අපි යද්දී තෙල් පැල්ලමක් විතරයි තිබ්බේ සම්පුර්ණයෙන්ම නැව මුහුදුබත් වෙලා - ඉරාන යුද නෞකාව ගැන හමුදාවෙන් ප්‍රකාශයක්

නාවික හමුදා මාධ්‍ය ප්‍රකාශක කමාන්ඩර් බුද්ධික සම්පත් මහතා පවසා ඇත්තේ ශ්‍රී ලංකාවට නාවික සැතපුම් 40ක් පමණ දුරින් අනතුරට ලක්වූ ඉරාන යුද නෞකාවට ප්‍රහාරයක් එල්ලවීමෙන් මුහුදුබත්වී ඇති බවට විදෙස් මාධ්‍ය (විශේෂයෙන් රොයිටර්ස්) සිදුකෙරෙන ප්‍රකාශ සම්පූර්ණයෙන්ම ප්‍රතික්ෂේප කරන බවයි.

ඔහු සඳහන් කළේ, යාත්‍රාවේ සිටි පුද්ගලයින්ගේ නිශ්චිත සංඛ්‍යාව දැනට ප්‍රකාශ කළ නොහැකි බවත්, නිවැරදි සංඛ්‍යාලේඛන දිවි ගලවා ගත් පුද්ගලයින්ගෙන් අනාවරණය කර ගත යුතු බවත් ය.

ඉරාන නෞකා අනතුර සම්බන්ධයෙන් ශ්‍රී ලංකා නාවික හමුදාව අද (04) පැවැත්වූ විශේෂ ප්‍රවෘත්ති සාකච්ඡාවට එක්වෙමින් ඔහු මේ බව සඳහන් කළේය.

ඉරානය වෙනුවෙන් ලංකාවේ නාවික හමුදාව පෙරමුණේ - ශ්‍රී ලංකාවෙන් නිල ප්‍රකාශයක් නිකුත් කරන තෙක් ලෝකයම අවධානෙන්

මෙම මාධ්‍ය හමුවේදී නාවික හමුදා මාධ්‍ය ප්‍රකාශකවරයා වැඩිදුරටත් පවසා සිටියේ,

"මූලික වශයෙන් අපි බලන්නේ ආපදාවට ලක්වූ යාත්‍රාවේ ජීවිත ආරක්ෂා කිරීම. ඉන් පසුව තමයි මෙය කුමණ ආකාරයකින් සිදුවුණේද යන්න සම්බන්ධයෙන් විමර්ශන සහ තාක්ෂණික වාර්තාවක් ලබාගන්න පුළුවන් වෙන්නේ. අපේ මේන් ෆෝකස් එක වෙලා තියෙන්නේ තවත් පිරිස් ආරක්ෂාකාරීව ඉන්නවා නම් ඒ අයව බේරගන්න එක. මෙම නෞකාවේ කොපමණ ප්‍රමාණයක් ගියාද කියන එක අපිට කියන්න වෙන්නේ ඉදිරියේදීයි."

පැයක් ඇතුළත අනතුරට පත් ඉරාන නැවේ හිටපු 180න් 35ක් බේරා ගයි - මුදවා ගැනීමෙන් පසු 30ක් රෝහලට

"අපිට ලැබුණු තොරතුරුවලට අනුව අපි අනතුර සිදුවූ ස්ථානයට යද්දි අපිට දකින්න ලැබුණේ ලොකු තෙල් පැල්ලමක් විතරයි. ඒ නිසා එම නෞකාව මුහුදුබත් වෙලා කියන එක ප්‍රකාශ කරන්න පුළුවන්. කෙසේවෙතත් ශ්‍රී ලංකාව මේ වෙද්දි නෞකාවේ හිටපු 32ක් බේරාගෙන ගාල්ල කරාපිටිය රෝහලට ඇතුළත් කරලා තියෙනවා. ඒ අයගෙන් තොරතුරු ලබාගෙන තමයි ඉදිරි විස්තර කියන්න පුළුවන්.මළ සිරුරු කිහිපයක් මුහුදේ පාවෙමින් තිබියදී සොයාගෙන තිබෙනවා. සොයාගත් මළ සිරුරු නෞකාවේ සේවකයින්ගේ බවට අපි සැක කරනවා."

කෙසේ වෙතත්, රොයිටර්ස් පුවත් සේවය විසින් ශ්‍රී ලංකා නාවික හමුදාවේ හා ආරක්ෂක අමාත්‍යාංශයේ මූලාශ්‍ර උපුටා දක්වමින් වාර්තා කර තිබුණේ, ශ්‍රී ලංකාවට ඔබ්බෙන් තිබූ මුහුදු ප්‍රදේශයකදී ඉරාන නෞකාවට සබ්මැරීන ප්‍රහාරයක් එල්ල වී ඇති බවයි. මෙම වාර්තාවලට අනුව, නෞකාවේ සිටි පුද්ගලයින් 180කට ආසන්න සංඛ්‍යාවක් සිටි අතර, තුවාල ලැබූ 32 දෙනෙකු බේරා ගෙන රෝහල්ගත කර ඇති බවත්, තවත් බොහෝ දෙනෙකු අතුරුදහන් වී ඇති බවත් සඳහන් වේ.

ගාල්ලේ අනතුරට පත් ඉරාන නෞකාව ගලවා ගන්න ශ්‍රී ලංකා නාවික හමුදාවේ මෙහෙයුම ක්‍රියාත්මකයි

ජනපති අනුර වැඩට බහී - වහාම එක්සත් අරාබි එමීර් රාජ්‍යයේ රජුට දුරකථන ඇමතුමක් ගනී