මෝදි ජනපතිට ස්තුති කරයි, හේතුව මෙන්න
කොළඹ ගංගාරාම විහාරස්ථානයේ දී පූජනීය දෙව්නිමෝරි ධාතු ප්රදර්ශනය විවෘත කිරීම පිළිබදව ජනාධිපති අනුර කුමාර දිසානායක මහතාට කෘතඥතාවය පළ කරන බව ඉන්දීය අග්රාමාත්ය නරේන්ද්ර මෝදි මහතා එක්ස් පණිවිඩයක් නිකුත් කරමින් සදහන් කර ඇත.
2025 අප්රේල් සංචාරය අතරතුරදී මෙම ධාතුන් වහන්සේලා ශ්රී ලංකාවට වැඩම කරවන බවට තීරණය කර තිබුණි.
ඒ අනුව ජනතාවට ධාතුන් වහන්සේලා වන්දනා කිරීමේ අවස්ථාව හිමි ව තිබේ.
''අප දෙරට ගැඹුරු ශිෂ්ටාචාරමය සහ ආධ්යාත්මික සබඳතාවන්ගෙන් බැඳී ඇත. දයානුකම්පාව, සාමය සහ සමඟිය පිළිබඳ බුදුන් වහන්සේගේ අකාලික පණිවිඩය තවදුරටත් මනුෂ්ය වර්ගයාට මඟ පෙන්වනු ලැබේවා ''
යනුවෙන්ද ඉන්දීය අග්රාමාත්ය නරේන්ද්ර මෝදි මහතා තැබූ එක්ස් සටහනේ සදහන්ය.