පාසල් සිසුන්ට මුදල් දීමනා - ජනාධිපති අරමුදලින් වැඩි සිසුන් පිරිසකට රු.1000 සහ රු.1500 ලෙස ඉහළ යන ශිෂ්‍යාධාර

අද (23) පෙරවරුවේ ජනාධිපති ලේකම් ආචාර්ය නන්දික සනත් කුමානායක මහතාගේ ප්‍රධානත්වයෙන් ජනාධිපති ලේකම් කාර්යාලයේදී අධ්‍යාපන අමාත්‍යාංශය මගින් ක්‍රියාත්මක කරන “සුභග”, “තාක්ෂණවේදය” සහ “සුජාත දියණි” ශිෂ්‍යත්ව වැඩසටහන් තව දුරටත් පුළුල් කරමින් ජනාධිපති අරමුදල මගින් ක්‍රියාත්මක කිරීම පිළිබඳ සාකච්චාවක් සිදුවිය.

මෙම හමුවේදී ජනාධිපති අනුර කුමාර දිසානායක මහතාගේ උපදෙස් මත “සුභග”, “තාක්ෂණවේදය” සහ “සුජාත දියණි” ශිෂ්‍යත්ව වැඩසටහන් සඳහා කාලීනව සිදු කළ යුතු වෙනස්කම් හා අදාළ දීමනා සිසුසිසුවියන් වැඩි පිරිසකට ලබාදීමටත් හැකිවන පරිදි ජනාධිපති අරමුදල මඟින් ක්‍රියාත්මක කිරීම පිළිබඳව සාකච්චා වී ඇත.

පාසල් වසා දැමීම සම්බන්ධයෙන් විශේෂ නිවේදනයක් - විදුහල්පතිවරුන්ට හා කලාප අධ්‍යක්ෂවරුන්ට උපදෙස්

මෙම සාකච්චාව මගින් ලබන වසරේ සිට “සුජාත දියණි” සහ “තාක්ෂණවේදය” ශිෂ්‍යත්ව වැඩසටහන් යටතේ මාසිකව ගෙවනු ලබන රුපියල් 750 දීමනාව රුපියල් 1500ක් දක්වාත්, ලබා දෙන ශිෂ්‍යාධාර ලබන සිසුන් ප්‍රමාණය 950 සිට 1000 දක්වාත් වැඩි කිරීමට ඇති හැකියාව පිළිබඳව මෙන්ම සියලු ගෙවීම් ජනාධිපති අරමුදල මඟින් සිදු කිරීම ගැන සාකච්චා කර ඇත.

අද පැය 8කට ජල කප්පාදුවක් - මේ පැති වල ජනතාවට විශේෂ නිවේදනයක් - නැවත වතුර එන වෙලාව මෙන්න

වැඩිදුරටත් තීරණය වී ඇත්තේ සිසු සිසුවියන් වෙනුවෙන් ගෙවීමට නියමිත හිඟ ශිෂ්‍යාධාර කඩිනමින් ගෙවා නිම කිරීමටයි. ජනාධිපති ජ්‍යෙෂ්ඨ අතිරේක ලේකම් රෝෂන් ගමගේ, අධ්‍යාපන අමාත්‍යාංශයේ අතිරේක ලේකම් (පාසල් කටයුතු) ඩබ්.ඒ. නීලිකා පෙරේරා, ප්‍රධාන මූල්‍ය නිලධාරි ඒ.එස්.ඩී. අළුත්ගේ, අධ්‍යාපන අධ්‍යක්ෂ (පාසල් කටයුතු) එන්.ජී.එස්. සිරිවර්ධන යන මහත්ම මහත්මීහු ඇතුළු අධ්‍යාපන අමාත්‍යාංශයේ සහ ජනාධිපති අරමුදලේ ජ්‍යෙෂ්ඨ නිලධාරීහු පිරිසක්ද මෙම අවස්ථාවට සහභාගී වී ඇත.   

උසස් පෙළ සිසුන් සඳහා අති විශේෂ නිවේදනයක් - ශ්‍රී ලංකා විභාග දෙපාර්තමේන්තුව විසින් නිකුත් කරයි - ගැටළු ඇත්නම් විමසීමට දුරකථන අංක