''ඇපල් 18 නැමෙන දුරකථනයක්ද?'' - Face ID වෙනුවට Touch ID එන ලකුණු

Apple සමාගමේ පළමු නැමිය හැකි iPhone එක සම්බන්ධයෙන් මේ වනවිට තොරතුරු රැසක් වාර්තා වෙමින් පවතින අතර, එය සමාගමේ ස්මාර්ට්ෆෝන් පෙළට එක්වන දැවැන්තම වෙනස්කම්වලින් එකක් වනු ඇතැයි අපේක්ෂා කෙරේ.

වාර්තා වලට අනුව, iPhone Fold හෝ iPhone Ultra ලෙස හඳුන්වා ඇති මෙම උපාංගය සැප්තැම්බර් 9 වැනිදා පැවැත්වීමට නියමිත Apple උත්සවයේදී iPhone 18 Pro සහ iPhone 18 Pro Max සමඟ එළිදැක්වීමට ඉඩ තිබේ.

කෙසේ වෙතත්, Apple සමාගම මෙතෙක් මෙම උපාංගයේ පැවැත්ම, නම,තාක්ෂණික ලක්ෂණ හෝ මිල පිළිබඳව නිල වශයෙන් තහවුරු කර නොමැත. Bloomberg හි Mark Gurman ඇතුළු විශ්ලේෂකයන්ගේ වාර්තා අනුව, උපාංගයේ ආරම්භක මිල ඇමෙරිකානු ඩොලර් 2,000 ඉක්මවිය හැකි අතර, එය ඉහළ මිල කාණ්ඩයේ Foldable දුරකථනයක් වනු ඇත.

කෙසේ වෙතත්, ඉතා සිහින් මෝස්තරයක් ලබාදීම සඳහා Apple සමාගමට ඇතැම් විශේෂාංගවලින් සම්මුතියකට පැමිණීමට සිදුවිය හැකි බවට වාර්තා පළවී තිබේ.

Face ID වෙනුවට Touch ID?

මෙහි වඩාත්ම කැපී පෙනෙන වෙනසක් විය හැක්කේ Face ID පහසුකම ඉවත් කිරීමයි. වාර්තා අනුව, උපාංගය සම්පූර්ණයෙන් දිගහැරූ විට මිලිමීටර් 4.5ක් පමණක් ඝනකමකින් යුක්ත විය හැකි අතර, Face ID සඳහා අවශ්‍ය TrueDepth සංවේදක පද්ධතිය ස්ථාපනය කිරීමට එම ඉඩ ප්‍රමාණවත් නොවිය හැකිය.

ඒ වෙනුවට Touch ID නැවත හඳුන්වා දීමට Apple සමාගම සැලසුම් කර ඇති බවට කාන්දුවීම් පවතී. එහිදී ඇඟිලි සලකුණු සංවේදකය සාම්ප්‍රදායික Home Button එකකට නොව, උපාංගයේ පැති බල බොත්තම තුළට ඒකාබද්ධ කිරීමට ඉඩ ඇති බව සඳහන් වේ.

මෙවැනි ක්‍රමයක් ඇතැම් iPad මාදිලිවල Touch ID සඳහා දැනටමත් භාවිත වේ.

සඳ අයිති අපිටයි වෙන කාටවත් නෙවෙයි - ට්‍රම්ප්ගේ සටහනක් නිසා බුකිය කැලඹේ

Telephoto කැමරාවක් නොමැති විය හැකියි

iPhone 18 Pro මාදිලි සමඟ සසඳන විට කැමරා පද්ධතියෙන්ද මෙම Foldable iPhone එක යම් පසුබෑමකට ලක්විය හැකි බව වාර්තා වේ.

කාන්දු වූ තොරතුරු සහ Dummy මාදිලි අනුව, උපාංගයේ පසුපස කැමරා දෙකක් පමණක් තිබිය හැකි අතර, ඒවා මෙගාපික්සල් 48 Wide කැමරාවක් සහ මෙගාපික්සල් 48 Ultra-wide කැමරාවක් විය හැකිය.

ඒ අනුව, වෙනම Telephoto කැමරාවක් නොතිබීමට ඉඩ ඇති අතර, එය උපාංගයේ සිහින් නිමාව පවත්වා ගැනීම සඳහා සිදුකරන ලද සම්මුතියක් විය හැකිය.

අඟල් 7.8ක විශාල අභ්‍යන්තර තිරයක්

වාර්තා අනුව, Foldable iPhone එකට අඟල් 5.5ක බාහිර තිරයක් සහ අඟල් 7.8ක අභ්‍යන්තර තිරයක් හිමිවිය හැකිය.

බාහිර තිරය සාමාන්‍ය දුරකථන භාවිතය සඳහාත්, උපාංගය දිගහැරීමෙන් පසු ලැබෙන විශාල තිරය වීඩියෝ නැරඹීම, යෙදුම් භාවිතය සහ බහුකාර්ය කටයුතු සඳහා ටැබ්ලට් ආකාරයේ අත්දැකීමක් ලබාදීමටත් නිර්මාණය කරනු ඇතැයි අපේක්ෂා කෙරේ.

එමෙන්ම තිරය නැමෙන ස්ථානයේ ඇතිවන crease එක අවම කිරීමට Apple සමාගම විශේෂ අවධානයක් යොමු කර ඇති බවද වාර්තා වේ. Liquid-metal hinge තාක්ෂණයක් භාවිත කිරීම හරහා වසර ගණනාවක් නැවත නැවත නැමීමේදීද එහි නිමාව පවත්වා ගැනීමට උත්සාහ කරන බව සඳහන්ය.

MagSafe පහසුකම නම් රැඳී සිටිය හැකියි

Foldable මෝස්තරය හේතුවෙන් MagSafe පහසුකම පිළිබඳවද සැකයක් පැවතුණද, නවතම වාර්තා අනුව Apple හි MagSafe චුම්බක ආරෝපණ පද්ධතිය මෙම උපාංගයටද ඇතුළත් වීමට ඉඩ තිබේ.

වෙනස් ආකාරයක බොත්තම් සැකැස්මක්

 Dummy මාදිලි අනුව, Volume බොත්තම් උපාංගයේ ඉහළ දාරය ආසන්නයේ, දකුණු පසට වන්නට ස්ථානගත විය හැකිය. මෙම වෙනස් සැකැස්ම උපාංගයේ අභ්‍යන්තර සංරචක ස්ථානගත කරන ආකාරය සමඟ සම්බන්ධ විය හැකි බවටද මත පළවී තිබේ.

එමෙන්ම Action Button එකද මෙම Foldable iPhone එකෙන් ඉවත් විය හැකි බවට කාන්දුවීම් පවතින නමුත්, එය මෙතෙක් තහවුරු කර නොමැත.

Physical SIM කාඩ්පතත් අහිමි වෙයිද?

මෙම උපාංගය eSIM-only දුරකථනයක් ලෙස හඳුන්වාදීමට Apple සමාගම සැලසුම් කර ඇති බවටද වාර්තා පළවී තිබේ. ඒ අනුව, සාම්ප්‍රදායික Physical SIM කාඩ්පත් ඇතුළත් කිරීම සඳහා වන SIM slot එකක් නොතිබීමට ඉඩ ඇත.

එමෙන්ම Apple සමාගමේම C2 modem එක භාවිත කළහොත් mmWave 5G සහායද නොලැබීමට ඉඩ ඇති බව සඳහන් වේ. කෙසේ වෙතත්, ඇමෙරිකානු වෙළඳපොළ සඳහා වන iPhone 18 Pro මාදිලිවල Qualcomm hardware භාවිතය තවදුරටත් පවත්වාගෙන යාමට ඉඩ ඇති බව වාර්තා වේ.

කෙසේ වෙතත්, මෙම සියලු තොරතුරු මේ වනවිට වාර්තා සහ කාන්දුවීම් මත පදනම් වූ ඒවා වන අතර, Apple සමාගම විසින් නිල වශයෙන් තහවුරු කර නොමැත. 

සඳ අපේ.. ට්‍රම්ප්ගෙන් තවත් ගිනි ගෙඩියක් - ලෝකෙම පුදුම කරමින් සඳටත් අයිතිවාසිකම් කියයි