Prada ට අයිති වූ Versace - මෙන්න අලුත් බ්‍රෑන්ඩ් පෙරළිය!
Shehan
ප්‍රසිද්ධ විලාසිතා ලේබල් දෙකක් ඒකාබද්ධ කිරීමේ අරමුණින්, Prada සිය ප්‍රතිවාදී Versace ඩොලර් බිලියනයක ගනුදෙනුවකින් මිලදී ගැනීමට එකඟ වී ඇතැයි විදෙස් මාධ්‍ය වාර්තා කරයි.
ඉතාලි ඉහළ පෙළේ වෙළඳ නාම දෙක එක්කිරීමේ මෙම ගනුදෙනුවේ ඇස්තමේන්තුගත වටිනාකම ඩොලර් බිලියන 1.36 (£ බිලියන 1.06) බව Prada සමූහය පසුගිය බ්‍රහස්පතින්දා පැවසීය.
Prada සමූහය දැනටමත් Miu Miu සහ සුඛෝපභෝගී පාවහන් සන්නාමයක් වන Church ඇතුළු තවත් වෙළඳ නාම කිහිපයකට හිමිකම් කියයි.
Versace හිමිකර ගැනීමත් සමඟ, Prada ඩොලර් බිලියන ගණනක සුඛෝපභෝගී විලාසිතා සමූහයක් බිහි කිරීමටත්, එම වෙළඳ නාම ප්‍රංශ සුඛෝපභෝගී සමාගම් වන LVMH සහ Kering සමඟ තරඟ කිරීමට සමත් තත්වයකට ගෙන ඒමටත් බලාපොරොත්තු වේ.
Prada සහ Capri අතර Versace මිලදී ගැනීම පිළිබඳ සාකච්ඡා පෙබරවාරියේ ආරම්භ වූ අතර, Prada ගෙවීමට එකඟ වූ මිල, 2018දී Capri හෝල්ඩින්ග්ස් Versace මිලදී ගැනීමට වැය කළ ඩොලර් බිලියන 2.15ට වඩා සැලකිය යුතු ලෙස අඩුය.
ලොව පුරා සුඛෝපභෝගී විලාසිතා සඳහා ඇති ඉල්ලුම මන්දගාමී වීම මධ්‍යයේ Versace පාඩු ලබමින් සිටි බැවින්, සන්නාමයේ ණය කන්දරාව ඇතුළත් මෙම ගනුදෙනුව සිදු වීම කඩිනම් විය.
![දේශබන්දුගේ නොදුටු පැත්ත සහ පාස්කු ප්‍රහාරයට සම්බන්ධ වුන හැටි මෙන්න [VIDEO]](https://cdn.ibcstack.com/article/8188a173-26d0-4cf2-b00e-4088ab61ae29/25-67f38dc094dcf-sm.webp)
