ගංවතුර ගැන බයෙන් හිටපු අයට වාරිමාර්ග දෙපාර්තමේන්තුවෙන් උදෙන්ම සුබ ආරංචියක්

දිවයිනට ඇදහැලුණු වර්ෂාපතනයේ අඩුවීමත් සමග දැනට කිසිදු ප්‍රදේශයක ගංවතුර තත්ත්වයක් ඇතිවීමේ අවදානමක් නොමැති බව වාරිමාර්ග දෙපාර්තමේන්තුව සඳහන් කරයි.

ඒ අනුව එම දෙපාර්තමේන්තුවේ ජලවිද්‍යා හා ආපදා කළමනාකරණ අධ්‍යක්ෂ, ඉංජිනේරු එල්.එස්. සූරියබණ්ඩාර මහතා අද (11) පෙරවරුවේ සඳහන් කළේ, පසුගිය පැය 24 තුළ වැඩිම වර්ෂාපතනය කළුගඟ සහ මහවැලි ගංගා ඉහළ ධ්‍රෝණි ප්‍රදේශවලට වාර්තා වී තිබෙන බවයි.

එසේම එම වර්ෂාපතනය ද මිලිමීටර් 20කට ආසන්න අගයක් ගන්නා බව ඔහු සඳහන් කළා.

උදෑසන 5.30ට නිකුත් කළ දිවයිනටම වලංගු නිවේදනයක් - 2න් පස්සේ රටේ ස්ථාන රැසක වෙන්න යන දේ

එමෙන්ම ඊයේ දිනයේදී ගාල්ල, මාතර, මහනුවර, නුවරඑළිය යන දිස්ත්‍රික්ක මෙන්ම බස්නාහිර, වයඹ සහ සබරගමුව යන පළාත් ආවරණය වන පරිදි වර්ෂාව ලැබී තිබුණද, එම ප්‍රදේශවල වාර්තා වී ඇත්තේ මිලිමීටර් 10ට අඩු අඩු වර්ෂාපතනයක් බව සඳහන්.

දිවයිනේ සෙසු ප්‍රදේශවලටද මිලිමීටර් 10ට අඩු අඩු වර්ෂාපතනයක් වාර්තා වී ඇති බව දෙපාර්තමේන්තුව පෙන්වා දෙන අතර වර්ෂාපතනයේ මෙම අඩුවීම හේතුවෙන් දිවයිනේ කිසිදු ගංගාවක ජල මට්ටම ශීඝ්‍රයෙන් ඉහළ යාමක් සිදු වී නොමැති බවත්, ගංවතුර අවදානම් තත්ත්වයක් ද මතු වී නොමැති බවත් එල්.එස්. සූරියබණ්ඩාර මහතා වැඩිදුරටත් තහවුරු ක‍ර ඇත.

ඊයේ ලියපු ශිෂ්‍යත්ව විභාගයේ ප්‍රතිඵල ලබන සැප්තැම්බර් මාසේ - ප්‍රතිඵල එන දවසත් එක්කම දැනුම්දීමක්

EPF හා ETF මුදල් ගැන සුභ ආරංචියක් - අමාත්‍ය අනිල් ජයන්ත ප්‍රනාන්දු ප්‍රකාශ කරයි