ඉරානය වෙනුවෙන් ලංකාවේ නාවික හමුදාව පෙරමුණේ - ශ්‍රී ලංකාවෙන් නිල ප්‍රකාශයක් නිකුත් කරන තෙක් ලෝකයම අවධානෙන්

ශ්‍රී ලංකාවේ දකුණු වෙරළට ඔබ්බෙන් වූ ඉරාන නෞකාවකට එල්ල වූ සැක සහිත සබ්මැරීන් ප්‍රහාරයකින් අවම වශයෙන් පුද්ගලයින් 101 දෙනෙකු අතුරුදහන් වී ඇති අතර තවත් 78 දෙනෙකු තුවාල ලබා ඇති බව ශ්‍රී ලංකා නාවික හමුදාවේ සහ ආරක්ෂක අමාත්‍යාංශයේ ආරංචි මාර්ග උපුටා දක්වමින් රොයිටර් පුවත් සේවය වාර්තා කළේය.

ගාල්ල වෙරළට නාවික සැතපුම් 40 ක් පමණ දුරින් ඉරාන නාවික හමුදාවේ ‘IRIS Dena’ නෞකාවෙන් ආපදා ඇමතුමක් ලැබීමෙන් පසු ශ්‍රී ලංකා නාවික යාත්‍රා පිටත් කර හරින ලදී. තුවාල ලැබූ ඉරාන නාවික භටයින් කිහිප දෙනෙකු බේරාගෙන ගොඩබිමට ගෙන ආ බව බලධාරීන් මීට පෙර තහවුරු කළ අතර, 32 දෙනෙකු ප්‍රතිකාර සඳහා කරාපිටිය ශික්ෂණ රෝහලට ඇතුළත් කර මේ වන කරාපිටිය රෝහලේ ප්‍රතිකාර කිරීම ආරම්භ කර තිබේ. 

ගාල්ලේ අනතුරට පත් ඉරාන නෞකාව ගලවා ගන්න ශ්‍රී ලංකා නාවික හමුදාවේ මෙහෙයුම ක්‍රියාත්මකයි

රෝහල් නිලධාරීන් පැවසුවේ බේරාගත් එක් අයෙකුගේ තත්ත්වය බරපතල බවත් තවත් කිහිප දෙනෙකුට මධ්‍යස්ථ හා සුළු තුවාල සිදුවී ඇති බවත්ය. මේ අතර, තවමත් මුහුදේ සිටින අය සොයා ගැනීමට සහ ඔවුන්ට උපකාර කිරීමට උත්සාහ කිරීම දිගටම කරගෙන යන බැවින් ශ්‍රී ලංකා නාවික හමුදා යාත්‍රා තවමත් ගලවා ගැනීමේ මෙහෙයුම්වල නිරත වේ.

කෙසේ වෙතත්, සබ්මැරීන් ප්‍රහාරයක් පිළිබඳ වාර්තා හෝ අතුරුදහන් වූ සංඛ්‍යාව තහවුරු කරන නිල ප්‍රකාශයක් ශ්‍රී ලංකා බලධාරීන් තවමත් නිකුත් කර නොමැති බව  ශ්‍රී ලංකා නාවික හමුදාවේ සහ ආරක්ෂක අමාත්‍යාංශයේ මූලාශ්‍ර මත පදනම්ව රොයිටර් පුවත් සේවය නිවේදනය කර ඇත. 

හෙක්ටයාරයකට රු 25,000 බැගින් රජයෙන් සහනාධාර - මෙන්න විස්තරේ