ඇමෙරිකාවේ ජනප්‍රිය ආහාර උත්සවයකට එල්ල වූ මාරාන්තික වෙඩි ප්‍රහාරය - සියැටල් නගරයම ලේ විලක් වෙයි

ඇමෙරිකාවේ වොෂිංටන් ප්‍රාන්තයේ සියැටල් නගරයේ අභ්‍යවකාශ ඉඳිකටුව (Space Needle) අසල ඉරිදා (ජූලි 26) සවස පැවති "Bite of Seattle" ආහාර උත්සවය අතරතුර සිදු වූ වෙඩි තැබීමකින් පුද්ගලයින් දෙදෙනෙකු මියගොස් තවත් පස්දෙනෙකු තුවාල ලබා තිබේ.

සියැටල් ගිනි නිවන දෙපාර්තමේන්තුවේ ප්‍රකාශකයෙකු සඳහන් කළේ සිද්ධියෙන් තුවාල ලැබූවන්ට වහාම ප්‍රතිකාර ලබා දී ඇති අතර, පොලිසිය වෙඩි තැබීම සම්බන්ධයෙන් පුළුල් විමර්ශනයක් ආරම්භ කර ඇති බවයි.

එමෙන්ම නගර මධ්‍යයේ වයඹ ප්‍රදේශයෙන් තාවකාලිකව ඈත් වී සිටින ලෙස ද ජනතාවට දැනුම් දී ඇත. මෙම වෙඩි තැබීම සවස 6.00ට පමණ සියැටල් මධ්‍යස්ථානයේ පැවැත්වෙමින් තිබූ ජනප්‍රිය "Bite of Seattle" ආහාර උත්සවය අතරතුර සිදුව තිබේ.

  සිද්ධියෙන් අනතුරුව පොලිස් නිලධාරීන් සහ හදිසි ප්‍රතිචාර කණ්ඩායම් විශාල සංඛ්‍යාවක් එම ස්ථානයට පැමිණ ප්‍රදේශය ආරක්ෂිතව ඉවත් කිරීමට කටයුතු කළහ. හාබර්වීව් වෛද්‍ය මධ්‍යස්ථානයේ ප්‍රකාශිකා සුසන් ග්‍රෙග් පැවසුවේ කුඩා දරුවෙකු, 23 හැවිරිදි තරුණයෙකු සහ වැඩිහිටි කාන්තාවන් දෙදෙනෙකු ඇතුළු සිව්දෙනෙකු රෝහල්ගත කර ඇති බවයි.

ඔවුන් අතර එක් අයෙකුගේ තත්ත්වය බරපතළ බවද ඇය සඳහන් කළාය. සිද්ධිය ඇසින් දුටු එස්තාන් වකොනබෝ පැවසුවේ, තමා සහ සිය පෙම්වතිය ඡායාරූප කුටියක් අසල පෝලිමේ සිටියදී හදිසියේම පිරිසක් කලබලයෙන් දිව යන අයුරු දුටු බවයි.

ලෝකෙටම සැනසීමක් දුන් ඉරානයේ පණිවුඩය - ප්‍රහාර නවතී

"මිනිස්සු සැඟවෙමින්, එකිනෙකා තල්ලු කරමින් දිව්වා. සමහරු බිම වැටුණා. ළදරු ස්ට්‍රෝලර් පවා පෙරළී ගියා. ඒ අතරතුර 'පොප්... පොප්... පොප්...' වගේ හඬක් ඇසුණා. එය වෙඩි හඬක් බව මට වහාම තේරුණා," ඔහු පැවසීය.

ඔහු වැඩිදුරටත් සඳහන් කළේ සිය පෙම්වතිය ආරක්ෂිත ස්ථානයකට රැගෙන ගිය පසු නැවත එම ස්ථානයට ගොස් බැලූ විට බිම වැටී සිටි තුවාලකරුවන් කිහිප දෙනෙකු දුටු බවයි.

1982 වසරේ ආරම්භ වූ "Bite of Seattle" වාර්ෂික ආහාර උත්සවය සියැටල් නගරයේ ප්‍රධානතම ප්‍රජා උත්සවයක් ලෙස සැලකෙන අතර, එහි නිල වෙබ් අඩවියට අනුව දින තුනක් පුරා පැවැත්වෙන මෙම උත්සවයට වාර්ෂිකව 350,000කට අධික පිරිසක් සහභාගී වෙති.