''මගේ උපාධිය ගැන එල්ලවන බොරු අවලාද වලට උත්තර 21 හම්බවෙනවා '' නාමල් කිය‍‍යි

පාර්ලිමේන්තු මන්ත්‍රී නාමල් රාජපක්ෂ මහතාගේ උපාධිය සම්බන්ධයෙන් සිදුකෙරෙන අවලාදයන්ට ප්‍රතිචාර 21 දා නුගේගොඩ රැලියේදී රටටම දැකගත හැකි බව නාමල් රාජපක්ෂ මහතා සදහන් කරයි .

උපාධිය සම්බන්ධයෙන් මාධ්‍ය විසින් කළ විමසීමකදී එතුමා සදහන් කළේ එම පුවත් වාර්තාව මුළුමනින්ම අසත්‍ය වන බවයි.

වත්මන් රජය බලයට පත්වූ වහාම අධිකරණයට ඉදිරිපත්කර ඇති බී වාර්තාවක් මගින් සිදුකෙරෙන විමර්ශනයේ ප්‍රතිපල මෙතෙක් ප්‍රකාශයට පත්කර නොමැති තත්වයක් තුළ සිදුකෙරෙන අවලාදයන්ට ප්‍රතිචාර 21 දා දැකගත හැකිවනු ඇති බව තව දුරටත් එතුමා සඳහන් කර තිබේ.

මෙහිදී මේ සම්බන්ධව වැඩිදුරටත් අදහස් දැක්වූ නාමල් රාජපක්ෂ මහතා ප්‍රකාශ කළේ මෙවන් අදහසක්

'' මේ ආණ්ඩුව බලයට පත්වෙලා සති කීපයකින් විතර අධිකරණයට බී වාර්තාවක් දාලා මගේ උපාධිය සම්බන්ධයෙන් විමර්ශනයක් කරන්න අනුමැතිය ගත්තා. ඊට පස්සේ   මාස  ගණනාවක් මේ සම්බන්ධයෙන් සොයා බැලීම් කරගෙන යනවා. අද වෙනතුරු අධිකරණයට කිසිම දෙයක් වාර්තා කරලා නැහැ. හැබැයි වෙබ් අඩවි වලින් මඩක් ගහනවා.දැන් නුගේගොඩ රැලියට හොඳටම බයවෙලා. බොරු බේගල් ප්‍රචාරය කරනවා. මේ සේරම අවලාද අපහස වලට 21 වෙනිදා උත්තර ලැබේවි ''

ආණ්ඩුව හත්පොළේ ගාගෙන හොඳටම අනාගත් ත්‍රිකුණාමලයේ බුදුපිළිම නාට්‍යය මගේ නම්.. රඟපාන්නේ ආණ්ඩුව - නාමල්