඇත්තේ අවුරුදු 27කට පසුවීම විශේෂත්වයක් වේ.
අද තරගය සදහා කණ්ඩායම් දෙකේ කිසිදු වෙනස්කමක් සිදු නොවන බව වාර්තා වේ.
කෙසේ වෙතත්, මේ වනවිට තරග 3කින් සමන්විත එක්දින තරගාවලිය තරග 1-0ක් ලෙස ශ්‍රී ලංකා කණ්ඩායම ඉදිරියෙන් පසු වෙයි.
