රඛිත, චරිත් ඇතුළු තිදෙනා තවත් අල්ලස් සිද්ධියට සම්බන්ධ බව හෙළි වෙයි - හරක් කටාගේ බිරිඳගෙන් වීඩියෝපටයක් - යළි රිමාන්ඩ් [UPDATE]

සංවිධානාත්මක අපරාධකරුවකුවකුට පහසුකම් සැලසීම සඳහා ඔහුගේ බිරිඳගෙන් රුපියල් කෝටි 12ක් අල්ලස් වශයෙන් ඉල්ලා ලබා ගැනීමේ සිද්ධියකට අදාළව අල්ලස් කොමිසම අත්අඩංගුවට ගත් නීතීඥ රඛිත නිර්මල රාජපක්ෂ, සමගි ජන බලවේගයේ හොරණ ආසන සංවිධායක චරිත් වසන්ත කුමාර අබේසිංහ සහ සිවිල් හා ගුවන් සේවා අධිකාරියේ ගුවන් තොටුපල හා ගුවන් සේවා ශ්‍රී ලංකා සමාගමේ හිටපු අධ්‍යක්ෂවරයෙකු වශයෙන් කටයුතු කළ වරුෂහැන්නැදිගේ අරුණ ශ්‍රී චතුරංග යන සැකකරුවන් තිදෙනා එළඹෙන 28 වැනිදා දක්වා යළිත් රක්ෂිත බන්ධනාගාරගත කරන ලෙස කොළඹ ප්‍රධාන මහේස්ත්‍රාත් අසංග එස් බෝදරගම අද (17) දින නි⁣යෝග කර ඇත.

ඒ අනුව එදිනට ඇප ලබාදීම සම්බන්ධයෙන් නියෝගය ලබා දෙන බවද මහේස්ත්‍රාත්වරයා එහිදි නියෝග කළා. එහිදී අල්ලස් කොමිසම වෙනුවෙන් අධිකරණයේ පෙනී සිටි සහකාර අධ්‍යක්ෂක නීති අනූෂා සම්බන්ධප්පෙරුම පැවසුවේ ඊයේ (16) දින මෙම සිද්ධියට අදාළ දෙවන සැකකරු වන රඛිත නිර්මල රාජපක්ෂ විසින් දිවුරුම් ප්‍රකාශයක් අල්ලස් කොමිසමට ලබා දෙමින් ඇප ලබා දීම සම්බන්ධයෙන් කරුණු දක්වා තිබෙන බවයි.

මීට සුළු මොහොතකට පෙර රඛිත රාජපක්ෂ සහ චරිත් අබේසිංහ ඇතුළු තිදෙනා අධිකරණයට පැමිණීමත් සමඟ දුන් නියෝගය

ඒ පිළිබඳව වාචිකව අද දින අධිකරණයට කරුණු දැක්වීමට බලා‍පොරොත්තු නොවන බව සඳහන් කළ සහකාර අධ්‍යක්ෂකවරිය එය ලිඛිතව අධිකරණයට ඉදිරිපත් කරන බවත් දන්වා සිටියා. එමෙන්ම මෙම සිද්ධියට අදාළව පෙර නඩු දිනයේදී සැකකරුවන් වෙනුවෙන් අධිකරණයේ පෙනී සිටි නීතිඥවරුන් විසින් මෙම සිද්ධියේ පැමිණිලිකාරිය වන මහේෂිකා මදුවන්ති නැමැත්තේගෙන් ප්‍රකාශයක් ලබා ගැනීමට කටයුතු කරන ලෙසත් සඳහන් කළා.

එබැව්න් ඇය විසින් ප්‍රකාශ ඇතුළත් විඩියෝ පටයක් අල්ලස් කොමිසම වෙත එවා ඇති බව සහකාර නීති අධ්‍යක්ෂකවරිය අධිකරණයයට පවසා සිටියා. හරක් කටා නමැත්තාගේ බිරිඳ වන මහේෂිකා මදුවන්ති විසින් එවා ඇති එම වීඩියෝ දර්ශන පටයේ සඳහන්ව තිබූ කරුණු සම්බන්ධයෙන් සහකාර අධ්‍යක්ෂක නීතීඥවරිය මෙසේ අධිකරණයට කරුණු දැක්වුවා.

හිටපු පොලිස්පති සී.ඩී. වික්‍රමරත්න නිවසේදී වෙඩි වැදීමෙන් ජීවිතක්ෂයට - සියදිවි නසා ගත් බවට සැකයක්

"ස්වාමීනි මෙම සිද්ධියට අදාළව හරක් කටා නමැත්තාගේ බිරිඳ වන මහේෂිකා මධුවන්ති විසින් වීඩියෝ පටයක් අපට ලබා දී තිබෙනවා. එහි දක්වා තිබෙන පරිදි ඇය විසින් මෙම අල්ලස් මුදල සැකකරුවන් හට ලබා දුන් බව පවසා තිබෙනවා. තවද මෙම අල්ලස් මුදල ලබා දීම සම්බන්ධයෙන් කරන ලද දුරකථන ඇමතුම්වලදී පටිගත කිරීම්ද අල්ලස් කොමිසමට මහේෂිකා මධුවන්ති විසින් ඒවා තිබෙනවා."

එමෙන්ම වැඩිදුරටත් අධිකරණයට කරුණු දක්වමින් සහකාර අධ්‍යක්ෂක නීතීඥවරිය කියා සිටියේ, මෙම සිද්ධියට අදාළව ඉහළ පොලිස් නිලධාරීන් කිහිප දෙනෙකු ද සම්බන්ධ බවට කරුණු හෙළි වන බවයි.

වාහන මිල ගණන් සහ වෙළඳපොළ කැළඹෙන තීන්දුවක් - අගෝස්තු 15 න් පස්සේ වාහන හීනෙට වෙන දේ

" ස්වාමීනි, මෙම ලබා ගන්නා ලද අල්ලස් මුදල ස්වාමීන් වහන්සේ නමක් හරහා ඉහළ පොලිස් නිලධාරීන් කිහිප දෙනෙක් වෙත ලබා දී ඇති බවට කරුණු අනාවරණය වෙනවා. ඒ සම්බන්ධයෙන් තව දුරටත් විමර්ශන කටයුතු සිදු කරනවා."

එසේම මෙම සැකකරුවන් තිදෙනා මෙැනිම තවත් අල්ලස් සිද්ධියට සම්බන්ධ වී ඇති බවට අල්ලස් කොමිසමට පැමිණිල්ලක් ලැබි ඇති බවද සහකාර අධ්‍යක්ෂක නීතීඥවරිය අධිකරණයට පවසා ඇත.

වහාම ක්‍රියාත්මක වන පරිදි සියලුම පුද්ගලික රෝහල් සහ වෛද්‍ය රසායනාගාර වටලයි - දිවයින පුරා එකම මෙහෙයුමක්