නීති විරෝධී ඉන්ධන ගබඩා කළ දෙදෙනෙකු අත්අඩංගුවට

අවශ්‍ය බලපත්‍ර නොමැතිව නීතිවිරෝධී ලෙස ඉන්ධන ගබඩා කිරීම සම්බන්ධයෙන් සැකකරුවන් දෙදෙනෙකු පොලීසිය විසින් වෙන වෙනම සිදු කළ වැටලීම්වලදී අත්අඩංගුවට ගෙන ඇත.

ප්‍රාදේශීය පොලිස් ඒකකවලට ලැබුණු තොරතුරු අනුව ඊයේ (06) මෙම මෙහෙයුම් ක්‍රියාත්මක කර තිබේ. එහිදී, උඩුදුම්බර පොලිස් ස්ථානයේ නිලධාරීන් විසින් පස්වරුවේ උඩුදුම්බර වැටලව හන්දිය ප්‍රදේශයේ සිදු කළ වැටලීමකදී බලපත්‍රයක් නොමැතිව ගබඩා කර තිබූ පෙට්‍රල් ලීටර් 30ක් සොයාගෙන ඇත.

ඩොනල්ඩ් ට්‍රම්ප් ආටෙමිස් ගගනගාමීන්ට ප්‍රශංසා කරයි

එම සිද්ධියට සම්බන්ධව මැදමහනුවර ප්‍රදේශයේ පදිංචි 47 හැවිරිදි කාන්තාවක් අත්අඩංගුවට ගෙන ඇති අතර, ඒ සම්බන්ධයෙන් වැඩිදුර විමර්ශන ක්‍රියාත්මක වේ. එම දිනයේම, නවගමුව පොලිස් වසමේ ඉහළ බෝමිරිය ප්‍රදේශයේ ද තවත් වැටලීමක් සිදු කර තිබේ.

එහිදී බලපත්‍රයක් නොමැතිව ගබඩා කර තිබූ පෙට්‍රල් ලීටර් 30ක්, භූමිතෙල් ලීටර් 40ක් සහ ඩීසල් ලීටර් 60ක් සොයාගෙන ඇත. එම සිද්ධියට අදාළව මැදමහනුවර ප්‍රදේශයේ පදිංචි 56 හැවිරිදි පුද්ගලයෙකු අත්අඩංගුවට ගෙන ඇති අතර, නවගමුව පොලීසිය වැඩිදුර පරීක්ෂණ සිදු කරමින් පවතී.

හෝමුස් සමුද්‍ර සන්ධිය වසා දැමීම නිසා ගෝලීය කොටස් වෙළඳපොළ කැළඹෙයි – බොරතෙල් මිල බැරලයකට ඩොලර් 110 ඉක්මවයි