ස්ම්‍රිති මන්දනාගේ විවාහය දෙදරයි? කසාදේ දවසේ තාත්තා ලෙඩ වුණා මදිවට මනමාලයත් අසාධ්‍ය වෙලා රෝහලේ [PHOTO]

ඉන්දීය කාන්තා ක්‍රිකට් කණ්ඩායමේ සුපිරි ක්‍රීඩිකා ස්ම්‍රිති මන්දනාගේ පියා රෝහල්ගත කිරීමෙන් පසු ඇගේ විවාහ උත්සවය දින නියමයක් නොමැතිව කල් දැමුණු අතර ඇයගේ පෙම්වතාත් රෝහල්ගත කර ඇත. පළමුව ඇතිවූ තත්ත්වය වූයේ ඇගේ පියා හෘදයාබාධයකට සමාන රෝග ලක්ෂණ පෙන්නුම් කිරීම හේතුවෙන්. පවුල තුළ ඇති වූ මෙම හදිසි වෛද්‍ය තත්ත්වය හේතුවෙන් මංගල උත්සව කටයුතු නතර වූ අතර, තම පියා නොමැතිව උත්සවය ඉදිරියට ගෙන යාම ස්ම්‍රිති ප්‍රතික්ෂේප කර ඇත. ඇය විසින් මංගල්‍යයට පෙර පවත්වන උත්සවවල පෝස්ටු පවා සිය සමාජ ජාල ගිණුම්වලින් මකා දමා තිබේ.

ස්ම්‍රිතිගේ පියා වන ශ්‍රීනිවාස් මන්දනාට දහවල් 1.30 ට පමණ වම් පැත්තේ පපුවේ වේදනාවක් ඇති වූ අතර, එය 'ඇන්ජයිනා' ලෙස හැඳින්වන බව සඳහන්. රෝග ලක්ෂණ මතු වීමත් සමඟම, ඔහුගේ පුතා වෛද්‍යවරයාට කතා කර ඇති අතර, ගිලන් රථයක් මඟින් ඔහු ඉක්මනින්ම රෝහලකට යවා ඇත. ස්ම්‍රිති මන්දනාගේ පවුලේ වෛද්‍යවරයා වන නාමන් ෂා ප්‍රකාශ කර ඇත්තේ ECG වාර්තා සහ අනෙකුත් පරීක්ෂණවලදී, ඔහුගේ හෘද එන්සයිම ඉහළ ගොස් ඇති බව සොයා ගත් බවයි.

ස්මිත්‍රි මන්දනාගේ විවාහය දෙදරයි- හේතුව මෙන්න

ඔහුව නිරීක්ෂණ යටතේ තැබීමට අවශ්‍ය බවත් ඔහුගේ රුධිර පීඩනය ද ඉහළ ගොස් ඇති බවද පවසා ඇත. වෛද්‍ය කණ්ඩායම ඔහුගේ තත්ත්වය නිරීක්ෂණය කරන අතර, තත්ත්වය උග්‍ර වුවහොත්, ඇන්ජියෝග්‍රැෆි (angiography) කිරීමට සිදුවන බවද අවශ්‍ය ප්‍රගතිය ලබා දෙන්නේ නම්, ඔහු අද දිනයේදී රෝහලෙන් පිටවීමට හැකි වනු ඇතැයි වෛද්‍යවරයා පවසා ඇත.

ඉන් අනතුරුව, ස්ම්‍රිතිගේ මනාලයා වන පලාෂ් මුච්චල්ගේ සෞඛ්‍යය පිරිහීමෙන් පසු ඔහුට ද රෝහලකට යාමට සිදු වූ බව වාර්තා විය. පසුව පලාෂ්ට ප්‍රතිකාර ලබා ගැනීමට සිදු වූයේ වෛරස් ආසාදනයක් සහ ආම්ලිකතාවය වැඩි වීමක් හේතුවෙන්. මෙම ගැටලුව බරපතල නොවන අතර, ප්‍රතිකාර ලැබීමෙන් පසු පලාෂ් ද රෝහලෙන් පිටත්ව හෝටලයට ගොස් ඇත.

ආයෙත් විදෙස් කාන්තාවට නිරුවත පෙන්නපු නරුමයෙක් රටටම ලැජ්ජාවක්

මෙම විවාහ උත්සවයට පෙර, ක්‍රිකට් තරුවගේ උපන් ගම වන මහාරාෂ්ට්‍ර ප්‍රාන්තයේ සංග්ලි හි සතියක පමණ සමරු උත්සවයක් ආරම්භ වී ඇත. වැඩිදුරටත් වාර්තා වන්නේ ඉතිරි මංගල චාරිත්‍ර වාරිත්‍ර සහ සමස්ත උත්සව වැඩසටහනම දින නියමයක් නොමැතිව කල් දමා ඇති අතර, සංශෝධිත විවාහ දිනය සහ ඉතිරි උත්සව කාලසටහන රඳා පවතින්නේ ස්ම්‍රිතිගේ පියාගේ සෞඛ්‍ය ප්‍රගතිය කෙතරම් ඉක්මනින් සිදු වේද යන්න මත බවයි.