අග්‍රමාත්‍ය හරිනි සහ මාලදිවයින් ජනාධිපති අතර හමුවක්

ශ්‍රී ලංකාව සහ මාලදිවයින අතර පවතින රාජ්‍ය තාන්ත්‍රික සබඳතාවල නව පුනරුදයක් සනිටුහන් කරමින්, මෙරට නිල සංචාරයක නිරත මාලදිවයින් ජනාධිපති ආචාර්ය මොහොමඩ් මුයිසු මහතා අද (04) මෙරට ඉහළ පෙළේ රාජ්‍ය නායකයින් සමඟ තීරණාත්මක සාකච්ඡා කිහිපයක නිරත විය.

ඊයේ (03) පස්වරුවේ කටුනායක බණ්ඩාරනායක ජාත්‍යන්තර ගුවන්තොටුපළින් දිවයිනට පැමිණි ජනාධිපතිවරයා ඇතුළු දූත පිරිස උණුසුම් අයුරින් පිළිගනු ලැබුවේ අග්‍රාමාත්‍ය ආචාර්ය හරිනි අමරසූරිය මහත්මිය විසිනි.

සුපිරි නළු විජේට නරේන්ද්‍ර මෝඩිගෙන් සුභපැතුම්

අද පෙරවරුවේ පැවැති නිල පිළිගැනීමේ උත්සවයෙන් අනතුරුව, මාලදිවයින් ජනාධිපතිවරයා අග්‍රාමාත්‍යවරියට අමතරව කථානායක වෛද්‍ය ජගත් වික්‍රමරත්න සහ විදේශ කටයුතු අමාත්‍ය විජිත හේරත් යන මහත්වරුන් සමඟ ද සුහද හමු පවත්වමින් ද්විපාර්ශ්වික සබඳතා ශක්තිමත් කරගැනීම පිළිබඳව අදහස් හුවමාරු කරගත්තේය.

මෙම සාකච්ඡාවල ප්‍රධාන අරමුණ වූයේ දෙරට අතර පවතින ඓතිහාසික බැඳීම නවීන ලෝකයේ අවශ්‍යතා අනුව ප්‍රතිසංස්කරණය කරමින් ඉදිරියට ගෙන යාමයි.

පෙර පාසල් සදහා අති විශේෂ නිවේදනයක් - ජූලි පළමු වැනිදාට පෙර අනිවාර්යයි

මෙම සංචාරයේ සුවිශේෂීම අවස්ථාව සනිටුහන් කරමින්, දෙරටේ රාජ්‍ය නායකයන් ඉදිරියේ ක්ෂේත්‍ර හතක් ආවරණය වන පරිදි තීරණාත්මක අවබෝධතා ගිවිසුම් (MoUs) හතකට අත්සන් තබන ලදී.