ඔයාගෙම කියලා වාහනයක් ගන්න ද හිතුවේ?. වාහන ගැන මේ දැන් ලැබුණ ආරංචිය මෙන්න..
Sithumi
මුදල් රාජ්‍ය අමාත්‍ය රංජිත් සියඹලාපිටිය මහතා වාහන ආනයනය කිරීම සම්බන්ධයෙන් විශේෂ ප්‍රකාශයක් සිදු කළේ ය.
ඒ අදියර හතරක් ඔස්සේ වාහන ආනයනය සම්බන්ධයෙන් රජයේ අවධානය යොමු වී ඇති බවයි.
අද (08) වාහන ආනයනකරුවන්ගේ සංගමය සමග මුදල් අමාත්‍යාංශයේ පැවති සාකච්ඡාවකට ඒක්වෙමින් ඒ මහතා මේ බව සඳහන් කළේ ය.
එමෙන්ම, රථ වාහන ආනයන සීමා ඉවත් කිරීම සහ ඉන් ඇති විය හැකි බලපෑම පිළිබඳ විශේෂ වාර්තාවක් නුදුරේදීම වාහන ආනයනකරුවන් විසින් තමා වෙත ලබා දීමට අපේක්ෂිත බව ද ඔහු පැවසීය.
තව ද, ආනයන සීමා ලිහිල් කිරීම පිළිබඳ සවිස්තර තොරතුරු ඊට ඇතුළත් වනු ඇති බව මුදල් රාජ්‍ය අමාත්‍යවරයා කියා සිටියේ ය.
ඒ අනුව, ආනයන ක්ෂෙත්‍රයේ ප්‍රවීණයන් අතින් සැකසෙන මෙම වාර්තාව වාහන ආනයනය යළි ආරම්භ කිරීම කෙරෙහි සැලකිය යුතු බලපෑමක් කරනු ඇත.
එමෙන්ම, සියලු වාහන ආනයනය කිරීම එක්වරම ආරම්භ නොකර කාණ්ඩ කිහිපයක් යටතේ සිදු කිරීම වඩාත් ප්‍රායෝගික බව ආනයනකරුවන් එහි දී පෙන්වා දී ඇත.
පොදු ප්‍රවාහනය සඳහා අවශ්‍ය වාහන, පාවිච්චි කළ වාහන, පෞද්ගලික වාහන ආදී වශයෙන් කොටස් වශයෙන් ආනයනය සඳහා අවසර ලබා දීම වඩාත් ප්‍රායෝගික බවත් එහි දී අවධාරණය කර ඇති බව සඳහන් වේ.
කෙසේ වෙතත්, බදු ගෙවීම පිළිබඳ මතුව ඇති ගැටලුකාරී තත්ත්වයන් පිළිබඳව ද මෙහි දී දීර්ඝ වශයෙන් සාකච්ඡා කර තිබෙනවා.
