මෙටා සමාගමෙන් දැනුම්දීමක් - මේ අයගේ ඉන්ස්ටග්‍රෑම්, ෆේස්බුක් සහ ත්‍රෙඩ්ස් ගිණුම් වසා දමයි

ලොව ප්‍රථම වතාවට හඳුන්වා දුන් නීතියට අවනතන වෙමින් මෙටා සමාගම මඟින් ඕස්ට්‍රේලියාවේ ළමුන්ගේ සමාජ මාධ්‍ය ගිණුම් 550,000ක් පමණ වසා දමා ඇත.

ඒ අනුව ඉකුත් දෙසැම්බර් 10 වැනිදා සිට එරට රජය මඟින් වයස අවුරුදු 16ට අඩු දරුවන්ට සමාජ මාධ්‍ය භාවිතය තහනම් කරමින් නීතියක් පනවා තිබෙනවා.

අඳාළ තීරණය යටතේ වයස අවුරුදු 16ට අඩු දරුවන්ට අයත් යැයි විශ්වාස කෙරෙන ඉන්ස්ටග්‍රෑම් ගිණුම් 330,000ක්, ෆේස්බුක් ගිණුම් 173,000ක් සහ ත්‍රෙඩ්ස් ගිණුම් 40,000කට ආසන්න ප්‍රමාණයක් වසා දමා තිබෙන බවට මෙටා සමාගම සිය බ්ලොග් සටහනක දක්වා ඇත.

එම නව නීතියට අනුව, ටික්ටොක් සහ ඉන්ස්ටග්‍රෑම් වැනි සේවාවන් විසින් වයස අවුරුදු 16ට අඩු දරුවන් සිය සමාජ මාධ්‍ය වේදිකාවලින් බැහැරව තබාගත යුතු වේ.

X සමාජ මාධ්‍යයට දවස් 7කින් වෙන්න යන දේ - පරිශීලකයින්ට නිවේදනයක්

එහෙත් එයට අපොහොසත් වුවහොත් ඕස්ට්‍රේලියානු ඩොලර් මිලියන 49.5ක් (ඇමරිකානු ඩොලර් මිලියන 33ක්) දක්වා විශාල දඩයකට මුහුණ දීමට අඳාළ සමාගම්වලට සිදු වන බව සඳහන්.

කෙසේ වෙතත් සමාජ මාධ්‍ය මඟින් සිදුවන හානි පිළිබඳව වර්ධනය පැමිණිලිවලට ප්‍රතිචාර ලෙස මෙවැනි දැඩි මර්දනයක් දියත් කළ ලොව ප්‍රථම ප්‍රජාතන්ත්‍රවාදී රට බවට ඕස්ට්‍රේලියාව පත් විය.

එබැවින් මෙටා සමාගම සඳහන් කරන්නේ තමන් මෙම නීතියට අනුකූලව කටයුතු කිරීමට බැඳී සිටින බවයි.

එසේම ඔවුන් වැඩිදුරටත් කියා සිටින්නේ මෙවැනි සම්පූර්ණ තහනමක් වෙනුවට, ආරක්ෂිත සහ පෞද්ගලිකත්වය සුරැකෙන, දරුවන්ගේ වයසට ගැළපෙන අත්දැකීම් අන්තර්ජාලය තුළ ලබා දීම සඳහා සමස්ත ක්ෂේත්‍රයම දිරිමත් කරන වඩාත් යහපත් ක්‍රමවේදයක් සොයා ගැනීමට ඕස්ට්‍රේලියානු රජය මැදිහත් විය යුතු බවයි.

ප්‍රබල TIKTOK තරුවක් වසර 9ක් හිරේට - පිස්සු නැටුවට හොදම දඩුවම

ස්ටාලින්ගෙන් ශ්‍රී ලංකාවට දැඩි අනතුරු ඇඟවීමක්