සීෂෙල්ස් හී දී වැඩපෙන්නූ අපේ බොක්සින් සූරයෝ..
Piyumika
ජූනි 22 වැනි දින සීෂෙල්ස් හි වික්ටෝරියා හිදී අවසන් වූ සීෂෙල්ස් ආණ්ඩුක්‍රම ව්‍යවස්ථා දින බොක්සිං තරඟාවලියේදී ශ්‍රී ලංකාවේ හය දෙනෙකුගෙන් යුත් බොක්සිං කණ්ඩායම ඔවුන්ගේ ආරාධිත සංචාරයේදී පදක්කම් හයක් දිනා ගැනීමට සමත් විය.
රටවල් පහකින් සමන්විත මෙම තරගාවලියේදී ශ්‍රී ලංකාව රන් පදක්කම් දෙකක්, රිදී පදක්කම් දෙකක් සහ ලෝකඩ පදක්කම් 2ක් දිනා ගත්හ.
ශ්‍රී ලංකා යුද හමුදාවේ පී.එස්. ප්‍රනාන්දු කිලෝග්‍රෑම් 69 වෙල්ටර් බර පංතියෙන් රන් පදක්කමක් දිනාගත් අතර ශ්‍රී ලංකා ගුවන් හමුදාවේ සී.ඩී.උදයකුමාර කිලෝග්‍රෑම් 71 සැහැල්ලු මැද බර පන්තියේ රන් පදක්කම දිනා ගත්තේය.
ශාන්ත සිල්වෙස්තර විද්‍යාලයේ ජේ.එම්.ටී දේශාන් සහ ජී.සී පත්මසිරි යන ක්‍රීඩකයින් දෙදෙනාම කිලෝග්‍රෑම් 75 මධ්‍යම බර පංතියෙන් රිදී පදක්කම් දිනා ගන්නා ලදි.
මීට අමතරව කිලෝ ග්‍රෑම් 80 බරපන්තියෙන් තරඟ වැදුණු ශ්‍රී ලංකා පොලීසියේ ජී. පී. රත්නසිරි සහ රාජකීය විද්‍යාලයේ යොවුන් වයස් කාණ්ඩය නියෝජනය කරමින් මලින් බණ්ඩාර ලෝකඩ පදක්කම් දිනාගෙන තිබේ.
ජාත්‍යන්තර බොක්සින් තරඟාවලියකදී ඔවුන් දැක්වූ විශිෂ්ට දස්කම් ලාංකීය ජාතිය අභිමානයක් එක් කරන ලදී. එය ලංකා බොක්සින් ක්‍රීඩාවේ අභිද්ධියට හේතුවක් වනු ඇති.
ජයග්‍රාහී බොක්සින් කණ්ඩායම අද දිවයිනට පැමිණීමට නියමිතය.
