සුරේෂ් සල්ලේගේ වෛද්‍ය වාර්තා ඉදිරිපත් නොකිරීම ගැන කරුණු දක්වන්න ජාතික රෝහල් අධ්‍යක්ෂට අධිකරණයෙන් නියෝග

රෝහල්ගතව ප්‍රතිකාර ලබන රාජ්‍ය බුද්ධි සේවයේ හිටපු අධ්‍යක්ෂ සුරේෂ් සලේ මහතාට අදාළ වෛද්‍ය වාර්තා අධිකරණයට ඉදිරිපත් නොකිරීම සම්බන්ධයෙන් කරුණු දැක්වීම සඳහා ලබන 22 වැනිදා අධිකරණය හමුවේ පෙනී සිටින ලෙස කොළඹ කොටුව මහෙස්ත්‍රාත් අධිකරණය විසින් කොළඹ ජාතික රෝහලේ අධ්‍යක්ෂවරයා වෙත නියෝග කර තිබේ.

ඒ අනුව, අදාළ දිනයේ අධිකරණය හමුවේ පෙනී සිට මෙම වෛද්‍ය වාර්තා ඉදිරිපත් නොකිරීමට හේතු පැහැදිලි කරන ලෙස දන්වා ජාතික රෝහල් අධ්‍යක්ෂවරයා වෙත නොතිසි නිකුත් කිරීමට අධිකරණය නියෝග කළේය.

සුරේෂ් සලේ මහතා මේ වන විට රෝහල්ගතව ප්‍රතිකාර ලබමින් සිටින අතර, ඔහුගේ සෞඛ්‍ය තත්ත්වය සම්බන්ධයෙන් වන වෛද්‍ය වාර්තා අධිකරණ ක්‍රියාවලියට අදාළව ඉදිරිපත් කිරීමට නියමිතව තිබූ බව සඳහන් වේ.

කෙසේ වෙතත්, අදාළ වෛද්‍ය වාර්තා අධිකරණයට ඉදිරිපත් නොවීම සම්බන්ධයෙන් කරුණු විමසීමට අධිකරණය තීරණය කර ඇති අතර, ඒ අනුව ජාතික රෝහල් අධ්‍යක්ෂවරයාට ලබන 22 වැනිදා අධිකරණය හමුවේ පෙනී සිටින ලෙස නියෝග කර තිබේ.

මෙම කරුණු සම්බන්ධයෙන් එදින අධිකරණය හමුවේ ඉදිරිපත් කෙරෙන පැහැදිලි කිරීම් අනුව ඉදිරි ක්‍රියාමාර්ග සම්බන්ධයෙන් තීරණයක් ගැනීමට නියමිතය.