කෙහෙල්බද්දර පද්මේ නඩුව නැවත උණුසුම් වෙයි

හිටපු පාර්ලිමේන්තු මන්ත්‍රීණි හිරුණිකා ප්‍රේමචන්ද්‍ර මහත්මිය ඊයේ (05) අපරාධ පරීක්ෂණ දෙපාර්තමේන්තුව හමුවේ පැය තුනකට ආසන්න කාලයක් ප්‍රකාශයක් ලබා දී ඇති බව වාර්තා වේ.

ඇය මෙසේ පෙනී සිටියේ දැනට රඳවාගෙන සිටින පාතාල කල්ලි නායක මන්දිනු පද්මසිරි පෙරේරා හෙවත් 'කෙහෙල්බද්දර පද්මේ' නැමැත්තා සමඟ සබඳතා පැවැත්වූ බව කියන සිද්ධියක් සම්බන්ධයෙන් ප්‍රකාශයක් ලබා දීම සඳහා බව අපරාධ පරීක්ෂණ දෙපාර්තමේන්තුවේ නිලධාරීන් සඳහන් කර ඇත.

ප්‍රකාශය ලබා දීම සඳහා හිරුණිකා ප්‍රේමචන්ද්‍ර මහත්මිය පෙරවරු 9.30 පමණ අපරාධ පරීක්ෂණ දෙපාර්තමේන්තුවට පැමිණ ඇති අතර, පස්වරු 12.30 පමණ පිටත් වී ගොස් ඇති බව දැනුම් දී ඇත.

මෙම සිද්ධිය සම්බන්ධයෙන් මීට පෙර ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී නාමල් රාජපක්ෂ මහතාගෙන් සහ හිටපු අමාත්‍ය ප්‍රසන්න රණතුංග මහතාගෙන් ද අපරාධ පරීක්ෂණ දෙපාර්තමේන්තුව ප්‍රකාශ සටහන් කරගෙන තිබේ.

විමර්ශනයන්ට අදාළව තවත් හිටපු මැති ඇමතිවරුන් කිහිප දෙනෙකුගෙන් ප්‍රකාශ සටහන් කරගැනීමට නියමිත බව ද අපරාධ පරීක්ෂණ දෙපාර්තමේන්තුව පවසා ඇත.

ශිරන්තිගේ ID අංකය දාපු කෙනා බැංකු නිලධාරියෙක්ලු - නව හෙළිදරව්වක් මෙන්න

අද ඓතිහාසික දවසක් - ඉරානය හා ඇමරිකාව මුහුණට මුහුණ හමුවේ