ජනාධිපති ලේකම් කාර්යාලය ඉදිරිපිට දැවැන්ත විරෝධයක් - සිය දෙනෙක් නොකා නොබී මැරෙන්න සූදානම්

කුලියට ඉන්න අපි සංවිධානය විසින් සංවිධානය කරනු ලබන විශේෂ විරෝධතා සත්‍යග්‍රහ ව්‍යාපාරය අද 25 වැනිදා පස්වන දිනටත් ජනාධිපති ලේකම් කාර්යාලය ඉදිරිපිටදී ඉතාමත් උණුසුම් අන්දමින් පැවැත්වෙයි.

සාධාරණ ගෙවීමේ ක්‍රමයට තමන් වෙත ස්ථීර නිවසක් ලබා දෙන ලෙස රජයෙන් ඉල්ලා සිටිමින් කුලියට ඉන්න අපි සංවිධානයේ සාමාජිකයින් විශාල පිරිසක් මෙලෙස ජනාධිපති ලේකම් කාර්යාලය ඉදිරිපිට අඛණ්ඩ සත්‍යග්‍රහයක නිරත වෙමින් සිටිති.

ලසන්තව මැරුවා තාජුඩීන් මැරුවා පාස්කු වලට ගැහුවා අංක තහඩු නැති සුදු වෑන් වලින් ඇවිත් පැහැරගැනීම් කරා - මේ අයට දඬුවම් කරන්න ඕනේ නැද්ද? හදිසියේම ජනපති පාර්ලිමේන්තුව පැමිණ සභාව අමතයි

පසුගිය 19 වැනිදා ජනාධිපති ලේකම් කාර්යාලය අසල නිල වශයෙන් ආරම්භ කරන ලද මෙම විශේෂ සත්‍යග්‍රහයට අද වන විට දින 5 ක් ගතවී තිබුණ ද තවමත් තමන්ගේ සාධාරණ ඉල්ලීම්වලට බලධාරීන්ගෙන් කිසිදු පැහැදිලි විසඳුමක් ලැබී නොමැති බවයි විරෝධතාකරුවන් පවසයි.

සත්‍යග්‍රහයේ නිරත පිරිස් ඉල්ලා සිටින්නේ තමන් වසර ගණනාවක සිට ඉතාමත් දුෂ්කරතා මධ්‍යයේ ජීවත් වෙන්නේ කුලී නිවාසවල බැවින් සාමාන්‍යයෙන් මාසයකට රුපියල් 35000 ක වැනි විශාල මුදලක් නිවාස කුලී ලෙස පමණක් වැය කිරීමට සිදුව ඇති බවයි.

එබැවින් වත්මන් රජය මැදිහත් වී තමන්ට පහසු ගෙවීමේ ක්‍රමයට ස්ථීර නිවසක් ලබා දෙන්නේ නම් වත්මන් කුලී ගෙවල්වලට මාසිකව ගෙවනු ලබන එම රුපියල් 35000 ක මුදල කිසිදු පැහැර හැරීමකින් තොරව අදාළ නිවසේ වාරික මුදල් ලෙස රජය වෙත නිවැරදිව ගෙවීමට තමන් සම්පූර්ණයෙන්ම සූදානම් බව ද ඔවුහු මෙහිදී තරයේ කියා සිටියහ.

මීට වසර 2 කට පෙර නිල වශයෙන් ආරම්භ කරන ලද මෙම සුවිශේෂී මහජන සංවිධානය වටා මේ වන විට දිවයින පුරා විසිරී සිටින පීඩිත සාමාජිකයින් 5000 ක් පමණ විශාල පිරිසක් ඉතාමත් සක්‍රීයව එකතු වී සිටිති.

තමන්ට පවතින මෙම නිවාස ගැටලුව පිළිබඳව සෘජුවම සාකච්ඡා කිරීම සඳහා ජනාධිපතිවරයා සමඟ නිල සාකච්ඡාවක් පමණක් ලබාදෙන ලෙස තමන් වගකිවයුතු සියලුම දෙනාගෙන් නැවත නැවතත් ඉල්ලා සිටින බව විරෝධතාකරුවන් ප්‍රකාශ කරයි.

එලෙස එළඹෙන බදාදා දිනය වෙද්දී ජනාධිපතිවරයා සමඟ නිසි සාකච්ඡාවක් හෝ තමන්ගේ නිවාස ප්‍රශ්නයට සාධාරණ විසඳුමක් ලබාදීමට රජය කටයුතු නොකළහොත් ඉදිරි බ්‍රහස්පතින්දා දිනයේ සිට තෝරාගත් සාමාජිකයින් 100 දෙනෙකු එකතුවී නොකා නොබී මාරාන්තික උපවාස ව්‍යාපාරයක් එම ස්ථානයේම වහාම ආරම්භ කරන බව ද එම සංවිධානයේ ක්‍රියාකාරීහු වැඩිදුරටත් අවධාරණය කර සිටිති.

සමගි ජන බලවේගයේ පාර්ලිමේන්තු මන්ත්‍රී චමින්ද විජේසිරිගේ නඩුවට අද ලැබුණු තීන්දුව