මැලේසියාවේ හිටපු අගමැති මුදල් විශුද්ධිකරණය චෝදනාවලට වැරදිකරු වෙයි

මැලේසියාවේ බහුබිලියන ඩොලර් රාජ්‍ය අරමුදල් වංචාවක් වූ 1Malaysia Development Berhad (1MDB) සම්බන්ධයෙන් විශාලතම නඩු විභාගයේදී, හිටපු අග්‍රාමාත්‍ය නජිබ් රසාක්ට බලය අයුතු ලෙස භාවිතා කිරීමේ චෝදනා හතරකට සහ මුදල් විශුද්ධිකරණයේ චෝදනා 21කට වැරදිකරු බව මැලේසියානු අධිකරණයක් අද(26) තීරණය කර තිබේ. 

72 හැවිරිදි නජිබ් රසාක්ට එල්ල වී ඇති චෝදනා අනුව, ඔහු 1MDB අරමුදලෙන් රිංගිට් බිලියන 2.3කට (ඩොලර් මිලියන 569 පමණ) ආසන්න මුදලක් අයථා ලෙස තම පෞද්ගලික ගිණුම්වලට මාරු කර ඇති බවට චෝදනා එල්ල වී තිබේ. දඬුවම ප්‍රකාශයට පත් කිරීම තවමත් සිදු නොවී ඇත.

මීට පෙර 1MDB සම්බන්ධ වෙනත් නඩුවකින් වැරදිකරු වූ නජිබ් දැනට සිරගතව සිටින අතර, 2022 අගෝස්තු මාසයේ සිට සිර දඬුවම නියම වී ඇත. පසුගිය සතියේදී ඔහුගේ නිවසේ අඩස්සියේ සිර දඬුවම ගත කිරීමේ අයැදුමද අධිකරණය විසින් ප්‍රතික්ෂේප කර තිබේ.

වසර හතකට අධික කාලයක් පැවති මෙම නඩු විභාගයේදී සාක්ෂිකරුවන් 76 දෙනෙකු අධිකරණය හමුවේ සාක්ෂි ලබා දී ඇත. විනිසුරු කොලින් ලෝරන්ස් සෙකෙරා මහතා පැවසුවේ, නජිබ්ගේ ආරක්ෂාවේ තර්කයන් "සිසිල්, දැඩි සහ නොබිඳිය හැකි සාක්ෂි" මගින් ප්‍රතික්ෂේප වූ බවයි. ඔහු නිදැල්ලේ සිටින මූල්‍යකරු ජෝ ලෝ සමඟ සමීප සම්බන්ධතා පැවැත්වූ බවත්, ජෝ ලෝ ඔහුගේ "ප්‍රොක්සි" ලෙස ක්‍රියා කළ බවත් විනිසුරුවරයා අවධාරණය කළේය.

නජිබ්ගේ නීතිඥයින් තර්ක කළේ ඔහු ජෝ ලෝ වැනි උපදේශකයින් විසින් නොමඟ යවන ලද බවයි. එමෙන්ම මුදල් සෞදි රාජකීය පවුලෙන් ලැබුණු පරිත්‍යාග බව ඔහු විශ්වාස කළ බවත් ඔවුහු පැවසූ නමුත්, එම තර්කය අධිකරණය විසින් ප්‍රතික්ෂේප කර ඇත.

ශල්‍යකර්ම සඳහා භාවිතා වන ඖෂධයේ හිඟයක් - චමල් සංජීව අනතුරු අඟවයි

මැලේසියානු සහ එක්සත් ජනපද විමර්ශකයින්ට අනුව, 1MDB අරමුදලෙන් ඩොලර් බිලියන 4.5කට අධික මුදලක් සොරකම් කර ඇති අතර, එයින් බිලියනයකට අධික මුදලක් නජිබ් සම්බන්ධ ගිණුම්වලට ගලා ගොස් ඇත.

මෙම අපකීර්තිමය වංචාව 2018 මැතිවරණයේදී නජිබ්ගේ බැරිසන් නැෂනල් සන්ධානයේ ඓතිහාසික පරාජයට හේතු වූ අතර, දැන් එය පාලක සන්ධානය තුළ දේශපාලන අස්ථාවරත්වයක් ඇති කර තිබේ. මැලේසියානු අග්‍රාමාත්‍ය අන්වර් ඉබ්‍රාහිම් අධිකරණ තීන්දුවට ගරු කරන ලෙස සියලු පාර්ශ්වයන්ගෙන් ඉල්ලා සිටි ඇත.

නජිබ්ට සහාය දක්වමින් දහස් ගණනක් ආධාරකරුවන් අධිකරණයෙන් පිටත රැස්ව සිටි අතර, ඔහු තමන් දේශපාලනිකව හිංසා කිරීමට ගොදුරු වූ බව පවසයි.

පාසල් ළමුන්ට රජයෙන් අලුත් ආරංචියක්