නේටෝ සමුළුවට උතුරු කොරියානු නායක කිම් ජොං උන්ගෙන් දැවැන්ත විරෝධයක්

නේටෝ සමුළුවට උතුරු කොරියාවෙන් දැඩි විරෝධයක් ඇමෙරිකාව සහ එහි මිත්‍ර රටවල් විසින් යුද බලය වර්ධනය කිරීම සහ හමුදා සන්ධාන ශක්තිමත් කිරීමේ ක්‍රියාමාර්ග ගනිමින් සිටින බවට චෝදනා කරමින් උතුරු කොරියාව නේටෝ සමුළුව දැඩි ලෙස විවේචනය කර තිබේ.

උතුරු කොරියානු විදේශ අමාත්‍යාංශය ප්‍රකාශ කර ඇත්තේ, නේටෝ රටවල් ආසියා-පැසිෆික් කලාපයේ රටවල් සමඟ හමුදා සහයෝගීතාව වැඩි කරමින් සහ ආයුධ සංවර්ධනය වේගවත් කරමින් ගෝලීය ගැටුම් තත්ත්වයක් නිර්මාණය කරමින් සිටින බවයි.

රාජ්‍ය මාධ්‍ය වන (KCNA) හරහා නිකුත් කළ ප්‍රකාශයකින් උතුරු කොරියාව සඳහන් කර ඇත්තේ, තම රට සිදුකරන හමුදා අභ්‍යාස සහ ආරක්ෂක ක්‍රියාමාර්ග නේටෝව විසින් තර්ජනයක් ලෙස පෙන්වා දීමට උත්සාහ කරන බවයි.

හෝමුස් ප්‍රහාරය අපේ අතින් වුණු වැරැද්දක් ඉරානය ට්‍රම්ප්ගේ උපදේශකයින්ට කියයි

තුර්කියේ පැවති නේටෝ සමුළුවේදී ඇමෙරිකානු ජනාධිපති ඩොනල්ඩ් ට්‍රම්ප් විසින් යුරෝපා රටවලින් ආරක්ෂක වියදම් වැඩි කරන ලෙසට කළ ඉල්ලීම් මධ්‍යයේ, ඩොලර් බිලියන 50කට වැඩි වටිනාකමකින් යුත් ආරක්ෂක උපකරණ මිලදී ගැනීම් සහ කර්මාන්ත ගිවිසුම් ප්‍රකාශයට පත් කර තිබුණි.

දකුණු කොරියානු ජනාධිපති ලී ජේ මියුන්ග් ද මෙම සමුළුව අතරතුර ප්‍රකාශ කර ඇත්තේ, නේටෝ රටවල් සමඟ උසස් තාක්ෂණ, පර්යේෂණ සහ සංවර්ධන ක්ෂේත්‍රවල මෙන්ම ආයුධ නිෂ්පාදන ක්ෂේත්‍රයේ සහයෝගීතාව පුළුල් කිරීමට බලාපොරොත්තු වන බවයි.

කෙසේ වෙතත්, උතුරු කොරියාව පවසන්නේ නේටෝව සාමය සහ ආරක්ෂාව වෙනුවට යුද ගැටුම් සහ භූදේශපාලනික අරමුණු ඉදිරියට ගෙන යන සංවිධානයක් බවයි. එමෙන්ම උතුරු කොරියාව අවධාරණය කර ඇත්තේ, න්‍යෂ්ටික අවි අත්හැරීම පිළිබඳ සාකච්ඡා තම රටට පමණක් සීමා නොවිය යුතු බවත්, ඇමෙරිකානු ආරක්ෂක සහය යටතේ දකුණු කොරියාව සහ ජපානය න්‍යෂ්ටික හැකියාවන් වර්ධනය කිරීමට දරන උත්සාහයන් සහ නේටෝවේ න්‍යෂ්ටික බෙදාගැනීමේ වැඩසටහන් පිළිබඳවද අවධානය යොමු කළ යුතු බවත්ය.

තම ස්වෛරීභාවය සහ ආරක්ෂක අවශ්‍යතා ආරක්ෂා කිරීම සඳහා පියවර ගන්නා බව උතුරු කොරියානු විදේශ අමාත්‍යාංශය සඳහන් කර තිබේ.

මේ අතර, උතුරු කොරියානු නායක කිම් ජොං උන්ගේ උපදෙස් මත සිය න්‍යෂ්ටික බලකාය ප්‍රමාණාත්මක හා ගුණාත්මක වශයෙන් ශක්තිමත් කිරීම සඳහා පියවර ගන්නා බවටද එරට රාජ්‍ය මාධ්‍ය වාර්තා කර ඇත. 

ලෝකයටම අනතුරුදායක දරුණු තත්ත්වයක් පැසිෆික් සාගරය ආශ්‍රිතව නිර්මාණය වේ - ලංකාවට ප්‍රබල අවදානමක්