මාධ්‍යට නලින්දගෙන් යළි රතු එළියක් - රූපවාහිනී බලපත්‍ර අහෝසි කිව්වේ සෞඛ්‍ය ඇමති විදිහට.. නලින්ද සැර වෙයි

සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා අද (09) පාර්ලිමේන්තුවේදී ප්‍රකාශ කළේ, රූපවාහිනී ආයතනවල බලපත්‍ර අහෝසි කිරීම සම්බන්ධයෙන් තමන් සිදු කළ ප්‍රකාශය ජනමාධ්‍ය අමාත්‍යවරයෙකු ලෙස නොව සෞඛ්‍ය අමාත්‍යවරයෙකු ලෙස බවයි.

බලපත්‍ර කොන්දේසි කඩ කරමින් හිතාමතාම විකෘති ප්‍රවෘත්ති පළ කර ජනතාවගේ සෞඛ්‍ය පද්ධතිය කෙරෙහි ඇති විශ්වාසය බිඳ දැමීමට උත්සාහ කළහොත් තමන්ටද මතයක් ප්‍රකාශ කිරීමේ අයිතියක් ඇති බව ඇමැතිවරයා අවධාරණය කළේය.

අදාල බරපතල අසත්‍ය හා විකෘති ප්‍රවෘත්තිය එම රූපවාහිනී ආයතනයම නිවැරදි කළ බැවින් එයින් ප්‍රශ්නයක් ඇති නොවූ බවද ඇමැතිවරයා සඳහන් කළේය.

මොඩියුලයේ සිද්ධියට CID ගිය කතාව ගැන අධ්‍යාපන ලේකම් හේතු කියයි

ඉතිහාසයේ ප්‍රථම වරට ජනමාධ්‍ය අමාත්‍යවරයෙකු රූපවාහිනී ආයතනවල බලපත්‍ර අහෝසි කිරීම පිළිබඳව ප්‍රකාශයක් කළ බැවින් තවදුරටත් එම ස්ථාවරයේ ජනමාධ්‍ය අමාත්‍යවරයා සිටිනවාද යන්න සම්බන්ධයෙන් සමගි ජන බලවේගයේ පාර්ලිමේන්තු මන්ත්‍රී දයාසිරි ජයසේකර මහතා ඇසූ ප්‍රශ්නයකට පිළිතුරු දෙමින් ඇමැතිවරයා මේ බව පැවසීය.

ජනමාධ්‍ය ඇමති නලින්ද ජයතිස්ස මෙසේ ද ප්‍රකාශ කළේය;

"ජනමාධ්‍ය ඇමති ලෙස මට වගකිමක් තියනවා ජනතාවට සත්‍ය තොරතුරු ඉදිරිපත් කිරීම සහතික කරන එක. ඒ වගේම මේ රූපවාහිනී ආයතනවලට තාවකාලික බලපත්‍ර ලෙස තමයි ලබා දීලා තිබෙන්නෙ. ඒ අය කොන්දේසිවලින් බැඳෙනවා විශේෂයෙන් ජාතික ආරක්ෂාව සෞඛ්‍ය වැනි කාරණාවලදී ජනතාවට සත්‍ය තොරතුරු ඉදිරිපත් කරන්න.

හදිසි දැනුම්දීමක් - බදුල්ල දිස්ත්‍රික්කයේ සියලුම පාසල්වල අද කලින්ම වසයි

මේක මගේ පැත්තෙන් සෞඛ්‍ය සම්බන්ධයෙන් අසත්‍ය විකෘති අසත්‍ය තොරතුරු ඉදිරිපත් කළ අවස්ථා කීපයක් මම දැක්කා. උදාහරණයක් විදිහට එක්තරා රූපවාහණී නාලිකාවක් ඉමියුනොග්ලොබියුලීන් සම්බන්ධව ඉදිරිපත් කරපු ප්‍රවෘත්තිය. ඒක ඉතාම සාවද්‍ය ප්‍රවෘත්තියක්. ඒ වගේම හිතාමතා කරපු විකෘතියක්.

ඉමියුනොග්ලොබියුලීන් ගෙන්වීමේ වැරදි ක්‍රමවේදය නිසා කෙහෙළිය රඹුක්වැල්ල ඇමතිවරයාට නඩු වැටිලා තියනවා. හැබැයි එහෙමයි කියලා දැන් ගෙන්වන ඉමියුනොග්ලොබියුලීන් කෙහෙළිය රඹුක්වැල්ල ඇමතිවරයාට නඩු වැටීමේ සිද්ධියට සම්බන්ධ කිරිමේ අරමුණ මොකක්ද?

සුපිරි ශුභ යෝගයක්! ලග්න 06කට අද වැල්ලේ බඹරත් කැරකෙයි... 04ක අය පරිස්සම්

ඒ කියන්නේ මේ ඖෂධය සම්බන්ධයෙන් ජනතාවගේ බලවත් අවිශ්වාසයක් ගොඩනගන එක. එහෙම දේවල් ජනමාධ්‍යයට කරන්න අයිතියක් නෑ. ඒ ගොල්ල සත්‍ය තොරතුරු, විශේෂයෙන් සෞඛ්‍ය සම්බන්ධව ඉදිරිපත් කරන්න බැඳලා ඉන්නවා.

මම සෞඛ්‍ය හා ජනමාධ්‍ය ඇමතිවරයා. සෞඛ්‍ය සම්බන්ධව කවුරුහරි වැරදි තොරතුරක් ඉදිරිපත් කරලා මේ සෞඛ්‍ය පද්ධතිය ගැන, රජයේ රෝහල් පද්ධතිය ගැන පරීක්ෂණ ගැන සෞඛ්‍ය ක්‍රමවේදයන් ගැන කවුරුහරි විකෘති සහගතව අසත්‍ය ප්‍රවෘත්ති පළ කරලා ජනතාව මේ විද්‍යානුකූළ ක්‍රමවේදක් සහිත සෞඛ්‍ය පද්ධතියකින් අයින් කරන්න කටයුතු කරනවා නම්, ඒකට එරෙහිව මතයක් ප්‍රකාශ කරන්න අයිතියක් තියනවා. ඒක තමයි මම කිව්වේ.

ඒ නිසා ඔබතුමා කලබල වෙන්න එපා. ඒ වැරැද්ද කරපු මාධ්‍ය ආයතනයම ඒක නිවරදි කළා. මේක තියෙන්නේ ආණ්ඩුව විවේචනය කිරීමේ ප්‍රශ්නයක් නෙමෙයි. ඔබතුමාල ඕන තරම් විවේචනය කරනවනේ. නමුත් ජනතාවගේ විශේෂයෙන් සෞඛ්‍යයට බලපාන අසත්‍ය තොරතුරු ඉදිරිපත් කරන්න එපාය, ඒ වගේ අසත්‍ය තොරතුරු ඉදිරිපත් කරන අයට උඩ ගෙඩි දෙන්න එපාය කියලා ඉල්ලා සිටිනවා.