IMF නියෝජිතයින් සහ අග්‍රාමාත්‍යවරිය අතර හමුවක්

ශ්‍රී ලංකාව වර්තමානයේදී අත්කරගෙන ඇති කැපීපෙනෙන ආර්ථික ප්‍රගතිය මෙන්ම රටේ පොදු උද්ධමනය සැලකිය යුතු මට්ටමකින් පහත වැටීම සහ මූල්‍ය ආර්ථිකයේ ස්ථාවරත්වය ජාත්‍යන්තර මූල්‍ය අරමුදලේ ඉහළ පෙළේ නියෝජිතයින්ගේ සෘජු ඇගයීමට ලක්ව තිබේ.

ශ්‍රී ලංකාව මේ වන විට ලබා ඇති සාධනීය ආර්ථික ප්‍රගතිය සහ රටේ දේශීය සංවර්ධනයේ ඉදිරි තීරණාත්මක අදියරයන් පිළිබඳව පුළුල් ලෙස සාකච්ඡා කිරීම අරමුණු කරගනිමින් ජාත්‍යන්තර මූල්‍ය අරමුදලේ විශේෂ නියෝජිත පිරිසක් අද 30 වනදා කොළඹ අරලියගහ මන්දිරයේ දී අග්‍රාමාත්‍ය ආචාර්ය හරිනි අමරසූරිය මහත්මිය හමුවූහ.

සේවකයන්ට මගෙන් වැරැද්දක් වුණා ඒකට සමාවෙන්න - මිස්ටර් කොත්තු සියල්ල පාපොච්චාරණය කරමින් ලංකාවෙන්ම සමාව ඉල්ලයි

එහිදී පැවති ද්විපාර්ශ්වික සාකච්ඡාවේ දී අදහස් දක්වමින් ජාත්‍යන්තර මූල්‍ය අරමුදලේ නියෝජිත පිරිස අවධාරණය කළේ වත්මන් ගෝලීය ආර්ථික අවිනිශ්චිතතාවයන් හේතුවෙන් ලෝකය පුරා මතුව ඇති විවිධ අභියෝගවලට සාර්ථකව මුහුණ දීම සඳහා ශ්‍රී ලංකාවට තමන් සතු උපරිම මූල්‍ය හා තාක්ෂණික සහයෝගය ඉදිරියටත් ලබා දීමට සූදානම් බවය.

මෙම හමුවේදී අග්‍රාමාත්‍යවරිය විසින් පසුගිය වසර එකහමාරක අසීරු කාලය තුළ ශ්‍රී ලංකාවට ජාත්‍යන්තර මූල්‍ය අරමුදල විසින් ලබාදෙන ලද අඛණ්ඩ සහයෝගය වෙනුවෙන් රජයේ කෘතඥතාව නිල වශයෙන් පළ කළ අතර ඉදිරියටත් දෙපාර්ශවය අතර පවතින ශක්තිමත් සහයෝගිතා හවුල්කාරිත්වය එලෙසින්ම පවත්වාගෙන යාමේ තීරණාත්මක වැදගත්කම ද අවධාරණය කළාය.

ගෝලීය අවිනිශ්චිතතා හමුවේ රට තුළ තිරසාර ආර්ථික ප්‍රගතියක් අත්කර ගැනීම සඳහා ශ්‍රී ලංකාව සිය ඉදිරි සංවර්ධන ගමන් මඟ ඉතාමත් සැලසුම්සහගතව සකස් කරගත යුතු බව පෙන්වා දුන් අග්‍රාමාත්‍යවරිය විශේෂයෙන්ම ලෝකයේ වෙනස්වන නව ප්‍රවණතාවන් හමුවේ බලශක්ති වරාය සහ කෘෂිකාර්මික ක්ෂේත්‍ර කෙරෙහි වැඩි අවධානයක් යොමු කරමින් රටේ බාහිර ආර්ථික කම්පනවලට සාර්ථකව මුහුණ දීමේ ජාතික හැකියාව තවදුරටත් ශක්තිමත් කළ යුතු බව ද සඳහන් කළාය.

ජාත්‍යන්තර වෙළෙඳාම ප්‍රවර්ධනය කිරීම විදේශීය ආයෝජන ආකර්ෂණය කර ගැනීම රටේ පොදු සමාජ ආරක්ෂණය ශක්තිමත් කිරීම සියලුම පාර්ශවයන් ඇතුළත් වන පොදු ආර්ථිකයක් ගොඩ නැගීම සහ රටේ මූලික යටිතල පහසුකම් කඩිනමින් සංවර්ධනය කිරීමේ වැදගත්කම පිළිබඳවද මෙහිදී දෙපාර්ශවය අතර දීර්ඝ ලෙස සාකච්ඡා කෙරුණු බව අග්‍රාමාත්‍ය මාධ්‍ය අංශය නිකුත් කළ නිල නිවේදනයේ සඳහන් වේ.

රටේ සැබෑ සංවර්ධනය ළඟා කරගැනීමේ දී මූල්‍ය ආර්ථික සංවර්ධනය සහ පොදු සමාජ ආරක්ෂණය යන අංශ දෙකම සමබරව එකට තබා ඉදිරියට යා යුතු බවත් එය සාර්ථකව ළඟා කර ගැනීම සඳහා නාගරික අපද්‍රව්‍ය කළමනාකරණය සහ විධිමත් අපජල පද්ධති වැනි පොදු ක්ෂේත්‍ර ඇතුළුව ශක්තිමත් රාජ්‍ය යටිතල පහසුකම් අත්‍යවශ්‍ය බව ද අග්‍රාමත්‍යවරිය මෙහිදී විශේෂයෙන් පෙන්වා දී තිබේ.

ඩෙංගු රෝගය තවදුරටත් ඉහළට - මෙහෙයුම් මැදිරියක් ස්ථාපිත කර විශේෂ දුරකතන අංකයක් හඳුන්වා දෙයි

එසේම වර්තමානයේදී කාර්යක්ෂම රාජ්‍ය සේවා සැපයීමට ප්‍රධාන බාධාවක් වී ඇති සමස්ත රාජ්‍ය අංශයේ මානව සම්පත් ගැටළු සඳහා කඩිනම් විසඳුම් සෙවීමේ අත්‍යවශ්‍යතාවය ද අග්‍රාමාත්‍යවරිය මෙම හමුවේදී තවදුරටත් අවධාරණය කළාය.