අඳුරු ආදරයක්, රුදුරු අනාගතයක් - 17 හැවිරිදි තරුණයාගේ පාපොච්චාරණය

කුරුවිට, දෙවිපහළ ප්‍රදේශයේදී 26 හැවිරිදි තරුණියක වන ශාලිකා මධුෂානී ඝාතනය කිරීමේ සිද්ධිය සම්බන්ධයෙන් 17 හැවිරිදි තරුණයෙකු අත්අඩංගුවට ගෙන ඇත. පොලිස් පරීක්ෂණවලදී හෙළි වී ඇත්තේ, සැකකරු විසින් ඇයට ඉදිරිපත් කළ ප්‍රේම යෝජනාවක් ඇය ප්‍රතික්ෂේප කිරීම නිසා ඇති වූ කෝපයෙන් මෙම ඝාතනය සිදු කළ බවයි.

මෙම අපරාධය 2025 ජූලි 2 වැනිදා සවස් කාලයේදී සිදුව ඇත.

වෛද්‍ය මහේෂි විජේරත්නගේ දියණියත් අත්අඩංගුවට

ශාලිකා මධුෂානී කුරුවිට ප්‍රදේශයේ මැණික් කැපීමේ ආයතනයක සේවය කරමින්, දෛනිකව සිය සේවා ස්ථානයට ගොස් නිවසට පැමිණ ඇත. එදින ඇය දොඩංඇල්ල හන්දියෙන් බසයෙන් බැස පා ගමනින් නිවසට යමින් සිටියදී මෙම අවාසනාවන්ත සිදුවීමට මුහුණ දී ඇත. නිවාස නොමැති කැලෑබද මාර්ගයකදී මෙම ඝාතනය සිදුව ඇති බව පොලිසිය පවසයි.

නියමිත වේලාවට දියණිය නිවසට නොපැමිණීම නිසා සෙවීමට ගිය ඇගේ පියාට, ඇය ගසක් අසල මරා දමා සිටිනු දැකගැනීමට හැකි වී ඇත. ඔහුගේ දැනුම්දීම මත ක්‍රියාත්මක වූ කුරුවිට පොලිසිය, විමර්ශන සඳහා පොලිස් නිල සුනඛයෙකුද එම ස්ථානයට ගෙන්වා ඇත. එහිදී සුනඛයා, අපරාධය සිදුවූ ස්ථානය අසල ගැවසෙමින් සිටි සැකකාර තරුණයා අසල නතර වීමත් සමග, ඔහුගෙන් ප්‍රශ්න කිරීමේදී ඝාතනය සිදුකළ බව හෙළි විය.

සාමාන්‍ය පෙළ විභාගය ප්‍රතිඵල 2024 - නිකුත්වෙන දිනය මෙන්න

සැකකරුගෙන් ප්‍රශ්න කිරීමේදී ඔහු සියලු තොරතුරු පාපොච්චාරණය කර ඇත. ඔහු දින ගණනාවක් තිස්සේ තරුණියට ප්‍රේම සම්බන්ධතාවයක් යෝජනා කළත්, ඇය එය එකහෙළා ප්‍රතික්ෂේප කළ බවත්, ඒ සම්බන්ධයෙන් තීරණයක් ගැනීමට මෙම අපරාධය සැලසුම් කළ බවත් ඔහු පවසා ඇත. ඒ අනුව, සිද්ධිය වූ දින අත්වැසුම් සහ තියුණු බ්ලේඩ් තලයක් මිලදී ගෙන පැමිණ, තරුණිය එන මග රැක සිට ඇයව බලහත්කාරයෙන් කැලෑවට ඇදගෙන ගොස් ඇත.

පොලිසිය සැක පළ කරන්නේ, සැකකරු ලිංගික අතවරයක් සඳහා උත්සාහ කළ බවයි. කරාටේ සටන් කලාව හදාරා ඇති මධුෂානී එයට එරෙහිව දැඩි ලෙස සටන් කර ඇත. එම පොරබැදීම නිසා ඇයව පාලනය කිරීමට අපහසු වූ සැකකරු, රැගෙන ආ තියුණු ආයුධයෙන් ඇගේ ගෙල කපා ඝාතනය කර ඇති බව විමර්ශනවලදී හෙළි වී ඇත. සැකකරුගේ සිරුරේ සීරීම් තුවාල සහ තරුණිය විසින් සපා කෑමෙන් ඇති වූ බවට සැකකෙරෙන තුවාලයක්ද අධිකරණ වෛද්‍ය පරීක්ෂණයේදී නිරීක්ෂණය කර ඇත.

EPF ගැන ළඟදිම සුබ ආරංචියක්

ඝාතනයෙන් පසු සැකකරු, තරුණිය සතු රන් මාලය, ජංගම දුරකථනය සහ අත්බෑගය පැහැරගෙන ගොස් ඇත. පසුව ඔහු ලබාදුන් තොරතුරු අනුව, එම භාණ්ඩ දොඩංඇල්ල ප්‍රදේශයේ කැලෑවක සඟවා තිබියදී පොලිසිය විසින් සොයා ගන්නා ලදී.

අත්අඩංගුවට ගත් සැකකරු, කුමාරවේලු ආකාශ් කුමාර, රත්නපුර මහෙස්ත්‍රාත් අධිකරණයට ඉදිරිපත් කිරීමෙන් පසු, 2025 ජූලි 19 වැනිදා දක්වා දෙහිඕවිට ළමා නිවාසයක රඳවා තබන ලෙස නියෝග කර ඇත. සැකකරු ඝාතනයට ලක්වූ තරුණියගේ නිවසට නුදුරින් පිහිටි වත්තක තාවකාලිකව පදිංචිව සිටි අයෙකු බවද පොලිසිය තහවුරු කරගෙන ඇත.

අද ලග්න පලාපල – 2025 ජූලි 07 | අද ඔබේ ලග්නය කියන මහා වෙනස මෙන්න