මරණ තර්ජන මැදත් පාතාලය මර්දනයට මාලිමා සූදානම් - අධිකරණ ඇමතිගෙන් බලවත් පොරොන්දුව

පාතාල ක්‍රියාකාරකම් කවුරුන් විසින් ආරම්භ කළත් හෝ අනුග්‍රහ දැක්වුවත්, එය මුලුමනින්ම අවසන් කිරීම මෙම රජය යටතේ සිදුවන බව අධිකරණ සහ ජාතික ඒකාබද්ධතා අමාත්‍ය නීතිඥ හර්ෂණ නානායක්කාර මහතා පැවසීය. 

ජනාධිපතිවරයාගේ නායකත්වය යටතේ පාතාල උවදුර සම්පූර්ණයෙන්ම තුරන් කිරීමට කටයුතු කරන බවත්, බන්ධනාගාර නිලධාරීන්ට පාතාලයෙන් එල්ල වන තර්ජන පිළිබඳ රජයට පූර්ණ අවබෝධයක් ඇති බවත් පැවසූ ඇමැතිවරයා, ඔවුන්ගේ ආරක්ෂාව සියයට සියයක් තහවුරු කිරීමට රජය කැපවී සිටින බැවින් කැපවීමෙන් සේවය කරන ලෙස බන්ධනාගාර නිලධාරීන්ගෙන් ඉල්ලා සිටියේය.

මෙම අදහස් පළ කළේ අද (02) දින බන්ධනාගාර දෙපාර්තමේන්තුවේ මාණ්ඩලික නිලධාරීන්ගේ රැස්වීමට එක්වෙමිනි. එහිදී රජය විසින් බන්ධනාගාර ආයතන සඳහා රුපියල් මිලියන 913.60ක් වටිනා වෑන් රථ 10ක්, ට්‍රැක්ටර් 03ක් සහ රුපියල් මිලියන 104.30ක් වටිනා ලැප්ටොප් සහ පරිගණක සංකේතාත්මකව භාරදීම සිදු වූ අතර, ඉදිරියේදී බස් රථ 40ක් සහ ගලි බවුසර් 05ක් ලබාදීමට ද නියමිතය.

බිලියනයක වන්දි ඉල්ලමින් ඇමැති නලින්දගෙන් ධර්මශ්‍රීට එන්තරවාසියක්

වැඩිදුරටත් අදහස් දැක්වූ ඇමැතිවරයා;

“බන්ධනාගාර දෙපාර්තමේන්තුවේ සේවය කරන ඔබ රාජ්‍ය සේවයේ වඩාත්ම සංකීර්ණ සහ වගකීම් සහගත රැකියාවක නිරතව සිටින බව අපි දන්නවා. ඔබට වැඩකිරීමට සිදුව ඇත්තේ අධික පීඩනයක් සහිතව වන අතරම, ඔබ අතින් වැරද්දක් වීමට සීමිත අවස්ථාවක්වත් නැහැ.”

“ඔබට පැවරී ඇත්තේ මානව ගරුත්වයට ගරු කරමින් ආරක්ෂාව පවත්වා ගැනීම, නීතිය ආරක්ෂා කරමින් විනය ක්‍රියාත්මක කිරීම සහ වැරදිකරුවන් එයින් මුදවා නැවත සමාජයට පැමිණීමට සුදානම් කරමින් සමාජය ආරක්ෂා කිරීමයි. මෙය පහසු කාර්යයක් නොවේ. එය බොහෝ විට සමාජයට අදෘශ්‍යමානයි. මෙලෙස ඔබ ලබාදෙන සේවය පිළිබඳව මම ඔබට අවංකවම ස්තූතිවන්ත වෙනවා.”

ජොනීගේ එතනෝල් ජාවාරමට විජයකලාත් පැටලෙයි

“2025 වසර අවසන් නමුත් ඒ වසරේ අප මුහුණ දුන් දිට්වා සුළි කුණාටුව මගින් අප ඉගෙනගත් පාඩම් කිසිදිනක අමතක කරන්න බැහැ. ඒ අතරින් පීඩනය යටතේ පද්ධති ඉරිතලා යන තැන් පිළිබදව, අවංකවම කැපවූ බොහෝ රාජ්‍ය සේවකයින්ගේ බලය ගැන, අර්බුදයකදී සියලු බේද පසෙකලා මනුෂ්‍යත්වය ඉහලට එසවෙන බව නැවත නැගී සිටිමේ හැකියාව අපට ඇති බව ඉගෙන ගත්තා.”

“මේ බන්ධනාගාර පද්ධතිය තුළ පවතින ගැටලු වසර තිහ හතලිහක සිට පැවත එන මිස වසර හතරක පහක කාලයක ඇති වු ඒවාවත් ඔබගේ වරදින් වු ඒවාවත් නොවන බව අපි දන්නවා. කාගේ වරදින් වුවත් ඒත් අපි ඒවා විසඳීමේ වගකීම අපට තිබෙනවා. බන්ධනාගාර තදබදයට විසදුමක් ලෙස රස පරීක්ෂක වාර්තා මාස තුනක් තුළ ලබාදීමට හැකි වැඩ පිළිවෙළක් අපි සකස් කරනවා. එමෙන්ම ප්‍රජා විශෝධනයට යොමු කිරීම වැඩි කිරීම සඳහා ප්‍රජා විශෝධන නව පනතක් ඉදිරියේදී ගෙන එනවා.”

6 වසර ඉංග්‍රීසි මොඩියුලේ විතරක් නෙමෙයි ඉතිහාසය මොඩියුලෙත් වැරදි තියෙනවලු

“දීර්ඝ කාලීන සිරකරුවන් සමාලෝචන ක්‍රියාවලිය යටතේ නිදහස් කිරීමේ ක්‍රමවේදය ක්‍රියාත්මක කළ යුතුයි. බන්ධනාගාර නිලධාරීන් වන ඔබට පවතින ගැටලු වත්මන් රජය අවබෝධ කර ගෙන තිබෙනවා. අපි එකක් සිහිපත් කළ යුතුයි, පාතාලයට කවුරුන් අනුග්‍රහදැක්වුවත්, පාතාලය කවුරුන් ආරම්භ කළත් එය අවසන් කරන්නේ මේ රජයයි. බන්ධනාගාර නිලධාරීන්ට පාතාලයෙන් විවිධ තර්ජන එන බව අපි දන්නවා. වත්මන් ජනාධිපතිතුමාගේ නායකත්වය යටතේ පාතාලය නමැති පිළිකාව සීයයට සීයක්ම අපි අවසන් කරනවා. බන්ධනාගාර නිලධාරීන් වන ඔබගේ ආරක්ෂාව වෙනුවෙන් අපි සෑමවිටම පෙනී සිටිනවා. එබැවින් කැපවී කටයුතු කරන ලෙස ඔබගෙන් ඉල්ලා සිටිනවා.”

පාසල් වේලාව දීර්ඝ කිරීමේ තීරණය ආපස්සට..