ලංකාවෙන් ගිය විදෙස් ශ්‍රමිකයන් වෙනුවෙන් - විශ්‍රාම වැටුප් හා මරණ වන්දි මිලියන 2 දක්වා ඉහළට දැමීමේ සූදානමක්

විදේශ කටයුතු, විදේශ රැකියා සහ සංචාරක කටයුතු පිළිබඳ වැඩබලන අමාත්‍ය අරුන් හේමචන්ද්‍ර මහතා, සංක්‍රමණික ශ්‍රමිකයන් සඳහා සමාජ ආරක්ෂණ පද්ධති ශක්තිමත් කිරීමේත්, වඩාත් ආරක්ෂිත විදේශ රැකියා අවස්ථා ලබා දීමේත් සහ ඔවුන්ගේ ආර්ථික සුරක්ෂිතතාව තහවුරු කිරීමේත් අවශ්‍යතාව අවධාරණය කළේය.

කොළඹදී අද (28) පැවති, සංක්‍රමණික ශ්‍රමිකයන් යවන රටවල සහ ඔවුන් සේවය සඳහා යන රටවල නියෝජිතයන්ගේ සහභාගීත්වයෙන් ජාත්‍යන්තර කම්කරු සංවිධානය (ILO) විසින් සංවිධානය කරන ලද වැඩසටහනකට එක්වෙමින් ඔහු මේ බව ප්‍රකාශ කළේය.

ශ්‍රී ලංකාවේ ඉන්ධන මිල සංශෝධනයක් - දැනට තියෙන ඉන්ධන මිල අඩුම මිලටත් වඩා අඩුවෙන් තියෙන්නේ - රජයට විශේෂ ඉල්ලීමක්

සංක්‍රමණික ශ්‍රමිකයන්ගේ ආරක්ෂාව සහ සමාජ ආරක්ෂණය ඉහළ නැංවීම සඳහා රටවල් අතර සහයෝගීතාව වැඩි දියුණු කිරීම මෙම වැඩසටහනේ ප්‍රධාන අරමුණ විය.

මෙම අවස්ථාවට එක්වෙමින් අමාත්‍ය හේමචන්ද්‍ර මහතා ප්‍රකාශ කළේ, විදේශ රැකියා මගින් සේවකයන් අනවශ්‍ය අවදානම්වලට ලක් කිරීම වෙනුවට ඔවුන්ට යහපත් අනාගතයක් සඳහා අවස්ථා උදා කර දිය යුතු බවයි.

පළමු ශ්‍රේණියේ සිට උසස් පෙළ දක්වා සිසුන් සඳහා - දෙමව්පියන් මේ රැකියාවේ නිරත වෙනවානම් ජනාධිපති අරමුදලෙන් ශිෂ්‍යත්ව

විදේශගත වීමට පෙර සූදානම් වීම සහ බඳවා ගැනීමේ ක්‍රියාවලියේ සිට, විදේශයන්හි රැකියාව කිරීම, සමාජ ආරක්ෂණයට ප්‍රවේශ වීම, නැවත ශ්‍රී ලංකාවට පැමිණීම සහ සමාජයට නැවත ඒකාබද්ධ වීම දක්වා වූ සංක්‍රමණ ක්‍රියාවලියේ සෑම අදියරකදීම ආරක්ෂාව සැපයිය යුතු බව ඔහු අවධාරණය කළේය.

පසුගිය වසර දෙක තුළ රජය විසින් ගෙන ඇති පියවර කිහිපයක් පිළිබඳව ද වැඩබලන අමාත්‍යවරයා මෙහිදී කරුණු දැක්වීය. ලියාපදිංචි සහ සුදුසුකම් ලත් සංක්‍රමණික ශ්‍රමිකයන් සඳහා මරණ වන්දි මුදල රුපියල් මිලියන 2 දක්වා ඉහළ නැංවීම, දායකත්ව විශ්‍රාම වැටුප් ක්‍රමයක් පිළිබඳ කටයුතු ඉදිරියට ගෙන යාම සහ නව විදේශ රැකියා පනතක් සකස් කිරීම ඊට ඇතුළත් වේ.

බදු අය නොකිරීමට තීරණයක් පියවර - අය කළ යුතු දේපල බද්ද පස්සට දැමීමට ජනපතිගෙන් ප්‍රකාශයක්

විදේශයන්හි ජීවත් වන ශ්‍රී ලාංකිකයන්ට තම ඡන්ද අයිතිය භාවිත කිරීමට ඉඩ සලසන ක්‍රමවේදයක් හඳුන්වා දීමට ද රජය සූදානම් වෙමින් පවතින බව ඔහු පැවසීය. සංක්‍රමණික ශ්‍රමිකයන්ට ලබා දෙන සේවාවන් වැඩි දියුණු කිරීමේදී ඩිජිටල් තාක්ෂණය ඉටු කරන කාර්යභාරය පිළිබඳව ද අමාත්‍යවරයා වැඩිදුරටත් අවධාරණය කළේය.

ජාත්‍යන්තර කම්කරු සංවිධානය (ILO) සහ ශ්‍රී ලංකා විදේශ සේවා නියුක්ති කාර්යාංශය අතර සහයෝගීතාවයෙන් දියත් කරන ලද "LankaKonect" සේවාව පිළිබඳව ඔහු මෙහිදී පෙන්වා දුන්නේය.

මෙම වේදිකාව මගින් සංක්‍රමණික ශ්‍රමිකයන්ට පැමිණිලි ඉදිරිපත් කිරීමටත්, ඒවායේ ප්‍රගතිය නිරීක්ෂණය කිරීමටත්, රජයේ සහාය වඩාත් පහසුවෙන් ලබා ගැනීමටත් අවස්ථාව සැලසේ.

අද සිට ආදායම් බලපත්‍ර නිකුත් කිරීම අත්හිටුවයි - පළාත් සභා තීරණයයෙන් ඇතිවන ජනතා අපහසුවට කණගාටුව

රැකියා සඳහා විදේශගත වන ශ්‍රමිකයන් සංඛ්‍යාව ඉහළ නැංවීමෙන් පමණක් ඔබ්බට ගිය විදේශ රැකියා ප්‍රතිපත්තියක් ශ්‍රී ලංකාව සතුව තිබිය යුතු බව ඔහු පැවසීය.

කුසලතා සංවර්ධනය, වැඩිදියුණු කළ රැකියා අවස්ථා, විනිවිදභාවයෙන් යුත් සහ නියාමනයට ලක්වූ බඳවා ගැනීමේ ක්‍රියාවලීන්, ශක්තිමත් සේවක ආරක්ෂාව මෙන්ම සංක්‍රමණික ශ්‍රමිකයන්ගේ සහ ඔවුන්ගේ පවුල්වල දිගුකාලීන ආර්ථික යහපැවැත්ම කෙරෙහි ද වැඩි අවධානයක් යොමු කළ ශ්‍රී ලාංකික විදේශගත ශ්‍රමිකයින් තම පවුල්වලට මෙන්ම ජාතික ආර්ථිකයටත් ලබා දෙන විශාල දායකත්වය හඳුනා ගනිමින්, ශ්‍රී ලංකාවේ විදේශ රැකියා ප්‍රතිපත්තිය තුළ ඔවුන්ගේ අයිතිවාසිකම්, ගෞරවය සහ ආරක්ෂාව ප්‍රධාන ප්‍රමුඛතා ලෙස පැවතිය යුතු බව අමාත්‍ය හේමචන්ද්‍ර මහතා පැවසීය.