කළු ගඟ අවට ප්‍රදේශවලට මහා ගංවතුර අනතුරු ඇඟවීම්

දිවයිනේ බටහිර පළාතේ කළුතර දිස්ත්‍රික්කයේ කළු ගඟ ද්‍රෝණියේ පහත්බිම් ප්‍රදේශවලට බලපා ඇති ගංවතුර තත්ත්වය ඉදිරියේදී මහා ගංවතුර මට්ටමකට වර්ධනය වීමේ ඉඩකඩක් ඇති බව වාරිමාර්ග දෙපාර්තමේන්තුව අද (30) නිවේදනයක් නිකුත් කරමින් අනතුරු ඇඟවීමක් නිකුත් කළේය.

මෙම අනතුරු ඇඟවීම පෙරවරු 7.30 දක්වා බලාත්මක වන අතර, ඉදිරි පැය 48ක් තුළ සැලකිය යුතු ගංවතුර තත්ත්වයක් ඇති විය හැකි බවත් එම දෙපාර්තමේන්තුව සඳහන් කරයි.

මාවිල්ආරු ජලාශයේ බැම්ම තැන් කිහිපයකින් කැඩී යයි

අඛණ්ඩව ඇදහැලෙන අධික වර්ෂාපතනය හේතුවෙන් කළු ගඟේ ජල මට්ටම වේගයෙන් ඉහළ යමින් පවතින අතර, මෙය රත්නපුර දිස්ත්‍රික්කයේද බලපෑම් ඇති කර ඇති බව වාර්තා වේ.

දැනට කළු ගඟේ අතු ගංගාවන් වන කුඩා ගඟ්වල ජල මට්ටම අනතුරු මට්ටම්වල පවතින බැවින්, මෙම තත්ත්වය තවදුරටත් උත්සන්න වීමේ අවදානමක් මතු වී තිබේ.