"එක සතයක්වත් තවම අත තිබ්බේ නෑ, හැම රුපියලක්ම භාණ්ඩාගාරයේ සුරක්ෂිතයි" - නියෝජ්‍ය ඇමතිට මල පනී

දිට්වා සුළි කුණාටුවෙන් බලපෑමට ලක්වූ ප්‍රදේශවල ප්‍රතිසාධන සහ සහන කටයුතු සඳහා පිහිටුවා ඇති ‘ශ්‍රී ලංකාව නැවත ගොඩනැගීමේ’ (Rebuilding Sri Lanka) අරමුදලට මේ වනවිට රුපියල් බිලියන 10ක දේශීය හා විදේශීය පරිත්‍යාග ලැබී ඇති බව කම්කරු අමාත්‍ය සහ මුදල් හා සැලසුම් නියෝජ්‍ය අමාත්‍ය ආචාර්ය අනිල් ජයන්ත ප්‍රනාන්දු මහතා පවසයි.

අරමුදල සම්බන්ධයෙන් එල්ල වන චෝදනා ප්‍රතික්ෂේප කරමින් ඔහු සඳහන් කළේ, පරිත්‍යාග මුදල් භාණ්ඩාගාරයේ නියෝජ්‍ය ලේකම්වරයා යටතේ පවත්වාගෙන යන නිල බැංකු ගිණුම්වල ආරක්ෂිතව තැන්පත් කර ඇති අතර මෙතෙක් එම මුදල් භාවිතයට ගෙන නොමැති බවයි.

“මෙම ගිණුම්වල ඇති සෑම රුපියලක් සඳහාම රජය වගකිව යුතුයි. පරිත්‍යාග මුදල් නියමිත සහන හා ප්‍රතිසංස්කරණ කටයුතු සඳහා පමණක් භාවිත කරනවා” යැයි අමාත්‍යවරයා අවධාරණය කළේය.

මාධ්‍ය ක්ෂේත්‍රයේ දශක ගණනාවක ඉල්ලීමක් ඉටුවෙයි – වරලත් ආයතනය ගැසට් කරයි

ඔහුට අනුව, දිට්වා සුළි කුණාටුවෙන් සිදුවූ හානිවලින් යථා තත්ත්වයට පත් කිරීම සඳහා ක්‍රියාත්මක කරන රුපියල් බිලියන 500ක ජාතික ප්‍රතිසාධන සැලැස්මේ කොටසක් ලෙස මෙම අරමුදල පිහිටුවා තිබේ.

විදේශගත ශ්‍රී ලාංකිකයන්, දේශීය ව්‍යාපාරික ප්‍රජාව සහ ජාත්‍යන්තර පරිත්‍යාගශීලීන්ගෙන් ලැබුණු දායකත්වයන් හේතුවෙන් මේ වනවිට අරමුදලේ වටිනාකම රුපියල් බිලියන 10 දක්වා ඉහළ ගොස් ඇතැයි ද ඔහු සඳහන් කළේය.

කැබිනට් අනුමැතිය යටතේ ජනාධිපති ලේකම් කාර්යාලය අධීක්ෂණය කරන ව්‍යවස්ථාපිත යාන්ත්‍රණයක් ලෙස මෙම අරමුදල ස්ථාපිත කර ඇති අතර, නියෝජ්‍ය අමාත්‍යවරයාගේ සභාපතිත්වයෙන් යුතු කමිටුවක් මඟින් එය කළමනාකරණය කෙරේ.

ප්‍රතිසාධන වැඩසටහන යටතේ අවතැන් වූ පවුල් සඳහා නිවාස ඉදිකිරීම, හානි වූ නිවාස සඳහා වන්දි ගෙවීම, නායයෑම් අවදානම් ප්‍රදේශ ස්ථාවර කිරීම, කෘෂිකාර්මික ඉඩම් ප්‍රතිසංස්කරණය කිරීම සහ මාර්ග, වාරිමාර්ග පද්ධති ඇතුළු පොදු යටිතල පහසුකම් යළි ගොඩනැගීම සිදු කිරීමට නියමිතය.

ශ්‍රී ලංකා ආර්ථිකයෙහි ප්‍රගතියක් - නිල සංචිත වත්කම් ඉහළට

එමෙන්ම, අරමුදලේ ගනුදෙනු සහ අනාගත වියදම් සියල්ල විගණකාධිපති දෙපාර්තමේන්තුවේ අධීක්ෂණයට යටත් වන බවත්, මෙතෙක් පරිත්‍යාග මුදලින් කිසිදු මුදලක් වැය කර නොමැති බවත් ආචාර්ය ප්‍රනාන්දු මහතා පැවසීය.

රුපියල් බිලියන 500ක සමස්ත සහන වැඩසටහනෙන් රුපියල් බිලියන 200ක් දැනටමත් සෘජු සහන කටයුතු සඳහා වෙන් කර තිබුණද, පරිත්‍යාග ලෙස ලැබුණු මුදල් තවමත් භාවිතයට ගෙන නොමැති බව ද ඔහු වැඩිදුරටත් සඳහන් කළේය.

රජය විනිවිදභාවය සහ මූල්‍ය විනය පිළිබඳව දැඩි කැපවීමකින් කටයුතු කරන අතර, අරමුදල් භාවිතය සහ විගණන කටයුතු පිළිබඳ සවිස්තර වාර්තා ඉදිරියේදී පාර්ලිමේන්තුව සහ අදාළ ආයතන වෙත ඉදිරිපත් කරන බව ද ඔහු සහතික විය. 

අද දවසේ මහා ග්‍රහ මාරුවෙන් ලග්න කිහිපයකට බලාපොරොත්තු නොවූ අනතුරු ඇඟවීම්