බස් වලයි කෝච්චි වලයි යන අයට මරු වැඩේ ආයේ දුවන්න ඕනේ නෑ ඔක්කොම එක තැන

බස්, දුම්රිය, කුලී රථ යන ප්‍රවාහන මාධ්‍ය අන්තර් සම්බන්ධීකරණය වැඩිදියුණු කිරීමේ අරමුණ සහිතව බස් නැවතුම්පොළ සහ දුම්රිය ස්ථාන ඒකාබද්ධ කරමින් විධිමත් ශක්‍යතා අධ්‍යයනයක් සිදුකිරීමට අමාත්‍ය මණ්ඩල අනුමැතිය හිමිව ඇත.

ඒ අනුව ශ්‍රී ලංකාවේ පොදු ප්‍රවාහනය කාර්යක්ෂම සහ විධිමත් කිරීමේ වත්මන් රජයේ ජාතික ප්‍රතිපත්තිය අනුව, ප්‍රවාහන මාධ්‍ය අතර අන්තර් සම්බන්ධීකරණය තුළින් Tratuit Citits සහ එම Transit Cities හි සිට ප්‍රධාන නගර වෙත කාර්යක්ෂම පොදු ප්‍රවාහන සේවා ආරම්භ කිරීමට හැකි වන පරිදි අවශ්‍ය පහසුකම් සහිතව බහුවිධ ප්‍රවාහන මධ්‍යස්ථාන ස්ථාපිත කිරීමේ අවශ්‍යතාව හඳුනාගෙන ඇත.

අලුත්ම නීතියක් - මේ මාසේ ඉදන් ආයේ බස් එකේ යනකොට කාඩ් එකෙන් ගෙවන්නලු

ඒ අනුව, බස් රථ, දුම්රිය, කුළී රථ ඒ සේවා වැනි ප්‍රවාහන මාධ්‍ය අන්තර්සම්බන්ධීකරණය වැඩිදියුණු කිරීමේ අරමුණ සහිත ව දිවයිනේ වැඩිම මගී සංසරණයක් සිදුවන බවට හඳුනාගෙන ඇති බස් නැවතුම්පොළ සහ දුම්රිය ස්ථාන ඒකාබද්ධ කරමින් විධිමත් ශක්‍යතා අධ්‍යයනයක් සිදුකිරීමට යටත්ව, ප්‍රමුඛතා පදනම මත පහත සඳහන් බහුවිධ ප්‍රවාහන මධ්‍යස්ථාන සංවර්ධනය කිරීම සඳහා වැඩබලන ප්‍රවාහන, මහාමාර්ග සහ නාගරික සංවර්ධන අමාත්‍යවරයා ඉදිරිපත් කළ යෝජනාව අමාත්‍ය මණ්ඩලය විසින් ප්‍රතිපත්තිමය වශයෙන් අනුමත කර ඇත.

යතුරුපැදි හා ත්‍රිරෝද රථ අනතුරේ දැන්ම පරිස්සම් කරගන්න

* මහනුවර බහුවිධ ප්‍රවාහන මධ්‍යස්ථානය (ලෝක බැංකු මුල්‍යකරණය යටතේ දැනට ඉදිකිරීම කටයුතු ආරම්භ කර ඇත).
*අනුරාධපුර (දක්ෂිණ) බහුවිධ ප්‍රවාහන මධ්‍යස්ථානය (අනුරාධපුර ඒකාබද්ධ නාගරික සංවර්ධන ව්‍යාපෘතිය යටතේ නිම කිරීමට ආසන්න ව ඇත).
*අනුරාධපුර (උතුර) බහුවිධ ප්‍රවාහන මධ්‍යස්ථානය (ශක්‍යතා අධ්‍යයන සිදුකර මූලික කටයුතු අවසන් කර ඇත.)
*කොටුව දුම්රිය ස්ථානය කේන්ද්‍ර කර ගත් බහුවිධ ප්‍රවාහන මධ්‍යස්ථානය (කොළඹ සහ තදාසන්න ප්‍රදේශවල නාගරික ප්‍රවාහනය සම්බන්ධයෙන් සකස් කරනු ලැබ ඇති ComTrans Master Plan මඟින් යෝජනා කර ඇත.)
* මොරටුව බහුවිධ ප්‍රවාහන මධ්‍යස්ථානය ComTrans Master Plan මඟින් යෝජනා කර ඇත.) * රාගම බහුවිධ ප්‍රවාහන මධ්‍යස්ථාන (ජපාන ජාත්‍යන්තර සහයෝගීතා ආයතනය විසින් සිදුකරන ලද අධ්‍යයනයක් මඟින් හඳුනාගෙන ඇත.)
*අවිස්සාවේල්ල, ගාල්ල, කටුනායක, කුරුණෑගල බහුවිධ ප්‍රවාහන මධ්‍යස්ථාන (නාගරික සංවර්ධන අධිකාරියේ නාගරික සැලසුම් අනුව හඳුනාගෙන ඇත.)
*ගම්පහ බහුවිධ ප්‍රවාහන මධ්‍යස්ථානය (නාගරික සංවර්ධන අධිකාරියේ නාගරික සැලසුම් අනුව සහ කොළඹ තදාසන්න දුම්රිය ව්‍යාපෘතියේ දුම්රිය විද්‍යුත්කරණය යටතේ හඳුනාගෙන ඇත.)
*කටුනායක බහුවිධ ප්‍රවාහන මධ්‍යස්ථානය (ගුවන්කොටුපොළ සංවර්ධන සැලැස්ම යටතේ හඳුනාගෙන ඇත.) *කළුතර බහුවිධ ප්‍රවාහන මධ්‍යස්ථානය (දිස්ත්‍රික් සම්බන්ධීකරණ කමිටුවේ යෝජනාවක් පරිදි හඳුනාගෙන ඇත.)
*කන්කසන්තුරය බහුවිධ ප්‍රවාහන මධ්‍යස්ථාන (නාගරික සංවර්ධන අධිකාරියේ නාගරික සැලැස්ම යටතේ හඳුනාගෙන ඇත.)