ඉන්දියාවේ කාලගුණය උඩුයටිකුරු කරමින් දරුණු දූවිලි කුණාටුවක්

ඉන්දියාවේ බටහිර දෙසින් පිහිටි රාජස්ථාන් ප්‍රාන්තය පුරා හමා ගිය අතිශය ප්‍රබල සහ බිහිසුණු දූවිලි කුණාටුවක් හේතුවෙන් එහි බොහෝ නගරවල සාමාන්‍ය දෛනික ජන ජීවිතයට දැඩි බාධා එල්ල වී ඇති බව විදෙස් මාධ්‍ය වාර්තා කරයි.

මෙම අසාමාන්‍ය ස්වභාවික සංසිද්ධිය නිසා වායුගෝලයට දැඩි ලෙස දූවිලි එකතු වීම හේතුවෙන්, දහවල් දිවා කාලයේදී පවා ප්‍රාන්තයේ ප්‍රධාන නගර රැසක දැඩි අඳුරු ස්වභාවයක් නිර්මාණය වී ඇති බව එම වාර්තා වැඩිදුරටත් පෙන්වා දෙයි.

මෙම චණ්ඩ මාරුතයත් සමඟ රාජස්ථානයේ පිහිටි කිෂන්ගාර් ගුවන්තොටුපළ සහ ඒ අවට කලාපය හරහා විටින් විට පැයට කිලෝමීටර් 102 ක වැනි අතිශය ඉහළ වේගයකින් සුළං හමා ගොස් ඇති අතර, ඒ හේතුවෙන් ගුවන් ගමන් වාර කිහිපයකට ද බාධා එල්ල වී තිබේ.

පාසල් වාර සහ විභාග කාලසටහන් මාරු කරයි - සාමාන්‍ය පෙළ හා උසස් පෙළත් වෙනස් වෙයි

කාලගුණ දත්ත වාර්තාවලට අනුව, එදින පස්වරු 2.00 සිට සවස 5.00 දක්වා වූ පැය තුනක කාලය තුළ ප්‍රාන්තයේ බොහෝ ප්‍රදේශවල පැයට කිලෝමීටර් 80 ක වේගය සීමාව ද ඉක්මවා ගිය සැඩ සුළං හටගෙන ඇති අතර, මේ හේතුවෙන් මාර්ග දෘශ්‍යතාව අවම වීම නිසා ප්‍රධාන මහා මාර්ගවල ධාවනය වූ වාහන ද දැඩි අපහසුතාවයට පත්ව ඇත.

රස කර කර සීනි කෑවද? මාරාන්තික රෝග වැලක් අත ළගම - රටේ ජනතාව ප්‍රවේශමෙන් ආහාර ගන්න