හිටපු ජනාධිපතිලාගේ විශ්‍රාම වැටුප් අහෝසියි කියන කතාවට ෆුල්ස් ස්ටොප් - නීතිපති අධිකරණයට දන්වයි

හිටපු ජනාධිපතිවරුන්ගේ අයිතිවාසිකම් (ඉවත්කිරීමේ) පනත් කෙටුම්පත සම්බන්ධයෙන් ඉදිරිපත් කර තිබූ විශේෂ පෙත්සම් හතක් අද (29) ශ්‍රේෂ්ඨාධිකරණයේ ත්‍රිපුද්ගල විනිසුරු මඬුල්ලක් හමුවේ සලකා බලනු ලැබීය. 

මෙම පෙත්සම් සලකා බැලීම සඳහා අගවිනිසුරු ප්‍රීති පද්මන් සූරසේන මහත්මියගේ සභාපතිත්වයෙන් යුතු විනිසුරු මඬුල්ලකට විනිසුරු අචල වෙංගප්පුලි සහ විනිසුරු සම්පත් අබේකෝන් යන මහත්වරුන් ඇතුළත් විය.

දේශපාලන පළිගැනීම්වලට එරෙහිව ඒකාබද්ධ විපක්ෂයෙන් නීති කමිටුවක් පත්කරයි

මෙම පනත් කෙටුම්පත සම්බන්ධයෙන් ඉදිරිපත් වූ පෙත්සම්වලදී, නීතිපතිවරයා වෙනුවෙන් පෙනී සිටි සොලිසිටර් ජනරාල් විරාජ් දයාරත්න මහතා අධිකරණය හමුවේ දැඩි ප්‍රකාශයක් සිදුකරමින් සඳහන් කළේ, මෙම පනත් කෙටුම්පත මගින් හිටපු ජනාධිපතිවරුන්ට සහ ඔවුන්ගේ වැන්දඹුවන්ට හිමි විශ්‍රාම වැටුප් අයිතිවාසිකම් ව්‍යවස්ථානුකූලව අහෝසි කිරීමට කිසිදු අදහසක් නොමැති බවයි.

ඔහු අවධාරණය කළේ, මෙම පනත් කෙටුම්පතේ මූලික අරමුණ වන්නේ හිටපු ජනාධිපතිවරුන්ගේ සහ ඔවුන්ගේ වැන්දඹුවන්ගේ මූලික අයිතිවාසිකම් ආරක්ෂා කිරීම සහතික කිරීම බවයි.

ඕකටනේ නැටුවේ, ඔන්න ඒ පාර පුතානෝයි වයිෆ් ජලනියි දෙන්නත් අමාරුවේ වැටෙන්න යන්නේ, බලන් ගිහාම රනිල් වැටුණු වළමයි

සොලිසිටර් ජනරාල්වරයා වැඩිදුරටත් පැහැදිලි කළේ, යෝජිත නව පනත යටතේ 1986 අංක 4 දරන ජනාධිපති අයිතිවාසිකම් පනත මගින් හිමිවී ඇති ඇතැම් අතිරේක වරප්‍රසාද සහ පහසුකම් පමණක් සීමා කිරීමට අපේක්ෂා කරන බවයි. මෙම පනත යටතේ හිටපු ජනාධිපතිවරුන්ට හිමිවී ඇති විශේෂ පහසුකම්, ආරක්ෂාව, නිල නිවාස සහ අනෙකුත් අතිරේක වරප්‍රසාද සමහරක් සංශෝධනය කිරීම මගින් රජයේ මූල්‍ය බර අඩුකිරීම සහ සමානාත්මතාවය තහවුරු කිරීම අපේක්ෂා කරන බව ඔහු පෙන්වා දුන්නේය.

එසේම, මෙම සංශෝධන මගින් ව්‍යවස්ථානුකූල අයිතිවාසිකම් කිසිසේත්ම උල්ලංඝනය නොවන බවත්, පනත් කෙටුම්පතේ යෝජනා සියල්ලම ව්‍යවස්ථාවට අනුකූලව සකස් කර ඇති බවත් සොලිසිටර් ජනරාල්වරයා අධිකරණය හමුවේ වැඩිදුරටත් අවධාරණය කළේය.

මේ ලයිසන්වල ගාණ වැඩි කරන්න තීරණයක්

මෙම පෙත්සම් ඉදිරිපත් වී ඇත්තේ, පනත් කෙටුම්පත මගින් හිටපු ජනාධිපතිවරුන්ගේ මූලික අයිතිවාසිකම් උල්ලංඝනය වන බවට චෝදනා කරමින් විවිධ පාර්ශවකරුවන් විසිනි. ශ්‍රේෂ්ඨාධිකරණයේ මෙම සලකා බැලීම තුළදී, පනත් කෙටුම්පතේ විස්තර සහ එහි බලපෑම සම්බන්ධයෙන් සවිස්තරාත්මක සාකච්ඡා පැවැත්වී ඇති අතර, විනිසුරු මඬුල්ල විසින් පෙත්සම්කරුවන්ගේ තර්ක සහ රජයේ ප්‍රතිචාර යන දෙකම සලකා බැලීමට නියමිතය.

මෙම පනත් කෙටුම්පත ඉදිරිපත් වී ඇත්තේ, රජයේ මූල්‍ය ප්‍රතිසංස්කරණ වැඩපිළිවෙළක කොටසක් ලෙසිනි. 1986 පනත යටතේ හිටපු ජනාධිපතිවරුන්ට හිමිවී ඇති අතිරේක පහසුකම්, රජයේ මූල්‍ය බරක් බවට පත්ව ඇති බවට රජයේ මතය වී ඇති අතර, මෙම සංශෝධන මගින් එම බර අඩුකිරීම අපේක්ෂා කෙරේ. කෙසේ වුවත්, විශ්‍රාම වැටුප් සහ මූලික ආරක්ෂාව වැනි අයිතිවාසිකම් ආරක්ෂා වන බව රජයේ නිලධාරීන් අවධාරණය කරති.

අනතුරක් විය හැකියි - ගුවන් හමුදාවෙන් අනතුරු ඇඟවීමක්

ශ්‍රේෂ්ඨාධිකරණයේ මෙම සලකා බැලීම තුළදී, පනත් කෙටුම්පතේ ව්‍යවස්ථානුකූලභාවය සම්බන්ධයෙන් තීරණාත්මක තීන්දුවක් අපේක්ෂා කෙරෙන අතර, එය රජයේ ප්‍රතිසංස්කරණ වැඩපිළිවෙළට සෘජු බලපෑමක් එල්ල කිරීමට ඉඩකඩ තිබේ. විනිසුරු මඬුල්ල විසින් මෙම පෙත්සම් සම්බන්ධයෙන් ඉදිරියේදී තීන්දුවක් ප්‍රකාශයට පත්කිරීමට නියමිතය.