විනිසුරුවරුන්ගේ විශ්‍රාම වයස දීර්ඝ කිරීම සම්බන්ධයෙන් විශේෂ තීරණයක් - කැබිනට් පත්‍රිකාවක් සකස් කිරීම සියල්ල සූදානම්

විනිසුරුවරුන්ගේ විශ්‍රාම වයස දීර්ඝ කිරීම සම්බන්ධයෙන් කැබිනට් පත්‍රිකාවක් සකස් කිරීමට තමන් වෙත උපදෙස් ලැබී ඇති බව අධිකරණ අමාත්‍ය හර්ෂණ නානායක්කාර මහතා පවසයි.

ඒ අනුව, අදාළ කැබිනට් පත්‍රිකාව සකස් කිරීම සඳහා අවශ්‍ය ඉදිරි ක්‍රියාමාර්ග දැනටමත් ගනිමින් සිටින බව අමාත්‍යවරයා වැඩිදුරටත් සඳහන් කරයි.

පොලිසියෙන් රැකියා පුරප්පාඩු රැසකට අයදුම්පත් කැඳවයි - අයදුම් කළ හැකි නියමිත දිනය මෙන්න

විනිසුරුවරුන්ගේ විශ්‍රාම යෑමේ වයස දීර්ඝ කිරීමට ආණ්ඩුව විසින් යෝජනාවක් ඉදිරිපත් කර ඇති බවට සමාජය තුළ සහ ක්ෂේත්‍රය තුළ කථාබහක් ඇති වී තිබෙන අතර, ඒ පිළිබඳව කළ විමසීමකදී අධිකරණ අමාත්‍යවරයා මෙම තොරතුරු තහවුරු කළේය.

මේ අතර, විනිසුරුවරුන්ගේ විශ්‍රාම වයස දීර්ඝ කිරීමට අදාළ එම යෝජනාව කැබිනට් මණ්ඩලය වෙත ඉදිරිපත් වූවහොත් ඒ පිළිබඳව සවිස්තරාත්මකව සාකච්ඡා කිරීමට රජය සූදානම් බව කැබිනට් ප්‍රකාශක අමාත්‍ය වෛද්‍ය නලින්ද ජයතිස්ස මහතා ද ප්‍රකාශ කර තිබේ.

දිවයින හරහා බලපාන සක්‍රීය මෝසම - ප්‍රධාන පළාත් සහ දිස්ත්‍රික්ක කිහිපයකට කාලගුණයෙන් රතු එළියක්