ක්ලබ් වසන්තව මරන්න "ටැටූ මල්ලී"ව තොර ගත්තේ මගේ ගමේ කෙනෙක් හින්දා - ලොකු පැටී වමාරයි

ක්ලබ් වසන්ත ඝාතන සිද්ධියේ ප්‍රධාන සැකකරු ලෙස සැලකෙන "ලොකු පැටී" නැමැත්තාගේ මත්ද්‍රව්‍ය ජාලයට සම්බන්ධ මූල්‍ය ගනුදෙනු මෙහෙයවූ බව කියන ගන්දර ප්‍රදේශයේ කපුවෙකු නීති විරෝධී වත්කම් විමර්ශන ඒකකය විසින් අත්අඩංගුවට ගෙන ඇති බව පොලිස් මූලස්ථානය නිවේදනය කරයි.

සැකකරුගේ බැංකු ගිණුමක රුපියල් කෝටි 33කට අධික මුදලක් සඟවා තිබූ බවද වාර්තා වේ.

ක්ලබ් වසන්ත ඝාතනයේ ප්‍රධාන සැකකරු වන සුජීව රුවන් කුමාර ද සිල්වා, හෙවත් “ලොකු පැටී” ඩුබායිහිදී අත්අඩංගුවට පත්වීමෙන් පසු පසුගිය මැයි මස 04 දින ශ්‍රී ලංකාවට රැගෙන ආවේය. දැනට පොලිස් අත්අඩංගුවේ පවතින "ලොකු පැටී"ගෙන් සිදුකළ දීර්ඝ ප්‍රශ්න කිරීම්වලදී හෙළි වූ තොරතුරු මත මෙම කපුවා අත්අඩංගුවට ගැනීමට හැකිව ඇති බව පොලිසිය පවසයි.

විමර්ශනවලදී අනාවරණය වී ඇත්තේ ලොකු පැටීගේ මත්ද්‍රව්‍ය ජාවාරමෙන් උපයන ලද මුදල් මෙහෙයවීමේ ප්‍රධානියා ලෙස මෙම සැකකාර කපුවා කටයුතු කර ඇති බවයි. අත්අඩංගුවට ගත් සැකකරු දින හතක රැඳවුම් නියෝග මත තබාගෙන මේ වන විට ප්‍රශ්න කරමින් සිටින අතර, ඔහුගෙන් තවත් වැදගත් තොරතුරු රැසක් අනාවරණය කර ගැනීමට හැකිවනු ඇතැයි පොලීසිය විශ්වාසය පළ කරයි.

"කන්ට්‍රක්ශන් වල වැඩ ගන්නේ සල්ලි වෙනුවට අයිස් දීලා" - ඇමති හර්ෂණගේ ආන්දෝලනාත්මක කතා

ලොකු පැටිගේ පාපොච්චාරණය අනුව, දරුණු අපරාධකරු මාකඳුරේ මධූෂ්ගේ මුදල් ලබාදෙන ලෙස කංජිපානි ඉම්රාන් කළ ඉල්ලීම ක්ලබ් වසන්ත ප්‍රතික්ෂේප කිරීම මත ඇතිවූ ආරවුල මෙන්ම යූටියුබ් ඔස්සේ කළ නොරිස්සුම් කතා හේතුවෙන් ඝාතනය සැලසුම් කළ බව සඳහන් වේ.

මාකඳුරේ මධූෂ්ගේ මුදල් ක්ලබ් වසන්ත සතුව තිබූ බැවින් කංජිපානි ඉම්රාන් ඉල්ලා සිටි අවස්ථාවේදීම ක්ලබ් වසන්ත ඔහුට බැණ වැදීම නිසා කංජිපානි දැඩි ලෙස උරණ වූ බවත්, එමෙන්ම කංජිපානි ඉම්රාන් සහ ලොකු පැටී එක්ව ඝාතනය මෙහෙයවූ බවත් සැකකරු පාපොච්චාරණයේදී හෙළි කර ඇත.

ඝාතනය සඳහා යොදාගත් "ටැටූ මල්ලී" නැමැත්තා තම උපන් ගමේ පුද්ගලයෙකු වීම නිසා ඔහු තෝරාගත් බවද ඔහු සඳහන් කළේය.

ඊට අමතරව, ක්ලබ් වසන්ත ප්‍රසිද්ධ යූටියුබ් නාලිකාවක සංවාදයකදී තමාට තරහකාරයන් දෙදෙනෙකු සිටින බවත්, එකෙකු මියගිය බවත්, අනෙකා බියෙන් රට පැන ගිය බවත් ප්‍රකාශ කළ බව ලොකු පැටී හෙළි කළේය. එහිදී "මළා" යැයි සඳහන් කළේ මාකඳුරේ මධූෂ් ගැන වන අතර, "රට පැන්නා" යැයි කීවේ කංජිපානි ඉම්රාන් ගැන බවත් ඔහු පැවසීය.

සැකකරු තමන් ව්‍යාජ විදේශගමන් බලපත්‍රයක් සකසාගෙන ඩුබායි රාජ්‍යයට පලාගිය බවත්, ඉන්පසු රොටුඹ අමිල නම් පාතාල සාමාජිකයා සමග බෙලරූස් රාජ්‍යයට ගොස් එහිදී අත්අඩංගුවට පත්වූ බවත් පාපොච්චාරණයේදී අනාවරණය කර ඇත.

කංජිපානි ඉම්රාන්ගේ අපරාධ ජාලය

[

ශ්‍රී ලංකාවේ සංවිධානාත්මක අපරාධ ජාලයේ ප්‍රමුඛයෙකු ලෙස සැලකෙන මොහොමඩ් නජිම් මොහොමඩ් ඉම්රාන් හෙවත් "කංජිපානි ඉම්රාන්"ගේ අපරාධ ජාලය, මත්ද්‍රව්‍ය ජාවාරම්, ඝාතන, වංචා සහ ජාත්‍යන්තර සම්බන්ධතා ඇතුළු ක්‍රියාකාරකම්වලින් සමන්විතය. මෙම ජාලය ශ්‍රී ලංකාවේ පාතාලයේ "කූටනායකයෙකු" ලෙස හඳුන්වන අතර, ඔහුගේ ක්‍රියාකාරකම් 2015 සිට විදේශගතව පවත්වාගෙන ගොස් ඇත.

මත්ද්‍රව්‍ය ජාවාරම්: ඔහුගේ නම "කංජිපානි" ලෙස හඳුන්වන්නේ මත්ද්‍රව්‍ය තොගවලට "කේ.පී.අයි." (KPI) සලකුණු කිරීම නිසාය. පකිස්තානයේ සහ ඉරානයේ සිට මත්ද්‍රව්‍ය තොග මන්නාරම හරහා බෝට්ටු මගින් ශ්‍රී ලංකාවට ගෙන ඒමේදී ඔහුගේ ජාලය ක්‍රියාකාරී වේ. 2019 දී ඩුබායිහි මාකඳුරේ මධුෂ් සමග අත්අඩංගුවට ගැනීමේදී ගංජා ග්‍රෑම් 5.3ක් සොයාගන්නා ලදී. ඔහුගේ ජාලය LTTE සංවිධානය නැවත ගොඩනැගීමට මුදල් සැපයීමේදීද භාවිතා වී ඇති බව චෝදනා වේ.

ඉෂාරාට නවාතැන් දුන් නැන්දම්මා සහ බෑණා අත්අඩංගුවට

ඝාතන සහ තර්ජන: ක්ලබ් වසන්ත (සුරේන්ද්‍ර වසන්ත පෙරේරා) ඝාතනයේ (2024 ජූලි 8) ප්‍රධාන සැලසුම්කරු ලෙස සැක කෙරෙන අතර, ඔහුගේ ජාලය මධුෂ්ගේ මුදල් ප්‍රතික්ෂේප කිරීම නිසා මෙම ඝාතනය සිදුකළ බව පොලිසිය හෙළි කර ඇත. ඩෑන් ප්‍රියසාද් (2025 අප්‍රේල්) සහ පොලිස්පති දේශබන්දු තෙන්නකෝන් ඝාතන සැලසුම්වලදීද ඔහුගේ සම්බන්ධය තිබේ. ඔහුගේ ජාලය තර්ජන, වෙඩි ප්‍රහාර සහ බෝම්බ ප්‍රහාරවලට සම්බන්ධයි.

ජාත්‍යන්තර සම්බන්ධතා: ඔහුගේ ජාලය ඩුබායි, ඉන්දියාව (තමිල්නාඩු), ප්‍රංශය, ඕමානය, රුසියාව සහ පකිස්තානය ඇතුළු රටවල්වල ව්‍යාජ ගමන් බලපත්‍ර භාවිතයෙන් ක්‍රියාත්මක වේ. 2022 දී ඇප මත මුදාහැරීමෙන් පසු ඉන්දියාවට පලාගොස් ඔහු, 2024 අගෝස්තුවේ රුසියාවේ අත්අඩංගුවට ගැනීමෙන් පසු ලංකාවට ගෙන එන ලදී. ඔහුගේ ජාලයේ සාමාජිකයින් අතර ලොකු පැටී, රොටුඹ අමිල, කුඩුලාල් සහ ගොනකොවිලේ ශාන්ත ඇතුළත් වේ.

විදේශීය සම්බන්ධතා සහ පලායාම්: 2015 මාර්තු 28 දී ව්‍යාජ ගමන් බලපත්‍රයකින් ඩුබායිට පලාගිය ඔහු, 2019 පෙබරවාරි 5 දී මධුෂ් සමග අත්අඩංගුවට ගැනීමෙන් පසු ලංකාවට පිටුවහල් කරන ලදී. 2022 ජනවාරි 20 දී ඇප මත මුදාහැරීමෙන් පසු ඉන්දියාව හරහා ප්‍රංශයට පලාගොස් ඔහු, ජාත්‍යන්තර රතු නිවේදන (Red Notice) එකකින් සොයාගනු ලැබීය.

රට පැන්න දරුණු අපරාධකරුවන් 25ක් අල්ලන්න ගහන්න යන ප්ලෑන් එක මෙන්න

ඉෂාරාට නවාතැන් දුන් නැන්දම්මා සහ බෑණා අත්අඩංගුවට